Bride Groom Video: വിവാഹ സീസണ്‍ ആയതോടെ വിവാഹവുമായി ബന്ധപ്പെട്ട രസകരമായ വീഡിയോകൾ സോഷ്യല്‍ മീഡിയയില്‍ ധാരാളമായി എത്തുന്നുണ്ട്.
വധൂവരന്മാരുടെ തമാശകള്‍ നിറഞ്ഞ വീഡിയോകള്‍ക്ക് സോഷ്യല്‍ മീഡിയയില്‍ ഡിമാന്‍ഡ് ഏറെയാണ്‌. അത്തരത്തില്‍ വിവാഹവുമായി ബന്ധപ്പെട്ട ഒരു വീഡിയോയാണ് ഇപ്പോള്‍ സോഷ്യല്‍ മീഡിയയില്‍ വൈറലായിരിയ്ക്കുന്നത്.
ഈ വിവാഹ വീഡിയോയില്‍ വധൂവരന്മാര്‍ വളരെ റൊമാന്റിക് ആയി നൃത്തം ചെയ്യുന്നത് കാണാം. എന്നാല്‍ അവരുടെ നൃത്തത്തിനിടെ വില്ലനായി കടന്നുവരികയാണ് ഒരു നായ. അതോടെ പരിപാടിയുടെ ആകര്‍ഷണം ഈ വില്ലനായി മാറി.
വധുവും വരനും വളരെ റൊമാന്റിക് മൂഡില്‍ നൃത്തം ചെയ്യുന്നതിനിടെയാണ് കറുത്ത കോട്ടണിഞ്ഞ അവരുടെ വളര്‍ത്തുനായ എത്തുന്നത്‌. സ്റ്റേജിലേയ്ക്ക് നായ എത്തിയതോടെ എല്ലാവരുടെയും ശ്രദ്ധ നായയിലേക്ക് മാറുന്നു. നൃത്തം ചെയ്യുന്ന ഇരുവരേയും കണ്ടതോടെ ഈ വിരുതന്‍ അവര്‍ക്കിടെയിലൂടെ ഒന്നും സംഭവിക്കാത്ത മട്ടില്‍ കടന്നുപോകുകയാണ്...!!
വീഡിയോ കാണാം:-
വീഡിയോ കണ്ടാൽ നായയ്ക്കും ഇരുവർക്കും ഒപ്പം നൃത്തം ചെയ്യണമെന്നാണ് ആഗ്രഹം എന്ന് തോന്നിപ്പോകും. എന്നാല്‍, നായയുടെ പ്രവൃത്തി കണ്ട് അവിടെയുണ്ടായിരുന്നവര്‍ക്ക് ചിരിയടക്കാന്‍ സാധിച്ചില്ല...
പ്രൊപ്പോസൽ പേജ് (proposalspage) എന്ന ഇൻസ്റ്റാഗ്രാം അക്കൗണ്ടിലാണ് വധൂവരന്മാരുടെ വീഡിയോ എത്തിയത്. വീഡിയോ ഇതുവരെ ആയിരക്കണക്കിനാളുകളാണ് കണ്ടത്.
Ummm excuse me...I'd like to dance too!" എന്ന കുറിപ്പോടെയാണ് ഇന്‍സ്റ്റ ഗ്രാമില്‍ ഈ വീഡിയോ എത്തിയത്. വീഡിയോയ്ക്ക് കമന്‍റുമായി എത്തിയവരും ഏറെയാണ്‌.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
