அமரன் முதல் நாள் வசூல்: தமிழகத்தில் மட்டும் இத்தனை கோடியா?

Amaran Box Office Collection Day 1 : ராஜ்குமார் பெரியசாமி இயக்கத்தில், உண்மை சம்பவங்களை அடிப்படையாக வைத்து எடுக்கப்பட்ட திரைப்படம், அமரன். இந்த படத்தில் முதன்முறையாக சிவகார்த்திகேயன் ராணுவ அதிகாரி கதாப்பாத்திரத்தில் நடித்திருக்கிறார். ரசிகர்கள் மத்தியில் மிகுந்த எதிர்பார்ப்பை தூண்டிய இந்த திரைப்படம், தீபாவளி தினத்தை முன்னிட்டு, நேற்று (அக்டோபர் 31) தியேட்டர்களில் வெளியானது. இந்த படம் குறித்தும், முதல் நாளில் இப்படம் செய்துள்ள வசூல் குறித்தும் இங்கு பார்ப்போம். 

அமரன் திரைப்படம்:

2014ஆம் ஆண்டு நடைப்பெற்ற புல்வாமா தாக்குதலில், இன்னுயிர் நீத்த ராணுவ வீரர், மேஜர் முகுந்த் வரதராஜன். தமிழகத்தை சேர்ந்த இவர், மக்களை காக்க, தன் உயிரை கொடுத்தது அந்த சமயத்தில் இந்தியாவையே உலுக்கியது. இந்த உண்மை சம்பவத்தை அடிப்படையாக வைத்து, மேஜர் முகுந்தின் வாழ்க்கையை காண்பித்த படம்தான், அமரன். இந்த படத்தில், முகுந்த் கதாப்பாத்திரத்தில் சிவகார்த்திகேயன் நடிக்க, அவரது மனைவி இந்து ரெபேக்கா வர்கீஸ் கதாப்பாத்திரத்தில் சாய் பல்லவி நடித்திருந்தார்.

அமரன் படத்தின் ஷூட்டிங் ஆரம்பித்தது முதலே, இதன் மீது அதிக எதிர்பார்ப்பு இருந்தது. இதையடுத்து, நேற்று வெளியான இந்த படத்திற்கு மக்கள் நல்ல வரவேற்பு கொடுத்து வருகின்றனர். இதையடுத்து, இந்த படத்தின் முதல் நாள் வசூல் குறித்து இங்கு பார்ப்போம். 

மேலும் படிக்க | உண்மையான இந்து ரெபேக்கா வர்கீஸ் இப்போது என்ன செய்து கொண்டிருக்கிறார் தெரியுமா?

முதல் நாள் வசூல்:

அமரன் திரைப்படம் தமிழ் மட்டுமன்றி, இந்தி, கன்னடம், தெலுங்கு உள்ளிட்ட மொழிகளில் உலகம் முழுவதும் வெளியானது. இப்படம், முதல் நாளில் சுமார் ரூ.35 கோடி ரூபாய் வரை உலகம் முழுவதும் வசூலித்திருக்கிறது. தமிழகத்தில் மட்டும், இப்படம் ரூ.15 கோடி வசூலித்திருக்கிறது. தீபாவளி நாள் என்பதால், ரசிகர்கள் பலர் குடும்பம் குடும்பமாக வந்து திரையரங்குகளில் கண்டு களித்தனர். தீபாவளிக்கு அடுத்த நாளும் தமிழகத்தில் விடுமுறை, அதற்கடுத்த இரண்டு நாட்களும் வீக்-எண்ட். இதனால், இப்படம் இன்னும் நல்ல வசூலை பெறும் என எதிர்பார்க்கப்படுகிறது. இப்படம், சென்னையில் மட்டும் சுமார் ரூ.1.5 கோடி ரூபாய் வசூலித்திருக்கிறதாம். 

மக்கள் கொடுத்த வரவேற்பு..

வழக்கமாக உண்மை கதைகளை திரைப்படமாக எடுக்கும் போது, அது தாேல்வியும் அடையலாம், வெற்றியும் அடையலாம். ஆனால், அமரன் படம் விமர்சன ரீதியாகவும் வெற்றி பெற்றிருக்கிறது. படத்தின் எண்ட்-கார்ட் போடப்பட்டு, மேஜர் முகுந்தின் உண்மை புகைப்படங்களை பார்க்க பலர் அப்படியே திரையரங்குகளில் நின்று கொண்டிருந்தனர். இதுவே படத்தின் மிகப்பெரிய வெற்றியாக பார்க்கப்படுகிறது. 

படம் கூற வருவது என்ன? 

அமரன் திரைப்படத்தின் ட்ரைலரை பார்த்த போது, பலர் இதில் முகுந்த்-இந்துவிற்கு இடையேயான காதல் கதையா? தேசப்பற்றை காட்டும் கதையா? என்பது குறித்து ரசிகர்களுக்கு பல கேள்விகள் இருந்தன. உண்மையில், இது ஒரு ராணுவ வீரனுக்கு அவன் தேசத்தின் மீதான இருக்கும் பற்றற்ற காதலையும், ஒரு பெண்ணுக்கு தன் கணவன் மீது இருக்கும் அளவு கடந்த காதலையும் காட்டும் படமாக இருக்கிறது. இந்த படத்தை பார்த்தவர்கள், கண்டிப்பாக இதனை திரையரங்குகளில் பார்க்க வேண்டும் என்று கூறி, பலருக்கு ரெக்கமெண்ட் செய்து வருகின்றனர். 

மேலும் படிக்க | அமரன் விமர்சனம் : துப்பாக்கிய கெட்டியாக பிடித்தாரா சிவகார்த்திகெயன்? படம் எப்படி?

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews 

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ