பணி ஓய்வுக்குப் பிறகு, மூத்த குடிமக்கள் தங்கள் நிதி நிலையையும், நிதி இருப்புகளையும் கவனமாக திட்டமிட வேண்டும். இப்படிப்பட்ட நேர்த்தியான திட்டமிடல் மூலம், ஓய்வூதியதாரர்கள் தாங்கள் சேமித்த மற்றும் முதலீடு செய்த நிதியை தங்கள் பணி ஓய்வு காலத்தில் சரியான முறையில் பயன்படுத்த முடியும், நிதி பாதுகாப்பை பெற முடியும்.
வயதான காலத்தின் தேவைகள் மற்றும் இலக்குகளை மனதில் வைத்து, சரியான இடத்தில் பணத்தை முதலீடு செய்ய வேண்டும். நமது நாட்டில் மூத்த குடிமக்களுக்கான பல முதலீட்டு திட்டங்கள் உள்ளன. மிகவும் பாதுகாப்பான வழியில் உங்கள் நிதியை அதிகரித்து, அதிக லாபம் அளிக்கும் சில முதலீட்டு திட்டங்கள் பற்றி இந்த பதிவில் காணலாம்.
மூத்த குடிமக்கள் சேமிப்புத் திட்டம் (Senior Citizen Savings Scheme - SCSS)
மூத்த குடிமக்கள் சேமிப்புத் திட்டம் (SCSS) 60 வயது மற்றும் அதற்கு மேற்பட்ட நபர்களுக்குக் கிடைக்கிறது. கவர்ச்சிகரமான வட்டி விகிதங்கள், உத்தரவாதமான வருமானம், நிலையான காலாண்டு கொடுப்பனவுகள் மற்றும் ஐந்து வருட முதலீட்டு காலம் ஆகியவற்றை வழங்கும் பாதுகாப்பான திட்டமாக இது உள்ளது. மூத்த குடிமக்கள் இந்த திட்டத்தில் ரூ. 30 லட்சம் வரை முதலீடு செய்யலாம்.
நிலையான வைப்புத் திட்டம் (Fixed Deposit Scheme - FD)
மூத்த குடிமக்களுக்கு நிலையான வைப்பு ஒரு சிறந்த முதலீட்டு விருப்பமாக இருக்கும். FD ஒரு பிரபலமான முதலீட்டு வகையாகும். ஏனெனில் அதன் எளிமை, நம்பகத்தன்மை, உத்தரவாதமான வருமானம் ஆகியவை இதை ஒரு சிறந்த முதலீட்டு விருப்பமாக்குகிறது. வங்கிகள் மற்றும் தபால் நிலையங்கள் மூத்த குடிமக்களுக்கு ஒப்பீட்டளவில் அதிக வட்டி விகிதங்களுடன் FD -களை வழங்குகின்றன.
மியூச்சுவல் ஃபண்டுகள் (Mutual Funds-MF)
மூத்த குடிமக்கள் கடன் சார்ந்த மியூசுவல் ஃபண்டுகள் அல்லது ஹைப்ரிட் மியூச்சுவல் ஃபண்டுகளிலும் முதலீடு செய்யலாம். இந்த மியூச்சுவல் ஃபண்டுகள் முதன்மையாக நிலையான வருமான கருவிகளில் முதலீடு செய்கின்றன மற்றும் மூலதன மதிப்பீட்டிற்கான சாத்தியக்கூறுகளுடன் வழக்கமான வருமானத்தை வழங்குகின்றன. இருப்பினும், அத்தகைய நிதிகளில் முதலீட்டு ஆபத்துகளும் இருக்கிறன. ஆகையால் இந்த திட்டங்களை தேர்ந்தெடுக்கும் முன்னர், தங்கள் பொருளாதார நிலை, இடர் சகிப்புத்தன்மை மற்றும் முதலீட்டு நோக்கங்களின் அடிப்படையில் நிதியைத் தேர்ந்தெடுக்க வேண்டும்.
தபால் அலுவலக மாதாந்திர வருமானத் திட்டம் (Post Office Monthly Income Scheme - MIS)
தபால் அலுவலகம் MIS அஞ்சல் துறையால் வழங்கப்படுகிறது. இந்த திட்டம் முதலீட்டாளர்களுக்கு நிலையான மாத வருமானத்தை வழங்குகிறது. அதன் முதிர்வு காலம் ஐந்து ஆண்டுகள் ஆகும். இதன் வட்டி விகிதங்கள் காலாண்டுக்கு ஒருமுறை திருத்தப்படும்.
தபால் அலுவலக சேமிப்பு திட்டங்கள்
இந்தியா போஸ்ட், முதலீட்டாளர்களுக்கு பல டெபாசிட் திட்டங்களை வழங்குகிறது. இவை பொதுவாக தபால் அலுவலக சேமிப்பு திட்டங்கள் என அழைக்கப்படுகின்றன. தற்போது, அரசு 9 தபால் அலுவலக சேமிப்பு திட்டங்களை வழங்குகிறது. இந்த ஒன்பது சிறு சேமிப்பு திட்டங்களில் பொது வருங்கால வைப்பு நிதி (PPF), சுகன்யா சம்ரித்தி யோஜனா (SSY), தேசிய சேமிப்பு பத்திரம் (NSC), தபால் அலுவலக நேர வைப்பு மற்றும் மூத்த குடிமக்கள் சேமிப்பு திட்டம் (SCSS) ஆகியவை அடங்கும். இந்த திட்டங்களில் காலாண்டுக்கு ஒருமுறை வட்டி விகிதங்களை அரசாங்கம் மாற்றிக்கொண்டே இருக்கிறது.
மேலும் படிக்க | Old Pension Scheme முக்கிய அப்டேட்: இந்த ஊழியர்களுக்கு இனி பழைய ஓய்வூதியத் திட்டம்!!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
