இயக்குனர் லோகேஷ் கனகராஜ் தனது ஆஸ்தான குருவான கமல்ஹாசனை வைத்து விக்ரம் என்ற படத்தை இயக்கி வந்தார். மாஸ்டர் படத்திற்கு பிறகு லோகேஷ் கனகராஜ் அடுத்த படம் பற்றிய எதிர்பார்ப்பு அதிகமாக இருந்தது. அதன்பின்பு விக்ரம் படத்தின் அறிவிப்பு வெளியாகி ரசிகர்கள் மத்தியில் மிகப்பெரிய வரவேற்பு கிடைத்தது. கமலின் தீவிர ரசிகரான லோகேஷ், அவரை வைத்து இயக்கிய படம் எப்படி இருக்கும் என்று பார்க்க ரசிகர்கள் மிகுந்த ஆர்வமாக உள்ளனர். விக்ரம் படத்தின் மீது எதிர்பார்ப்பு மேலும் அதிர்க்காரிக்கும் விதமாக இப்படத்தில் விஜய் சேதுபதி மற்றும் பகத் பாசில் நடிக்கின்றனர் என்ற தகவலும் வெளியானது.
மேலும் படிக்க | திட்டமிட்ட தேதியில் இருந்து தள்ளி போகும் விக்ரம்?
இதுவரையில் விக்ரம் படத்திலிருந்து வெளியான கிலிம்ஸ், போஸ்டர்கள் மற்றும் வீடியோக்கள் என அனைத்தும் ட்ரெண்ட் ஆனது. கொரோனா பொது முடக்கம், பிறகு கமல்ஹாசன் பிக் பாஸ் மற்றும் அரசியல் என பிஸியாகி விட்டதால் விக்ரம் படத்தின் படப்பிடிப்பு தள்ளிப்போனது. இதற்கு இடையில் கமல்ஹாசனுக்கு கொரோனா தொற்றும் ஏற்பட்டது. இதனால் சரியான நேரத்தில் படத்தை எடுத்து முடிக்க வில்லை. இந்நிலையில் சமீபத்தில் பிக்பாஸ் அல்டிமேட் நிகழ்ச்சியில் இருந்து கமல் விலகுவதாக அறிவித்தார், தன்னால் மற்றவர்களின் வேலைகள் பாதிக்கப்படக்கூடாது என்பதற்காக இந்த முடிவை எடுத்ததாக கமல் தெரிவித்திருந்தார்.
இந்நிலையில் 110 நாட்கள் படப்பிடிப்பிற்கு பிறகு விக்ரம் படத்தின் மொத்த படப்பிடிப்பும் நிறைவடைந்து விட்டதாக லோகேஷ் தெரிவித்துள்ளார். வெறும் அறிவிப்பு மட்டும் இல்லாமல் பகத் பாசில் துப்பாக்கியால் சுடுவது போல் மொத்த படக்குழுவும் அதில் இடம்பெற்றிருந்தன. முன்னதாக விக்ரம் படம் சம்மரில் வெளியாகும் என்று படக்குழு அறிவித்திருந்தது. ஏற்கனவே ஏப்ரல் மாதம் கேஜிஎப், விஜய்யின் பீஸ்ட் போன்ற பெரிய படங்கள் வெளியாக உள்ளன நிலையில், விக்ரம் படத்தின் வெளியீட்டு தேதியை விரைவில் படகு அறிவிக்கும் என்று எதிர்பார்க்கப்படுகிறது.
After 110 days of shoot it’s a WRAP
Thanx to the entire cast and crew for the EXTRAORDINARY effort! @ikamalhaasan @VijaySethuOffl #FahadhFaasil @anirudhofficial #VIKRAM pic.twitter.com/5xwiFTHaZH— Lokesh Kanagaraj (@Dir_Lokesh) March 1, 2022
மேலும் படிக்க | விக்ரம் பட அப்டேட்; விஜய் சேதுபதிக்கு ஜோடியாகும் 3 ஹீரோயின்கள்
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
முகநூலில் @ZEETamilNews, டிவிட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
