புதுடெல்லி: வாட்ஸ்அப்பின் கட்டண சேவைக்கான பயனர் வரம்பை 20 மில்லியனில் இருந்து 40 மில்லியனாக அதிகரிக்க இந்திய தேசிய கட்டண கழகம் (National Payments Corporation of India) ஒப்புதல் அளித்துள்ளது, இதனால் இந்திய டிஜிட்டல் பணம் செலுத்தும் துறையில் போட்டி தீவிரமடைந்துள்ளது.
தனது பயனர்களின் எண்ணிக்கையை 20 மில்லியனுக்கும் அதிகமாக அதிகரிக்க முயற்சிப்பதாக இந்த மாத தொடக்கத்தில் வாட்ஸ்அப் அறிவித்தது. தனது கோரிக்கையை NPCI பரிசீலிக்கப்பதாகவும் WhatsApp தெரிவித்திருந்தது. NPCI இதை படிப்படியாக விரிவுபடுத்தும் என்பதால், கட்டண முறை அதிக சுமையாக இருக்காது.
இந்தியாவின் டிஜிட்டல் பேமெண்ட் சந்தையில், Alphabet Inc இன் Google Pay, SoftBank மற்றும் Ant Group ஆதரவு Paytm மற்றும் Walmart இன் PhonePe ஆகியவற்றுடன் WhatsApp போட்டியிடுகிறது.
READ ALSO | பெண்கள் பாதுகாப்புக்கு புதிய வாட்ஸ்அப் எண் அறிமுகம்
கடந்த ஆண்டு நவம்பரில், நாட்டின் சில்லறை கட்டணம் மற்றும் தீர்வு முறைகளை கட்டுப்படுத்தும் இந்திய தேசிய கொடுப்பனவு கழகம் (NPCI), 20 மில்லியன் பயனர்களுக்கு கட்டண சேவைகளை வழங்க வாட்ஸ்அப் நிறுவனத்திற்கு ஒப்புதல் அளித்தது. இந்தியாவில் மிகப்பெரிய பயனர் தளத்தை கொண்டது WhatsApp நிறுவனம். மெட்டாவுக்குச் சொந்தமான WhatsApp, பணம் செலுத்தும் சந்தையை சீர்குலைக்கும் என்ற அச்சங்களும் எழுந்தன.
பணம் செலுத்தும் சேவைகளை பயன்படுத்தும் வாட்ஸ்அப் பயனர் (Whatsapp Users) எண்ணிக்கை 20 மில்லியனை எட்டியுள்ளது, விவரங்கள் தனிப்பட்டவை என்பதால் அதுபற்றிய விவரங்களை சொல்ல நிறுவனம் மறுத்துவிட்டது.
ஆன்லைன் பரிவர்த்தனைகள், கடன் வழங்குதல் மற்றும் இ-வாலட் சேவைகள் ஆகியவை இந்தியாவில் வேகமாக வளர்ந்து வருகின்றன, இது நாட்டின் பணத்தை விரும்பும் வணிகர்கள் மற்றும் நுகர்வோர் டிஜிட்டல் பேமெண்ட்டுகளை ஏற்றுக்கொள்ளச் செய்வதற்கான அரசாங்கத்தின் உந்துதலால் வழிநடத்தப்படுகிறது.
Also Read | ரகசியமாக அறிமுகம் ஆனது Vivo-வின் புதிய போன்
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
முகநூலில் @ZeeHindustanTamil மற்றும் டிவிட்டரில் @ZHindustanTamil என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூகம், வேலைவாய்ப்பு என உள்ளூர் முதல் உலகம் முழுவதும் அனைத்து வகையான செய்திகளையும் தமிழில் வாசிக்க, இப்போதே ஜீ இந்துஸ்தான் பயன்பாட்டைப் பதிவிறக்குங்கள்.
Android Link: https://bit.ly/3hDyh4G
Apple Link: https://apple.co/3loQYeR
