Neem Oil Benefits For Hair: ஆயுர்வேதத்தில் வேம்புக்கு பெரிய இடம் உண்டு. வேப்ப எண்ணெய் பல நூற்றாண்டுகளாக கூந்தல் மற்றும் சரும பராமரிப்புக்காக பயன்படுத்தப்படுகிறது. வேப்ப எண்ணெயில் பாக்டீரியா எதிர்ப்பு, பூஞ்சை எதிர்ப்பு மற்றும் அழற்சி எதிர்ப்பு பண்புகள் அடங்கியுள்ளன, இது பல முடி பிரச்சனைகளை அகற்ற உதவுகிறது. குறிப்பாக வேப்ப எண்ணெய் கூந்தலுக்கு நன்மை பயக்கும். தற்போது முடி வளர்ச்சி மற்றும் முடி உதிர்வை தடுக்க பல எண்ணெய்கள் சந்தையில் விற்பனை செய்யப்பட்து வருகிறது. ஆனால் இந்த இரசாயனப் பொருட்களைப் பயன்படுத்துவதற்கு பதிலாக இயற்கையான முறையில் வீட்டிலேயே தயாரிக்கப்படும் வேப்ப எண்ணெயை பயன்படுத்தலாம். கூந்தலுக்கு வேப்ப எண்ணெய் பயன்படுத்தினால் பல நன்மைகளைப் பெறலாம்.
வேப்ப எண்ணெயை கூந்தலில் தடவுவதால் ஏற்படும் நன்மைகள் | Big Benefits of Applying Neem Oil To Hair:
1. பொடுகு தொல்லை நீங்கும்
வேப்ப எண்ணெயில் பூஞ்சை எதிர்ப்பு பண்புகள் உள்ளன, இது உச்சந்தலையில் பூஞ்சையால் ஏற்படும் பொடுகையை நீக்க உதவுகிறது. வேப்ப எண்ணெயை தொடர்ந்து தடவி வந்தால் பொடுகு பிரச்சனையில் இருந்து விடுபடலாம்.
2. முடி உதிர்வதைத் தடுக்க உதவுகிறது
வேப்ப எண்ணெய் மயிர்க்கால்களை பலப்படுத்துகிறது, இது முடி உதிர்வைக் குறைக்க உதவும். இந்த எண்ணெயில் நிறைந்துள்ள ஊட்டச்சத்துக்கள் மற்றும் ஆன்டி-ஆக்ஸிடன்ட்கள் கூந்தலின் வேர்களுக்கு ஊட்டமளித்து வலுவூட்டுகிறது.
3. உச்சந்தலை சுகாதாரம்
வேப்ப எண்ணெயில் உள்ள பாக்டீரியா எதிர்ப்பு பண்புகள் உச்சந்தலையை ஆரோக்கியமாக வைத்து எந்த வகையான பாக்டீரியா தொற்றாக இருந்தாலும் சரி அவற்றில் இருந்து பாதுகாக்க உதவும். இது உச்சந்தலையை ஆரோக்கியமாகவும் சுத்தமாகவும் வைத்திருக்க உதவும்.
4. முடி வளர்ச்சிகக்உ உதவும்
வேப்ப எண்ணெய் முடி வேர்களுக்கு ஊட்டமளிக்கிறது மற்றும் இரத்த ஓட்டத்தை அதிகரிக்க உதவுகிறது, இது முடி வளர்ச்சியை துரிதப்படுத்துகிறது. இந்த வேப்ப எண்ணெயைத் தொடர்ந்து தடவி வந்தால் முடி அடர்த்தியாகவும் நீளமாகவும் வளரத் தொடங்கும்.
5. முன்கூட்டிய நரை முடியைத் தடுக்க உதவும்
வேப்ப எண்ணெயில் ஆன்டிஆக்ஸிடன்ட்கள் நிறைந்துள்ளன, இது முடி முன்கூட்டியே நரைப்பதைத் தடுக்க உதவுகிறது. மேலும் முடியின் இயற்கையான நிறத்தை பராமரிக்க உதவுகிறது.
6. உலர்ந்த கூந்தலுக்கு ஊட்டமளிக்கும்
வேப்ப எண்ணெய் முடியை ஆழமாக வளர்த்து, மென்மையாகவும், பளபளப்பாகவும் மாற்ற உதவுகிறது. வறண்ட மற்றும் உயிரற்ற கூந்தலைப் புதுப்பிக்கவும் இது உதவியாக இருக்கும்.
7. உச்சந்தலை அரிப்பிலிருந்து நிவாரணம் அளிக்கும்
வேப்ப எண்ணெய் உச்சந்தலையில் அரிப்பு மற்றும் எரிச்சலைக் குறைக்க உதவும்.
வேப்ப எண்ணெயை கூந்தலில் தடவுவது எப்படி | How To Apply Neem Oil On Hair:
1. முதலில் சுத்தமான வேப்ப எண்ணெயை வாங்கி லேசாக சூடாக்கவும்.
2. பின்னர் அதை விரல்களால் மெதுவாக மசாஜ் செய்யவும்.
3. குறைந்தது 30 நிமிடங்கள் முதல் ஒரு மணி நேரம் வரை தலையில் எண்ணெயை ஊற வைக்கவும்.
4. அதன் பி சாதாரண ஷாம்பூவுடன் கூந்தலைக் கழுவவும்.
வேப்ப எண்ணெய் முடிக்கு இயற்கையான மற்றும் பயனுள்ள தீர்வாகும். இது பல பிரச்சனைகளை நீக்கி கூந்தலை ஆரோக்கியமாகவும், வலுவாகவும், அழகாகவும் மாற்ற உதவுகிறது. வேப்ப எண்ணெயை தலைமுடியில் தொடர்ந்து தடவினால் கூந்தல் ஆரோக்கியமாகவும், பளபளப்பாகவும் மாற்றும்.
(பொறுப்பு துறப்பு: அன்புள்ள வாசகரே, எங்கள் செய்திகளைப் படித்ததற்கு நன்றி. இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)
மேலும் படிக்க | இந்த பழத்தின் இலை ஒன்று போதும், சுகர் லெவல் பட்டுன்னு குறையும்
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
