இந்தியாவில் வங்கிகளின் எண்ணிக்கை நாளுக்கு நாள் தொடர்ந்து அதிகரித்து வருகிறது. இதனால் வங்கி தொழில் மிகவும் போட்டித்தன்மை வாய்ந்ததாக மாறியுள்ளது. இதன் விளைவாக, புதிய வாடிக்கையாளர்களை ஈர்ப்பதற்கு வங்கிகள் புதிய புதிய ஆபர்களை வழங்கி வருகின்றன. வங்கிகள் தங்கள் வாடிக்கையாளர்களின் வங்கி அனுபவத்தை மேம்படுத்துவதையும் தனித்துவமாக இருப்பதையும் நோக்கமாகக் கொண்டிருப்பதால், அவை பெரும்பாலும் புதிய மற்றும் புதுமையான விஷயங்களை வழங்கி வழங்குகின்றன. பல வங்கிகள் பல்வேறு சேமிப்புக் கணக்குகளை வாடிக்கையாளர்களுக்கு வழங்குகின்றன. இவற்றில் ஜீரோ பேலன்ஸ் சேமிப்பு கணக்கும் அடங்கும். ஜீரோ பேலன்ஸ் சேமிப்புக் கணக்கு கவர்ச்சிகரமானதாகத் தோன்றினாலும், பல நபர்களுக்கு இது சிறந்த தேர்வாக இருக்காது.
மேலும் படிக்க | உங்க சேலரி ஸ்லிப்பில் இருக்கு வருமான வரி விலக்கு பெறுவதன் ரகசியம்: இதோ விவரம்
ஜீரோ பேலன்ஸ் சேமிப்பு கணக்கு என்றால் என்ன?
பொதுவாக, வங்கிகள் கணக்கு வைத்திருப்பவர்கள் தங்கள் வழக்கமான சேமிப்புக் கணக்குகளுக்கு காலாண்டு சராசரி இருப்பு (QAB) அல்லது மாதாந்திர சராசரி இருப்பு (MAB) பராமரிக்க வேண்டும். தேவையான அளவிற்கு பணத்தை அக்கவுண்டில் பராமரிக்காத வாடிக்கையாளர்களுக்கு வங்கி அபராதம் விதிக்கும். ஜீரோ பேலன்ஸ் சேவிங்ஸ் பேங்க் அக்கவுண்ட் இருந்தால், கணக்கு வைத்திருப்பவர்கள் குறைந்தபட்ச இருப்புத் தொகையை பராமரிக்க வேண்டிய கட்டாயம் இல்லை. ஜீரோ பேலன்ஸ் கணக்கு வைத்து இருந்தால் மினிமம் பேலன்ஸ் வைத்திருக்க வேண்டிய தேவையில்லை.
ஜீரோ பேலன்ஸ் சேமிப்பு கணக்கின் நன்மைகள் என்ன?
- ஜீரோ பேலன்ஸ் சேமிப்பு கணக்கில் எந்த இருப்பையும் பராமரிக்கத் தேவையில்லை என்ற முக்கிய நன்மையை வழங்குகிறது. கணக்கு வைத்திருப்பவர்கள் தங்களது அக்கவுண்டில் பூஜ்ஜியம் தொகை கூட வைத்து இருக்கலாம். இந்த ஜீரோ பேலன்ஸ் அக்கவுண்ட் மாத சம்பளம் பெறும் ஊழியர்கள், மாணவர்கள் மற்றும் ஓய்வூதியம் பெறுபவர்களுக்கு மிகவும் பயனுள்ளதாக இருக்கும். மேலும், இருப்புத் தொகையைப் பராமரிக்காமல் இருப்பது, கணக்கு வைத்திருப்பவர்கள் குறைந்தபட்ச இருப்புத் தேவைகளைப் பூர்த்தி செய்யத் தவறியதற்காக அபராதங்களைத் தவிர்க்க உதவுகிறது.
- ஜீரோ பேலன்ஸ் சேமிப்புக் கணக்கைத் திறப்பது மிகவும் எளிதானது. மற்ற சேமிப்புக் கணக்குகளைப் போலவே வங்கிக் கிளைக்குச் சென்று கணக்கைத் திறக்கலாம். மேலும், வங்கியின் இணையதளத்திற்குச் சென்றும், ஜீரோ பேலன்ஸ் சேமிப்புக் கணக்கிற்கான விருப்பத்தைத் தேர்ந்தெடுத்து, உங்கள் ஆவணங்களின் டிஜிட்டல் நகல்களைப் பதிவேற்றி சில நிமிடங்களில் உங்கள் கணக்கை திறக்கலாம்.
- சிரமமில்லாத பரிவர்த்தனைகள் ஜீரோ பேலன்ஸ் அக்கவுண்ட் வழங்கும் மற்றொரு நன்மையாகும். நெட் பேங்கிங் மற்றும் மொபைல் பேங்கிங் உதவியுடன், தனிநபர்கள் இந்தக் கணக்கு மூலம் பணம் செலுத்தலாம். ஃபோன் பில்கள், மின்சாரக் கட்டணங்கள், OTT மற்றும் டிஷ் ரீசார்ஜ், மொபைல் ரீசார்ஜ் மற்றும் பல போன்ற பொதுவான பயன்பாடுகளை நொடிகளில் விரைவாகச் செலுத்துவதற்கு இது உதவுகிறது. பல வங்கிகள் இலவச ஆன்லைன் சேமிப்புக் கணக்கைத் திறக்கும் விருப்பத்தை வழங்குகின்றன, இதில் விர்ச்சுவல் டெபிட் கார்டு உள்ளது. இந்த விர்ச்சுவல் கார்டுகளை உங்களது அனைத்து ஆன்லைன் மற்றும் பில் பேமெண்ட்டுகளுக்கும் பயன்படுத்தலாம், டிஜிட்டல் பரிவர்த்தனைகளுக்கு வசதியான மற்றும் பாதுகாப்பான முறையை வழங்குகிறது .
- ஜீரோ பேலன்ஸ் சேமிப்புக் கணக்கு என வகைப்படுத்தப்பட்டாலும், உங்கள் சேமிப்பின் மீது வட்டி விகிதங்களைப் பெற உங்களுக்கு வாய்ப்பு உள்ளது. இது உங்கள் நிதியை வளரச் செய்து, உங்கள் நிதித் தேவைகளை சிறப்பாகச் சந்திக்க உதவுகிறது. ஜீரோ பேலன்ஸ் சேமிப்புக் கணக்கின் மூலம், கணக்கு வைத்திருப்பவராகிய நீங்கள், கிரெடிட் கார்டு பில்கள், EMIகள் மற்றும் பயன்பாட்டு பில்கள் போன்ற கட்டணங்களை உள்ளடக்கிய உங்கள் அனைத்து தொடர்ச்சியான செலவுகளுக்கும் மின்-ஆணைகளை அமைக்கலாம்.
ஜீரோ பேலன்ஸ் சேமிப்புக் கணக்கு
ஜீரோ பேலன்ஸ் சேமிப்புக் கணக்கு, மாதாந்திர இருப்பை பராமரிக்கும் சுமையிலிருந்து உங்களை விடுவிக்கும் அதே வேளையில், அதில் உள்ள சில குறைகளையும் தெரிந்து கொள்ள வேண்டும். ஜீரோ பேலன்ஸ் கணக்கின் மூலம் நீங்கள் அடிப்படை வங்கிச் சேவைகளை மட்டுமே அணுக முடியும். வங்கிகள் உங்களுக்கு கூடுதல் பலன்களை வழங்காது. ஜீரோ பேலன்ஸ் சேமிப்பு கணக்கு வழக்கமாக அனுமதிக்கப்பட்ட இலவச பரிவர்த்தனைகள் மற்றும் திரும்பப் பெறுதல்களின் எண்ணிக்கையில் கட்டுப்பாடுகளுடன் வருகிறது. இந்த வரம்பை மீறினால், பரிவர்த்தனையின் வகையைப் பொறுத்து வங்கியால் விதிக்கப்படும் கூடுதல் கட்டணங்கள் உங்களுக்கு விதிக்கப்படலாம்.
மேலும் படிக்க | மத்திய அரசின் இலவச காப்பீடு... ஆயுஷ்மான் அட்டை பெற விண்ணப்பிக்கும் முறை!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
