നാദിർഷയും റാഫിയും ഒന്നിക്കുന്ന പുതിയ ചിത്രത്തിന്റെ പ്രഖ്യാപനം ഉടൻ ഉണ്ടായേക്കും. റാഫി തിരക്കഥ എഴുതുന്ന ചിത്രം സംവിധാനം ചെയ്യുന്നത് നാദിർഷ ആണ്. കലന്തൂർ എന്റടെയ്ൻമെന്റ്സിന്റെ രണ്ടാമത്തെ ചിത്രമാണിത്. ഒമർ ലുലുവിന്റെ നല്ല സമയം എന്ന ചിത്രമാണ് കലന്തൂർ എന്റടെയ്ൻമെന്റ്സ് നിർമ്മിച്ച ആദ്യ ചിത്രം. ചിത്രത്തിന് പേരിട്ടിട്ടില്ല. ചിത്രം സംബന്ധിച്ച് കൂടുതൽ വിവരങ്ങൾ ഒന്നും പങ്കുവെച്ചിട്ടില്ല. 'കമിങ്ങ് സൂൺ' എന്ന ക്യാപ്ഷനോടെയാണ് നാദിർഷ ഇക്കാര്യം ഫേസ്ബുക്കിൽ പങ്കുവെച്ചിരിക്കുന്നത്.
അതേസമയം ചിത്രത്തിൽ ദിലീപുമുണ്ടോ എന്നാണ് പ്രേക്ഷകരുടെ ചോദ്യം. ദിലീപിന്റെ അടുത്ത സുഹൃത്തുക്കളാണ് റാഫിയും നാദിർഷയും. റാഫി-ദിലീപ്, നാദിർഷ-ദിലീപ് എന്നീ കൂട്ടുകെട്ടിൽ ഇറങ്ങിയ ചിത്രങ്ങൾ വളരെ ഹിറ്റ് ആയിരുന്നു. അത് കൊണ്ട് തന്നെ ചിത്രത്തിൽ ദിലീപും ഉണ്ടാകുമെന്ന പ്രതീക്ഷയിലാണ് എല്ലാവരും. ഒരു ചിരിപ്പൂരം ആയിരിക്കും നാദിർഷ - റാഫി കോമ്പോയിൽ ഇറങ്ങുന്ന ചിത്രമെന്നാണ് പ്രതീക്ഷ. റാഫിയുടെ പുതിയ ചിത്രമായ വോയ്സ് ഓഫ് സത്യനാഥനിൽ ദിലീപ് ആണ് നായകൻ. നിലവിൽ സിനിമയുടെ ചിത്രീകരണം നടന്ന് കൊണ്ടിരിക്കുകയാണ്. പുതിയ സിനിമയെ കുറിച്ചുള്ള നാദിർഷയുടെ പോസ്റ്റിന് പിന്നാലെ നിരവധി ആളുകൾ ആശംസകളും നേർന്നിട്ടുണ്ട്.
Saturday Night: സ്റ്റാൻലിയും കൂട്ടുകാരും എത്തുന്നു!!! നിവിൻ പോളിയുടെ 'സാറ്റർഡെ നൈറ്റ്' ഫസ്റ്റ് ലുക്കെത്തി
നിവിൻ പോളി കേന്ദ്ര കഥാപാത്രമായെത്തുന്ന സാറ്റർഡെ നൈറ്റ് വിത്ത് കിറുക്കനും കൂട്ടുകാരും എന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തുവിട്ടു. റോഷൻ ആൻഡ്രൂസ് ആണ് ചിത്രം സംവിധാനം ചെയ്യുന്നത്. നിവിൻ പോളി, അജു വർഗീസ്, സിജു വിൽസൺ, സൈജു കുറുപ്പ്, എന്നിവരാണ് ഫസ്റ്റ് ലുക്ക് പോസ്റ്ററിലുള്ളത്. വളരെ കളർഫുൾ ആയിട്ടുള്ള ഒരു പോസ്റ്ററാണ് പുറത്തുവിട്ടിരിക്കുന്നത്. പോസ്റ്റർ പോലെ തന്നെ സിനിമയും കളർഫുൾ ആയിരിക്കുമെന്നാണ് പ്രേക്ഷകർ പ്രതീക്ഷിക്കുന്നത്. ഒരു കോമഡി എന്റർടെയ്ൻമെന്റ് ആയിരിക്കും ചിത്രമെന്നാണ് സൂചന. സ്റ്റാൻലിയും കൂട്ടുകാരും വരുന്നു എന്ന ക്യാപ്ഷനോടെ നിവിൻ പോളി പോസ്റ്റർ പങ്കുവെച്ചിട്ടുണ്ട്. മറ്റ് താരങ്ങളും പോസ്റ്റർ പങ്കുവെച്ചിട്ടുണ്ട്.
സൗഹൃദത്തിന്റെയും പ്രണയത്തിന്റെയും ചിരിയുടെയും മനോഹരമായ കഥയാണ് ഈ സിനിമ എന്നാണ് നിവിൻ പോസ്റ്റ് ചെയ്തിരിക്കുന്നത്. പുത്തൻ തലമുറയിലെ യുവാക്കളുടെ സൗഹൃദത്തിന്റെ കഥപറയുന്ന ഒരു ആഘോഷചിത്രമായിരിക്കും 'സാറ്റർഡേ നൈറ്റ്'. ചരിത്ര സിനിമയായ കായംകുളം കൊച്ചുണ്ണി എന്ന ചിത്രത്തിന് ശേഷം റോഷൻ ആൻഡ്രൂസും നിവിൻ പോളിയും വീണ്ടും ഒന്നിക്കുന്ന ചിത്രമാണ് സാറ്റർഡെ നൈറ്റ്. അജിത്ത് വിനായക ഫിലിംസിന്റെ ബാനറിൽ വിനായക അജിത്ത് ആണ് ചിത്രം നിർമ്മിക്കുന്നത്‌.
ചിത്രത്തിൽ പ്രതാപ്‌ പോത്തൻ, സാനിയ ഇയ്യപ്പൻ, മാളവിക ശ്രീനാഥ്‌, ഗ്രെയ്സ്‌ ആന്റണി, ശാരി, വിജയ്‌ മേനോൻ, അശ്വിൻ മാത്യു എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്‌. പൂജാ റിലീസായി സെപ്തംബർ അവസാനവാരം പുറത്തിറങ്ങുന്ന ഈ ബിഗ്‌ ബഡ്ജറ്റ്‌ കോമഡി എന്റർടെയ്നർ ദുബായ്‌, ബാംഗ്ലൂർ, മൈസൂർ എന്നിവിടങ്ങളിലായാണ്‌ ചിത്രീകരിച്ചിരിക്കുന്നത്‌. ചിത്രത്തിന്റെ പോസ്റ്റ് പ്രൊഡക്ഷൻ വർക്കുകൾ പുരോഗമിക്കുന്നു. ചിത്രത്തിന്റെ തിരക്കഥ ഒരുക്കിയിരിക്കുന്നത് നവീൻ ഭാസ്ക്കർ ആണ്. ഛായാഗ്രഹണം നിർവഹിച്ചിരിക്കുന്നത് അസ്ലം പുരയിൽ. ജേക്സ് ബിജോയ് ആണ് ചിത്രത്തിന്റെ സംഗീതം ഒരുക്കിയിരിക്കുന്നത്.
ചിത്രസംയോജനം: ടി ശിവനടേശ്വരൻ, പ്രൊഡക്ഷൻ ഡിസൈനർ: അനീഷ് നാടോടി, മെയ്ക്കപ്പ്‌: സജി കൊരട്ടി, കോസ്റ്റ്യൂം ഡിസൈനർ: സുജിത്ത് സുധാകരൻ, കളറിസ്റ്റ്‌: ആശിർവാദ്‌, ഡി ഐ: പ്രൈം ഫോക്കസ്‌ മുംബൈ, സൗണ്ട്‌ ഡിസൈൻ: രംഗനാഥ്‌ രവി, ഓഡിയോഗ്രഫി: രാജാകൃഷ്ണൻ എം. ആർ, ആക്ഷൻ ഡിറക്ടേഴ്സ്‌: അലൻ അമിൻ, മാഫിയാ ശശി, കൊറിയോഗ്രാഫർ: വിഷ്ണു ദേവ, സ്റ്റിൽസ്‌: സലിഷ്‌ പെരിങ്ങോട്ടുകര, പൊമോ സ്റ്റിൽസ്‌: ഷഹീൻ താഹ, പ്രൊഡക്ഷൻ കൺട്രോളർ: നോബിൾ ജേക്കബ്, ആർട്ട് ഡയറക്ടർ: ആൽവിൻ അഗസ്റ്റിൻ, മാർക്കറ്റിംഗ് കൺസൾട്ടന്റ്സ്‌: കാറ്റലിസ്റ്റ്‌, ഡിസൈൻസ്‌: ആനന്ദ്‌ രാജേന്ദ്രൻ, പി.ആർ.ഓ: ശബരി, ഡിജിറ്റൽ മാർക്കറ്റിംഗ്: ഹെയിൻസ്‌.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
