மாஸ்டர் படத்திற்கு பிறகு இரண்டாவது முறையாக லோகேஷ் கனகராஜ் விஜய் கூட்டணி உருவாகியுள்ளது. இந்த படத்தின் அறிவிப்பு வெளியானதில் இருந்து படத்தின் மீதான எதிர்பார்ப்பு அதிக அளவில் இருந்தது, காரணம் விக்ரம் படத்தின் மிகப்பெரிய வெற்றி. மேலும் படத்தின் டைட்டில் தொடங்கி படத்தில் நடிக்கும் கதாபாத்திரங்கள் வரை படத்தின் மீதான எதிர்பார்ப்பை நாளுக்கு நாள் அதிகரித்து கொண்டே தான் சென்றது. லோகேஷ் கனகராஜ் இயக்கியுள்ள இந்த படத்தில் விஜய், திரிஷா, கெளதம் வாசுதேவ் மேனன், அர்ஜுன், சஞ்சய் தத், மன்சூர் அலிகான், பிரியா ஆனந்த், மேத்யூ தாமஸ் என பலர் நடித்துள்ளனர். அனிருத் இந்த படத்திற்கு இசையமைக்க செவன் ஸ்கிரீன் நிறுவனம் தயாரித்துள்ளது. படத்திற்கு அதிகாலை காட்சிக்கு அனுமதியில்லை என்பது தொடங்கி படம் சொன்ன தேதியில் வெளியாகுமா என்ற சந்தேகமே ரசிகர்களுக்கு வந்தது. இறுதியில் ஒரு வழியாக லியோ படம் தமிழகத்தில் காலை 9 மணி காட்சி முதல் வெளியானது.
மேலும் படிக்க | இணையத்தில் லீக் ஆன ‘லியோ’ படம்..! அதிர்ச்சியில் படக்குழுவினர்..!
காஷ்மீர் பகுதியில் விஜய் தனது மனைவி திரிஷா மற்றும் தனது இரு மகன் மற்றும் மகளுடன் அமைதியான முறையில் காபி ஷாப் ஒன்றை நடத்தி வருகிறார். கௌதம் வாசுதேவன் காவல்துறை அதிகாரியாகவும் விஜய்யின் நண்பராகவும் இருந்து வருகிறார். விஜய் நடத்தி வரும் காபி ஷாப்பில் ஒரு ரவுடி கும்பல் பிரச்சனை செய்கிறது, அந்த சமயத்தில் தற்காப்பிற்காக அவர்களை துப்பாக்கியால் சுட்டு விடுகிறார் விஜய். இதனால் அவரைப் பற்றி இந்தியா முழுவதும் பேசப்படுகிறது. இதனால் விஜய்க்கும் அவரது குடும்பத்திற்கும் அடுத்தடுத்து என்ன பிரச்சனை ஏற்படுகிறது, அதிலிருந்து தனது குடும்பத்தை விஜய் எப்படி மீட்டார் என்பதே லியோ படத்தின் கதை. லோகேஷ் கனகராஜ் ஆரம்பத்தில் சொன்னது போலவே இது முழுக்க முழுக்க அவரது படமாக உருவாகியுள்ளது. விஜய் தனது வழக்கமான படங்களில் இருந்து முற்றிலும் ஒரு வேறுபட்ட நபராக காணப்படுகிறார். நடிப்பு, பாடி லாங்குவேஜ் என வித்தியாசமாக காணப்படுகிறார்.
ஓபனிங் பாடல்கள் இல்லாத, ஓபனிங் பைட் சீன் இல்லாத, ஹீரோ பில்டப் காட்சிகள் இல்லாத ஒரு முழுக்க முழுக்க விஜய் படமாக லியோ உள்ளது. விஜய் மற்றும் திரிஷா இருவருக்கும் இடையேயான கெமிஸ்ட்ரி சூப்பராக ஒர்க் அவுட் ஆகி உள்ளது, அவரது குடும்பத்தைச் சுற்றி நகரும் காட்சிகள் மிகவும் அழகாக எடுக்கப்பட்டுள்ளது. கதையில் முதல் சண்டை காட்சி தொடங்கியதில் இருந்து படம் முடியும் வரை அடுத்தடுத்து வரும் சண்டை காட்சிகள் அனைத்தும் மெய் சிலிர்க்க வைக்கிறது. அன்பறிவு மாஸ்டர்ஸ் கதைக்கு தேவையான அளவில் பைட் காட்சிகளை அமைத்துள்ளனர். லோகேஷ் கனகராஜின் வித்தியாசமான திரைக்கதையில் முதல் பாதி எவ்வளவு வேகமாக செல்கிறதோ அதேபோலவே இரண்டாம் பாதியும் உள்ளது.
படத்தில் முக்கிய கதாபாத்திரத்தில் நடித்துள்ள அர்ஜுன், சஞ்சய் தத், கௌதம் அஸ்தி மேனன் என அனைவரும் தங்களது சிறந்த நடிப்பை வெளிப்படுத்தி உள்ளனர். லியோ படம் LCUல் வருமா? வராதா என்ற ரசிகர்களின் எதிர்பார்ப்பை பூர்த்தி செய்துள்ளார் இயக்குனர். லியோ படம் முழுக்க வரும் சஸ்பென்ஸ் நன்றாக ஒர்க் ஆகி உள்ளது. காஸ்மீர் காட்சிகள் படமாக்கப்பட்டு இருந்த விதம் சிறப்பாக இருந்தது. அனிருத்தின் பின்னணி இசையில் பாடல்கள் மற்றும் பிஜிஎம் திரையரங்குகளை அதிர செய்கிறது. விஜய் ரசிகர்களுக்கு என்னவெல்லாம் பிடிக்கும் அதை எல்லாம் பார்த்து பார்த்து செய்துள்ளார் லோகேஷ் கனகராஜ். ரசிகர்கள் எதிர்பார்ப்பையும் தாண்டி லியோ படம் அனைவருக்கும் பிடிக்கும் என்பதில் சந்தேகம் இல்லை.
மேலும் படிக்க | ரசிகர்களின் எதிர்பார்ப்பை பூர்த்தி செய்ததா லியோ? டிவிட்டர் விமர்சனம் இதோ!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
