பிரபலமான ரியாலிட்டி ஷோ, பிக் பாஸ் தமிழ் சீசன் 4 அதன் பிரமாண்டமான துவக்கத்திலிருந்து 50 நாட்களுக்கு மேலாக வெற்றிகரமாக நிறைவடைந்துள்ளது, இன்று 51 வது நாளில், போட்டியாளர்களுக்கு புதிய பணி ஒதுக்கப்பட்டுள்ளது, இது இரண்டு நாட்களுக்கு தொடரும்.
இன்று பிக் பாஸ் (Bigg Boss Tamil) வீட்டில் கால்சென்டர் டாஸ்க் போட்டியாளர்களுக்கு கொடுக்கப்படுகிறது. கால்செண்டர் ஊழியர்களாக ரம்யா, சம்யுக்தா மற்றும் பாலாஜி ஆகியோர் இருக்க அவர்களிடம் சக போட்டியாளர்கள் கேள்விகளை கேட்கலாம் என்றும் கேள்விகள் கேட்பதற்கு எந்த விதமான வரைமுறையும் இல்லை என்றும் பிக்பாஸ் அறிவிக்கின்றார்.
ALSO READ | இது என்ன புது டாஸ்க்...அர்ச்சனாவிடம் வசமாக சிக்கிய பாலா....புரோமோ வீடியோ!
இதனை அடுத்து அர்ச்சனா (Archana) பாலாஜிக்கு கால் செய்து ‘உங்களுக்கு ரொம்ப பிடித்தவர்களை முன் வைத்து விளையாடுகிறீர்கள்; என்று நீங்கள் கூறினீர்கள். அவர்கள் பெயர்களை தெரிய வேண்டும் என்று ஆசைப்படுகிறேன் என்று கூறியபோது பாலாஜி (Balaji) ஓபனாக, ‘முதலில் நீங்கள் முன்னிறுத்தி விளையாடுவது சோம், இரண்டாவதாக ரியோ, மூன்றாவதாக கேபி என்று உண்மையை பகிர்ந்துள்ளார்.
முதல் புரோமோவில் பிக் பாஸ் கால் சென்டர் பணி அறிவிக்கப்பட்டது. பின்னர், பிக் பாஸ் 4 இன் இரண்டாவது புரோமோவானது, கேப்ரியெல்லாவிற்கும் பாலாஜிக்கும் இடையில், பின்னர் பாலாஜி மற்றும் அர்ச்சனா இடையே ஒரு சூடான வாதத்தை முன்வைக்கிறது.
’கேப்ரில்லாவுடன் வாதாடும் பாலாஜி, ‘எல்லாரும் என்மேல பழிபோட்டு என் பெயரை காலி பண்ணனும்ன்னு முடிவு பண்ணிட்டிங்க என்று கோபமாக பேசுகிறார். இந்த வாக்குவாதத்தில் திடீரென அர்ச்சனா நுழைய, அர்ச்சனாவுக்கும் பாலாவுக்கும் கடுமையாக வாக்குவாதம் நடக்கின்றது. ஒரு கட்டத்தில் அர்ச்சனா அக்கா என பாலாஜி சொல்ல, என்னை அர்ச்சனா அக்கா என்று சொல்லாதெ, அர்ச்சனா என்று சொன்னால் போதும் என அர்ச்சனா கோபமாக கூற, பாலாஜி ‘சரி அர்ச்சனா’ என்று கூறியது அந்த புரோமோவில் காணப்பட்டது.
ALSO READ | 'பிக் பாஸ் தமிழ் 4' இல் மீண்டும் நுழையும் இந்த பிரபலம்?
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
