GMR தலைமையிலான டெல்லி சர்வதேச விமான நிலையம் புலம்பெயர்ந்த தொழிலாளர்களுக்கு முழு அடைப்பு காலம் முடியும் வரை உணவு விநியோகிக்கப்படும் என்று அதன் தலைமை நிர்வாக அதிகாரி தெரிவித்தார்.
கொரோனா முழு அடைப்பு காலத்தில் புலம் பெயர்ந்த தொழிலாளர்களுக்கு புதிதாக சமைத்த உணவை விநியோகிப்பதன் மூலம் அவர்களுக்கு உதவ நிறுவனம் முன்வந்துள்ளது.
"இந்த கடினமான காலங்களில் சமூகப் பொறுப்பின் உணர்வை உயிரோடு வைத்திருத்தல், இந்த தொழிலாளர்களிடையே புதிதாக சமைத்த உணவை விநியோகிக்கும் முயற்சியை DIAL எடுத்துள்ளது, மேலும் அது முழு அடைப்பு முடியும் வரை தொடரும்" என்று DIAL தலைமை நிர்வாக அதிகாரி வித் குமார் ஜெய்புரியார் மேற்கோளிட்டுள்ளார் . மேலும், 1,000 புலம்பெயர்ந்த தொழிலாளர்களுக்கு சேவை செய்ய இலக்கு வைத்து கடந்த வாரத்தில் சுமார் 342 ரேஷன் கிட்கள் விநியோகிக்கப்பட்டுள்ளன எனவும் அவர் தெரிவித்துள்ளார்.
"இந்த கிட்டுகளில் அட்டா (10 கிலோ), எண்ணெய் (1 லிட்டர்), பருப்பு வகைகள் (2 கிலோ), மசாலா பாக்கெட் (300 கிராம்), சர்க்கரை (2 கிலோ) மற்றும் உப்பு (1 கிலோ) ஆகியவை அளிக்கப்படுகிறது" என்று அந்த அறிக்கையில் தெரிவிக்கப்பட்டுள்ளது.
இந்தியாவில் கொரோனா வைரஸ் வழக்குகளின் மொத்த எண்ணிக்கை 12,000-ஐ தாண்டியுள்ளது.
941 புதிய வழக்குகளுடன், இந்தியாவில் நாவல் கொரோனா வைரஸின் மொத்த உறுதிப்படுத்தப்பட்ட வழக்குகளின் எண்ணிக்கை 12,380-ஆக உயர்ந்துள்ளதாக சுகாதார மற்றும் குடும்ப நல அமைச்சகம் வியாழக்கிழமை வெளியிட்டுள்ள தகவல்களில் தெரிவிக்கப்பட்டுள்ளது.
இவர்களில், 10,477 பேர் செயல்பாட்டில் உள்ள வழக்குகள், 1,488 நபர்கள் குணமடைந்து மருத்துவமனையில் இருந்து வெளியேற்றப்பட்டுள்ளனர், மற்றும் 414 பேர் இந்த நோயால் இறந்துள்ளனர். மொத்தம் உறுதிப்படுத்தப்பட்ட வழக்குகளில் 76 வெளிநாட்டினர் உள்ளனர் என்பது குறிப்பிடத்தக்கது.
