புதுடெல்லி: கோதுமைக்கான குறைந்தபட்ச ஆதரவு விலையை ₹150 உயர்த்தி மத்திய அரசு புதன்கிழமை அறிவித்தது. 2014-ல் நரேந்திர மோடி பிரதமராக பதவியேற்ற பிறகு, MSP விலையில் இதுவே அதிகபட்ச உயர்வு என்று பிடிஐ செய்தி வெளியிட்டுள்ளது. 2024-25 சந்தைப்படுத்தல் பருவத்தில், ஒரு குவிண்டாலுக்கு MSP ₹2,275 ஆக இருக்கும். பிரதமர் மோடி தலைமையிலான பொருளாதார விவகாரங்களுக்கான அமைச்சரவைக் குழு இந்த முடிவை எடுத்துள்ளது. நடப்பு சீசனில், ஒரு குவிண்டாலுக்கு குறைந்தபட்ச ஆதரவு விலை ₹2,125 ஆகும்.
2024-25 பருவத்திற்கான அனைத்து ரபி பயிர்களுக்கும் MSPயை உயர்த்த குழு ஒப்புதல் அளித்துள்ளதாக தகவல் மற்றும் ஒளிபரப்பு அமைச்சர் அனுராக் தாக்கூர் தெரிவித்தார். "சிஏசிபி பரிந்துரையின் அடிப்படையில், ஆறு ரபி பயிர்களின் எம்எஸ்பியை உயர்த்தியுள்ளோம். கோதுமையின் விலை குவிண்டாலுக்கு ₹150 உயர்த்தப்பட்டுள்ளது," என்று அமைச்சர் அனுராக் தாக்கூர் தெரிவித்தார்.
கோதுமை சாகுபடி என்பது ரபி பருவத்தின் முக்கிய பயிர் ஆகும், இது ஏப்ரல் மாதத்தில் அறுவடை செய்யப்படுகிறது.
மைசூர் பருப்புக்கான அதிகபட்ச MSP உயர்வு குவிண்டாலுக்கு ₹425 என பிரதமர் மோடி தலைமையிலான பொருளாதார விவகாரங்களுக்கான அமைச்சரவைக் குழு அங்கீகரித்துள்ளது. கடுகு MSP ஒரு குவிண்டாலுக்கு ₹200 உயர்த்தப்படும். குங்குமப்பூ MSP ₹150 உயர்த்தப்பட்டுள்ளது. பார்லியின் MSP ₹115 மற்றும் பருப்புகளுக்கு குறைந்தபட்ச ஆதரவு விலை, ₹105 உயர்த்தப்பட்டுள்ளது.
மேலும் படிக்க | தீபாவளி போனஸ்!! மத்திய அரசு ஊழியர்களுக்கு ஜாக்பாட் செய்தி... அறிவிப்பு வெளியானது!!
குறைந்தபட்ச ஆதரவு விலை என்பது விவசாயிகளிடமிருந்து அரசு பயிர்களை கொள்முதல் செய்யும் குறைந்த விலையாகும்.
ரபி பயிர்களின் இந்த அதிகரித்த MSP விவசாயிகளுக்கு லாபகரமான விலையை உறுதி செய்யும் மற்றும் பயிர் பல்வகைப்படுத்தலை ஊக்குவிக்கும்" என்று அரசின் அதிகாரப்பூர்வ வெளியீடு கூறியது. இந்தியாவில் கோடை, கரீப் மற்றும் ரபி என மூன்று பருவங்களில் சாகுபடி செய்யப்படுகின்றன.
இன்று கூடிய பிரதமர் மோடி தலைமையிலான பொருளாதார விவகாரங்களுக்கான அமைச்சரவைக் குழு, மத்திய அரசு ஊழியர்களின் அகவிலைப்படியை உயர்த்தி அறிவித்தது. டிஏ நான்கு சதவீத புள்ளிகள் அதிகரித்து 46 சதவீதமாக உள்ளது. அமைச்சரவை முடிவு செய்த முடிவுகளில், புதிய கட்டணங்கள் ஜூலை 1, 2023 முதல் பொருந்தும் என்று தாக்கூர் கூறினார்.
மத்தியப் பிரதேசம், சத்தீஸ்கர், ராஜஸ்தான், தெலுங்கானா மற்றும் மிசோரம் ஆகிய ஐந்து மாநிலங்களின் சட்டசபைத் தேர்தல்களுக்கு முன்னதாக இந்த அறிவிப்புகள் வெளியாகியுள்ளன. நவம்பர் 7-ஆம் தேதி வாக்குப்பதிவு தொடங்கி நவம்பர் 30-ஆம் தேதி முடிவடைகிறது. தேர்தலில் பதிவான வாக்குகள் டிசம்பர் 3-ஆம் தேதி எண்ணப்படும்.
மேலும் படிக்க | 56GB டேட்டா... அன்லிமிடட் டேட்டா - ஜியோவின் பம்பர் ப்ரீபெய்ட் திட்டம்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
