தமிழ் சினிமாவில் நடன இயக்குநராக பிரபலமானவர் ராகவா லாரன்ஸ். நடன இயக்குநர் மட்டுமின்றி நடிகர், இயக்குநர் என பல அவதாரங்களை எடுத்திருப்பவர். இவர் இயக்கிய காஞ்சனா வரிசை படங்கள் மிகப்பெரிய ஹிட்டடித்துள்ளன. பாலிவுட்டிலும் அதன் மூலம் இயக்குநராக அறிமுகமாகியிருக்கிறார். தற்போது அவர் பி.வாசு இயக்கத்தில் சந்திரமுகி 2வில் நடித்துவருகிறார். சினிமாவில் நடிப்பதோடு தன் வேலை முடிந்துவிட்டது என்று நினைக்காமல் பலருக்கும் பல உதவிகளை செய்துவருகிறார். அவரது செயல் பலரது பாராட்டையும் பெற்றுள்ளது.
அவர் இன்று தனது 46ஆவது பிறந்தநாளை கொண்டாடுகிறார்.இந்நிலையில் ரஜினியின் தீவிர ரசிகரான அவர் பிறந்தநாளையொட்டி ரஜினியை சந்தித்து வாழ்த்தும், ஆசீர்வாதமும் பெற்றார்.
அவருடன் இருக்கும் புகைப்படத்தை தன்னுடைய ட்விட்டர் பக்கத்தில் பகிர்ந்து, “எனது பிறந்தநாளில் தலைவர் மற்றும் குருவிடம் ஆசீர்வாதம் பெறுவதில் நான் மிகவும் மகிழ்ச்சியடைகிறேன். ஒவ்வொரு வருடமும் நான் ஏதாவது சேவை செய்ய முடிவு செய்கிறேன்.
I’m extremely happy to take blessings from Thalaivar and Guru on my birthday. Every year I decide to do some service, This year I’m planning to do #Annadhanam as I know the value of hunger. I will visit places personally and distribute food whenever I can. I need your blessings! pic.twitter.com/fCusDt2Taw
— Raghava Lawrence (@offl_Lawrence) October 29, 2022
இந்த ஆண்டு நான் பசியின் மதிப்பை அறிந்து அன்னதானம் செய்ய திட்டமிட்டுள்ளேன். பல இடங்களுக்கு நேரில் சென்று உணவு விநியோகம் செய்வேன். எனக்கு உங்கள் ஆசிகள் வேண்டும்” என குறிப்பிட்டுள்ளார்.
முன்னதாக சில மாதங்களுக்கு முன்பு லாரன்ஸ் வெளியிட்ட வீடியோ ஒன்றில், “நான் யாருக்கு உதவி செய்தாலும் என் காலில் விழக்கூடாது, அவர்கள் காலில் விழுந்து என் சேவையைச் செய்வேன். எனக்குள் ஒரு சிறு மாற்றத்தை கொண்டு வர நீண்ட நாட்களாக காத்திருந்தேன். இன்று நான் முதல் அடி எடுத்து வைக்கிறேன். உதவி கேட்பதற்காக ஏழைகள் பணக்காரர்களின் காலில் விழுவதை நான் எப்போதும் பார்த்திருக்கிறேன், உதவி பெற்ற பிறகு அவர்களும் அவ்வாறே செய்கிறார்கள். என் வாழ்க்கையில் நடந்த சில சம்பவங்களால் நான் தனிப்பட்ட முறையில் அதைப் பார்க்க விரும்பவில்லை, அதை உங்கள் அனைவருடனும் பகிர்ந்து கொள்ள விரும்புகிறேன். இனி நான் உதவி செய்தால் நான்தான் அவர்கள் காலில் விழுவேன்” என பேசியிருந்தது குறிப்பிடத்தக்கது.
மேலும் படிக்க | கமலால் கடனாளி ஆனேனா?... முற்றுப்புள்ளி வைத்த லிங்குசாமி
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
