பெங்களூரு: கர்நாடகாவில் 5 வயது சிறுமிக்கு ஜிகா வைரஸ் பாதிப்பு உறுதி செய்யப்பட்டுள்ளது. கர்நாடக மாநிலம் ராய்ச்சூர் மாவட்டத்தைச் சேர்ந்த 5 வயது சிறுமிக்கு ஜிகா வைரஸ் பாதிப்பு இருப்பது உறுதி செய்யப்பட்டுள்ளது. முதல் ஜிகா வைரஸ் பாதிப்பு உறுதி செய்யப்பட்டுள்ள நிலையில், வைரஸ் பாதிப்பு ஏற்பட்டத்தை மாநில சுகாதாரத்துறை அமைச்சர் சுதாகர் உறுதி செய்துள்ளார். எச்சரிக்கையுடன் கூடிய கவனத்துடன் நிலைமையை கண்காணித்து வருகிறோம் என அமைச்சர் தெரிவித்தார். கர்நாடகாவில் ஜிகா வைரஸ் பாதிப்பு இருப்பது உறுதி செய்யப்பட்டதால் மக்கள் பீதி அடைய வேண்டாம் என மாநில சுகாதாரத்துறை அமைச்சர் கேட்டுக்கொண்டுள்ளார்.
கர்நாடக மாநிலத்தில் ஜிகா வைரஸ் தொடர்பான வழிகாட்டு நெறிமுறைகளையும் விரைவில் அரசு வெளியிடும் என்றும் அமைச்சர் பொதுமக்களுக்கு உறுதியளித்தார்.
கர்நாடகாவில் ஜிகா வைரஸ்
"ஜிகா வைரஸ் பாதிப்பு குறித்து புனேவில் இருந்து எங்களுக்கு ஆய்வக அறிக்கை கிடைத்துள்ளது. டிசம்பர் 5-ம் தேதி, அது செயலாக்கப்பட்டு டிசம்பர் 8-ம் தேதி அறிவிக்கப்பட்டது. மூன்று மாதிரிகள் அனுப்பப்பட்டன, அதில் இரண்டு எதிர்மறை மற்றும் ஒன்று நேர்மறையாக பரிசோதிக்கப்பட்டதாக அமைச்சர் தெரிவித்ததாக பிடிஐ செய்தி வெளியிட்டுள்ளது.
மேலும் படிக்க | Zombie Virus: 48500 ஆண்டு பழைய வைரஸ்களுக்கு மீண்டும் உயிர் கொடுக்கும் விஞ்ஞானிகள்
செய்தியாளர்களிடம் பேசிய அமைச்சர், சில மாதங்களுக்கு முன்பு கேரளா, மகாராஷ்டிரா மற்றும் உத்தரபிரதேசத்தில் ஜிகா வைரஸ் பாதிப்புகள் கண்டறியப்பட்டதை சுட்டிக்காட்டினார்."இது கர்நாடகாவில் உறுதிசெய்யப்பட்ட முதல் வழக்கு. சீரம் டெங்கு மற்றும் சிக்குன்குனியா சோதனைகளுக்கு உட்படுத்தப்பட்டபோது தெரிய வந்தது. வழக்கமாக, இதுபோன்ற 10 சதவீத மாதிரிகள் புனேவுக்கு சோதனைக்கு அனுப்பப்படும், அதில் இது ஜிகா வைரஸ் பாதிப்பு இருப்பது தெரியவந்துள்ளது" என அமைச்சர் கூறினார்.
சிறுமி, வேறு எங்கும் பயணிக்கவில்லை என்று தெரியவந்துள்ளது. எனவே, அருகிலுள்ள மாவட்டங்களில் சந்தேகத்திற்கிடமான வழக்குகள் குறித்து அரசாங்கம் எச்சரிக்கையுடன் கண்காணித்து வருகிறது.
ஜிகா வைரஸ் என்றால் என்ன?
உலக சுகாதார அமைப்பு (WHO) படி, ஜிகா வைரஸ் ஏடிஸ் கொசுக்கள் மூலம் பரவுகிறது. இந்த கொசுக்கள் டெங்கு, சிக்குன்குனியா மற்றும் நகர்ப்புற மஞ்சள் காய்ச்சல் போன்றவற்றையும் பரப்பும். இரத்த பரிசோதனை அல்லது மற்ற உடல் திரவங்களை உள்ளடக்கிய சோதனைகள் மூலம் Zika வைரஸ் கண்டறியப்படுகிறது. ஜிகா வைரஸுக்கு இன்னும் குறிப்பிட்ட சிகிச்சையோ தடுப்பூசியோ இல்லை.
ஜிகா வைரஸின் அறிகுறிகள் என்ன?
WHO இன் படி, சொறி, காய்ச்சல், வெண்படல அழற்சி, தசை மற்றும் மூட்டு வலி, உடல்நலக்குறைவு மற்றும் தலைவலி ஆகியவை நோயின் பொதுவான அறிகுறிகளாகும். இருப்பினும், ஜிகா வைரஸ் உள்ள பெரும்பாலான மக்கள் அறிகுறிகளை உருவாக்கவில்லை. அறிகுறிகள் பொதுவாக 2-7 நாட்களுக்கு நீடிக்கும்.
மேலும் படிக்க | Virgin of Guadalupe: கத்தோலிக்கர்களின் புனித தளத்தில் குவிந்த கிறிஸ்தவர்கள்
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
