கோவா ராஜ்பவனில் நடைபெற்ற விழாவில் சத்யபால் மாலிக் இன்று ஆளுநராக பதவியேற்றுக் கொண்டார்..!
ஜம்மு காஷ்மீர் மாநிலத்திற்கு வழங்கப்பட்ட சிறப்பு அந்தஸ்து கடந்த ஆகஸ்ட் மாதம் 5 ஆம் தேதி ரத்து செய்யப்பட்டு, ஜம்மு-காஷ்மீர் ஒரு யூனியன் பிரதேசமாகவும், லடாக் ஒரு யூனியன் பிரதேசமாகவும் அறிவிக்கப்பட்டது. யூனியன் பிரதேச அந்தஸ்து கடந்த மாதம் 31 ஆம் தேதி முதல் நடைமுறைக்கு வந்தது. இதற்கிடையே, ஜம்மு காஷ்மீர் யூனியன் பிரதேசத்துக்கு கிரிஷ் சந்திரா முர்மு, லடாக் யூனியன் பிரதேசத்துக்கு ஆர்.கே.மாத்தூர் ஆகியோர் புதிய ஆளுநர்களாக நியமனம் செய்யப்பட்டு பதவியேற்று உள்ளனர்.
ஜம்மு காஷ்மீர் ஆளுநராக செயல்பட்டு வந்த சத்யபால் மாலிக், கோவா ஆளுநராக மாற்றப்பட்டார். இந்நிலையில், கோவா ராஜ்பவனில் நடைபெற்ற விழாவில் சத்யபால் மாலிக் இன்று ஆளுநராக பதவியேற்றுக் கொண்டார். அவருக்கு மும்பை ஐகோர்ட் தலைமை நீதிபதி பிரதீப் நந்த்ராஜோக் பதவிப் பிரமாணம் செய்து வைத்தார்.
ஞாயிற்றுக்கிழமை கோவா ஆளுநராக பதவியேற்ற சத்ய பால் மாலிக், ஆளுநராக இருந்த முந்தைய நிலை மிகவும் சிக்கலான இடத்தில் இருப்பதாக கூறினார், இருப்பினும், அவர் "அதை வெற்றிகரமாக கையாண்டார்" என்று கூறினார்.
Satya Pal Malik after taking oath as Governor of Goa, in Panaji: After having successfully dealt with the issues in J&K,a place which is known to be very problematic, I'm here at a peaceful&a progressive place. So, I feel that I would be spending time here in a much peaceful way https://t.co/IvjQoeRe5j pic.twitter.com/WeqJqOF1wI
— ANI (@ANI) November 3, 2019
பதவியேற்ற பின்னர் அவர் கூறுகையில்; "ஜம்மு-காஷ்மீர் மிகவும் சிக்கலான இடமாக அறியப்பட்டது, ஆனால் நான் அதை வெற்றிகரமாக கையாண்டேன் மற்றும் அனைத்து பிரச்சினைகளையும் வெற்றிகரமாக தீர்க்கிறேன்" என்று மாலிக் கூறினார்.
"இப்போது நான் அமைதியான ஒரு இடத்திற்கு வந்துள்ளேன், முன்னேறி வருகிறது, தலைமை சர்ச்சைக்குரியது அல்ல. மக்களும் மிகவும் நல்லவர்களாக இருப்பதால் இங்கு அமைதியான மற்றும் நல்ல நேரம் கிடைக்கும்" என்று அவர் கூறினார்.
