Vishwakarma Yojana: விஸ்வகர்மா ஜெயந்தியின் சிறப்பு சந்தர்ப்பத்தில், பிரதமர் நரேந்திர மோடி, டெல்லியில் இருந்து 77வது சுதந்திர தின உரையின் போது அறிவித்த பிரதம மந்திரி விஸ்வகர்மா யோஜனா திட்டத்தை தொடங்கி வைத்தார். இந்தியா முழுவதும் உள்ள சிறு கைவினைஞர்களுக்கு நிதி உதவி, திறன் பயிற்சி, திறன் மேம்பாடு மற்றும் சந்தைப்படுத்தல் உதவிகளை வழங்குவதை இந்த திட்டம் நோக்கமாகக் கொண்டுள்ளது. அவர்களின் நல்வாழ்வை மேம்படுத்துவதும், இந்தியாவின் கலாச்சாரம், பாரம்பரியம் மற்றும் கைவினைத்திறனை மேம்படுத்துவதும் இதன் குறிக்கோள் ஆகும். இந்த வெளியீட்டு நிகழ்வு துவாரகாவில் உள்ள இந்திய சர்வதேச மாநாட்டு மற்றும் கண்காட்சி மையத்தில் நடைபெற்றது. பிரதமர் நரேந்திர மோடி தனது பிறந்தநாள் அன்று இந்த திட்டத்தை துவக்கினார். மேலும், 'பிரதம மந்திரி விஸ்வகர்மா திட்டத்தின்' தொடக்கத்தின் போது, மோடி 18 தபால்தலைகள் மற்றும் ஒரு கருவிப் புத்தகத்தை அறிமுகப்படுத்தினார்.
மேலும் படிக்க | பங்குச்சந்தையின் புதிய ரிகார்ட் பிரேக்! இதுவரை இல்லாத உச்சத்தில் இந்திய பங்குச்சந்தை
இலவச ஆன்லைன் பதிவு
ஆர்வமும் தகுதியும் உள்ளவர்கள் பொது சேவை மையம் (CSC) மூலம் PM விஸ்வகர்மா போர்ட்டலில் எந்த கட்டணமும் இல்லாமல் தங்களை பதிவு செய்து கொள்ளலாம். இந்தியா முழுவதும் உள்ள கிராமப்புற மற்றும் நகர்ப்புற கைவினைஞர்களுக்கு இது கிடைக்கிறது. இருப்பினும், திட்டத்தின் கீழ் பயனாளியை தெளிவுபடுத்த ஒரு விரிவான பட்டியல் தயாரிக்கப்பட்டது. பிரதமர் விஸ்வகர்மாவின் கீழ் பதினெட்டு பாரம்பரிய கைவினைப்பொருட்கள் உள்ளடக்கப்படும். இதில் (i) கார்பெண்டர்; (ii) படகு தயாரிப்பாளர்; (iii) கவசம் செய்பவர்; (iv) கொல்லன் ; (v) சுத்தியல் மற்றும் கருவி கிட் மேக்கர்; (vi) பூட்டு தொழிலாளி; (vii) கோல்ட்ஸ்மித்; (viii) பாட்டர்; (ix) சிற்பி, கல் உடைப்பான்; (x) கோப்லர் (ஷூஸ்மித்/ காலணி கைவினைஞர்); (xi) மேசன் (ராஜ்மிஸ்திரி); (xii) கூடை / பாய் / துடைப்பம் தயாரிப்பவர் / தேங்காய் நெசவாளர்; (xiii) பொம்மை தயாரிப்பாளர் (பாரம்பரியம்); (xiv) பார்பர்; (xv) மாலை தயாரிப்பாளர்; (xvi) வாஷர்மேன்; (xvii) தையல்காரர்; மற்றும் (xviii) மீன்பிடி வலை தயாரிப்பாளர்.
திட்டத்தின் பயன்கள்
மேற்கண்டவர்களுக்கு PM விஸ்வகர்மா சான்றிதழ் மற்றும் அடையாள அட்டை, அடிப்படை மற்றும் மேம்பட்ட பயிற்சியை உள்ளடக்கிய திறன் மேம்பாடு, கருவித்தொகுப்பு ஊக்கத்தொகை ₹15,000, பிணையமில்லாத கடன் உதவி ₹1 லட்சம் (முதல் தவணை) மற்றும் ₹2 லட்சம் (இரண்டாம் தவணை) மூலம் வழங்கப்படும். 5% சலுகை வட்டி விகிதம் கிடைக்கும். இத்திட்டத்தின் கீழ் நாடு முழுவதும் உள்ள சுமார் 30 லட்சம் பாரம்பரிய கைவினைஞர்கள் பயனடைவார்கள். இத்திட்டம் MSME, திறன் மேம்பாடு மற்றும் நிதி அமைச்சகம் ஆகிய மூன்று அமைச்சகங்களால் கூட்டாக செயல்படுத்தப்படும்.
விஸ்வகர்மா யோஜனா தொடங்கும் நிகழ்வில், நாட்டில் தேர்ந்தெடுக்கப்பட்ட 70 இடங்களில் 70 அமைச்சர்கள் கலந்து கொண்டனர். நிகழ்ச்சிக்காக, உள்துறை அமைச்சர் அமித் ஷா அகமதாபாத்திலும், ராஜ்நாத் சிங் லக்னோவிலும், மகேந்திர நாத் பாண்டே வாரணாசியிலும், ஸ்மிருதி இரானி ஜான்சியிலும், கஜேந்திர சிங் ஷெகாவத் சென்னையில், பூபேந்திர யாதவ் ஜெய்ப்பூரில், நரேந்திர சிங் தோமர் போபாலில், எஸ் ஜெய்சங்கர் திருவனந்தபுரத்திலும் தங்கினர். நிதின் கட்கரி நாக்பூரிலும், அஷ்வினி வைஷ்ணவ் புவனேஸ்வரிலும், அனுராக் தாக்கூர் சிம்லாவிலும் தங்கியுள்ளனர்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
