Ravi Mohan Karathey Babu Film Announcement : கோலிவுட்டை பொறுத்தவரை, டாப்பில் இருக்கும் ஹீராக்களான ரஜினி, விஜய், அஜித் உள்ளிட்டோர் படங்களின் அறிவிப்பிற்கு ரசிகர்கள் மத்தியில் அதிக எதிர்பார்ப்பு இருக்கும். நன்கு கவனிக்கப்படும் ஹீரோக்கள் படங்களின் அறிவிப்புகள், நன்றாக இருந்தால் மட்டுமே ரசிகர்கள் மத்தியில் கவனம் பெறும். அந்த வகையில், நடிகர் ரவி மோகன் நடித்து வரும் ஒரு படத்திற்கும் விஜய் ஆண்டனி நடித்திருக்கும் ஒரு படத்திற்கும் ரசிகர்கள் நல்ல வரவேற்பினை கொடுத்து வருகின்றனர். அது குறித்து, இங்கு முழுமையாக காணலாம்.
ரவி மோகன் நடிக்கும் கராத்தே பாபு:
ரவி மோகன் நடிப்பில், பொன்னியின் செல்வன் படத்திற்கு பிறகு வெளியான அத்தனை படங்களும் பெரிய ஏமாற்றத்தை சந்தித்தன. குறிப்பாக, கடைசியாக வெளியான ‘காதலிக்க நேரமில்லை’ திரைப்படம் புதுவிதமான கதையுடன் இருந்ததால், மண்ணை கவ்வியது. இந்த நிலையில், அவரது 34வது படம் குறித்த டைட்டில் டீசர் இன்று வெளியாகி உள்ளது.
‘கராத்தே பாபு’ என பெயர் வைக்கப்பட்டிருக்கும் இந்த படத்தை ‘டாடா’ பட இயக்குநர் கணேஷ் கே பாபு இயக்கியிருக்கிறார். இந்த படத்தின் டீசரே, சட்டமன்ற அமைப்பின் பின்னணியில் வெளியாகி இருக்கிறது. இதில், கே.எஸ்.ரவிகுமார், நாசர் உள்ளிட்ட பலர் வருகின்றனர்.
இத்தனை ஆண்டுகளாக ரசிகர்களால் ‘ஜெயம் ரவி’ என அழைக்கப்பட்டவர், சமீபத்தில் தன்னை ‘ரவி மோகன்’ என அழைக்க வேண்டும் எனக்கூறினார். இதை சிம்பாளிக்காக இந்த படத்தின் டீசரிலும் “எனக்கு இன்னொரு பெயர் இருக்கு..” என்பது போல தெரிவித்திருக்கிறார்.
மாண்புமிகு தமிழக மக்களே !!#கராத்தே_பாபு எனும் நான் … #KaratheyBabu https://t.co/WyopnAO1bM
Dir by @ganeshkbabu
A @samcsmusic Musical
Produced by #SundarArumugam @Screensceneoffl #RM34 #RaviMohan pic.twitter.com/mxObCEE0ku— Ravi Mohan (@iam_RaviMohan) January 29, 2025
இந்த டீசர் பார்க்க நன்றாக இருப்பதாகவும், இந்த கூட்டணியை எதிர்பார்க்கவில்லை என்றும் ரசிகர்கள் கருத்து தெரிவித்து வருகின்றனர்.
விஜய் ஆண்டனியின் படம்:
விஜய் ஆண்டனி நடிப்பில் பெரும் எதிர்பார்ப்பை ஏற்படுத்தி வெளியாக இருக்கிறது ‘ சக்தி திருமகன் ‘ திரைப்படம். அவரது கேரியரில் இந்தப் படம் நிச்சயம் மைல் கல்லாக அமைய உள்ளது. அவரது 25வது திரைப்படமாக வெளியாக இருக்கும் இப்படம் மாஸ் ஆக்ஷன் ஃபேமிலி என்டர்டெய்னராக இருக்கும் என்று படக்குழு உறுதியளித்துள்ளனர்.
எதார்த்தமாகவும், வலிமையாகவும் கதை சொல்லும் திறமை கொண்ட இயக்குநர் அருண் பிரபு இப்படத்தை இயக்கவிருக்கிறார். இவரின் முந்தைய படங்களான ‘அருவி‘, ‘வாழ்‘ உள்ளிட்ட படங்கள் இப்போதும் தமிழ் சினிமாவின் தனித்துவமான கதைகளாகக் கொண்டாப்பட்டு வருகின்றன. அதன் வரிசையில் இப்படமும் ஆழமான கதையுடன் கூடிய ஆக்ஷன் மாஸ் படமாக இடம் பெறும். படத்தை விஜய் ஆண்டனி ஃபிலிம்ஸ் கார்ப்பரேஷன் தயாரிக்க, மீரா விஜய் ஆண்டனி வழங்குகிறார்.
விஜய் ஆண்டனி நாயகனாக நடிக்கும் இப்படத்தில் வாகை சந்திரசேகர், சுனில் கிரிப்லானி, செல் முருகன், த்ருப்தி ரவீந்திரன் மற்றும் குழந்தை நடிகர் மாஸ்டர் கேசவ் ஆகிய திறமையான நடிகர்கள் குழு உடன் நடிக்கவிருக்கிறார்கள்.
புயலடிக்கிற வேகத்தில் புழுதி குப்பைங்க இருக்குமா
இவன் நடக்குற வேகத்த சகுனிக்கூட்டம் தாங்குமா#VA25 @ArunPrabu_ @vijayantonyfilm pic.twitter.com/XCxjv95UVH— vijayantony (@vijayantony) January 29, 2025
குடும்பம், ஆக்ஷன், மாஸ் மற்றும் உணர்வுகள் சூழந்த கதையாக நிச்சயம் ‘சக்தி திருமகன்‘ பார்வையாளர்களுக்கு நல்லதொரு திரை அனுபவத்தைக் கொடுக்கும். விஜய் ஆண்டனியின் 25வது திரைப்படமாக அவருடைய கேரியரிலும் முக்கியத்துவம் வாய்ந்த படமாக அமையும். தற்சமயம் படம் போஸ்ட் புரடெக்ஷனில் உள்ளது. படம் குறித்து கூடுதல் அறிவிப்புகள் விரைவில் வெளியாகும்.
பெயர் என்ன?
விஜய் ஆண்டனியின் இந்த படத்திலிருந்து 2 போஸ்டர்கள் வெளியாகின. அதில் தமிழில் இருந்த போஸ்டரில் படத்தின் பெயர் ‘பராசக்தி’ என்று குறிப்பிடப்பட்டிருந்தது. ஆங்கில போஸ்டரில், ‘சக்தித்திருமகன்’ என எழுதப்பட்டிருக்கிறது. இதை பார்க்காமல் பதிவிட்டது படக்குழுவின் தவறா, அல்லது இருவேறு போஸ்டர்களை டிசைன் செய்து கொடுத்த டிசைனரின் தவறா என்பது தெரியவில்லை.
சிவகார்த்திகேயனின் 25வது படத்திறக்கு ‘பராசக்தி’ என பெயரிடப்பட்டுள்ளதாக கூறப்பட்டது. ஆனால், இப்போது விஜய் ஆண்டனியின் படத்திற்கு இவ்வாறு பெயர் சூட்டப்பட்டிருப்பது சர்ச்சையை எற்படுத்தியுள்ளது.
மேலும் படிக்க | சர்ச்சையில் சிக்கிய விஜய் ஆண்டனி படம்! இயக்குநருக்கு தெரியாமல் காட்சிகள் சேர்ப்பு!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
