അനശ്വര രാജൻ കേന്ദ്ര കഥാപാത്രമായി എത്തിയ ചിത്രം മൈക്ക് ഒടിടി റിലീസിന് ഒരുങ്ങുകയാണ്. ഇന്ന്, ഒക്ടോബർ 20 അർദ്ധരാത്രിയോടെ ചിത്രം ഒടിടി പ്ലാറ്റ്‌ഫോമിൽ സ്ട്രീമിങ് ആരംഭിക്കും. ആകെ മൂന്ന് ഒടിടി പ്ലാറ്റുഫോമുകളിലായി ആണ് ചിത്രം സ്ട്രീം ചെയ്യുന്നത്. ഇന്ത്യയ്ക്ക് പുറത്ത് സിംപ്ലി സൗത്തിലും ഇന്ത്യയിൽ ഒടിടി പ്ലാറ്റ്‌ഫോമുകളായ മനോരമ മാക്സ്, ആമസോൺ പ്രൈം വീഡിയോസ് എന്നിവിടങ്ങളിൽ ചിത്രം എത്തുന്നത്. ബോളിവുഡ് താരം ജോൺ എബ്രഹാം ആദ്യമായി മലയാളത്തിൽ നിർമ്മിച്ച ചിത്രമാണിത്. ബിവെയർ ഓഫ് ഡോഗ്സിലൂടെ ജനശ്രദ്ധ നേടിയ വിഷ്ണു ശിവപ്രസാദാണ് ചിത്രം സംവിധാനം ചെയ്തത്.
ഓഗസ്റ്റ് 19ന് തിയേറ്ററുകളിലെത്തിയ ചിത്രമായിരുന്നു മൈക്ക്. ഏറെ നിരൂപക പ്രശംസ നേടിയ ചിത്രമാണ് മൈക്ക്. രഞ്ജിത്ത് സജീവാണ് ചിത്രത്തിൽ നായകനായി എത്തിയിരിക്കുന്നത്. ചിത്രത്തിലെ പാട്ടുകൾ ഏറെ ജനശ്രദ്ധ നേടിയിരുന്നു. ലഡ്‌കി, മൂവ് യുവർ ബോഡി തുടങ്ങിയ ഗാനങ്ങളാണ് പ്രേക്ഷകരുടെ പ്രിയപ്പെട്ട ഗാനങ്ങളുടെ ലിസ്റ്റിൽ ഇടം പിടിച്ചത്. വളരെ വ്യത്യസ്‍തമായ ആശയവുമായി എത്തിയ ചിത്രമാണ് മൈക്ക്. ഹിഷാം അബ്ദുൾ വഹാബാണ് സംഗീത സംവിധായകൻ. ആഷിക്ക് അക്ബർ അലി ആണ് തിരക്കഥ ഒരുക്കിയിരിക്കുന്നത്.
ALSO READ: Ammu Movie: ഐശ്വര്യ ലക്ഷ്മിയുടെ അമ്മു ഒടിടിയിൽ: എവിടെ കാണാം?
കൈതപ്രം ദാമോദരൻ നമ്പൂതിരി, റഫീഖ് അഹമ്മദ്, സുഹൈൽ കോയ, അരുൺ അലാത്, വിനായക് ശശികുമാർ തുടങ്ങിയവരാണ് ഗാനത്തിലെ വരികൾ രചിച്ചിരിക്കുന്നത്. അനശ്വര രാജനെയും രഞ്ജിത്തിനെയും കൂടാതെ രോഹിണി മൊളേട്ടി, ജിനു ജോസഫ്, അക്ഷയ് രാധാകൃഷ്ണൻ, അഭിരാം രാധാകൃഷ്ണൻ, ദയ്യാന ഹമീദ്, കാർത്തിക് മണികണ്ഠൻ, രാകേഷ് മുരളി, രാഹുൽ, നേഹാൻ, റോഷൻ ചന്ദ്ര, വെട്ടുകിളി പ്രകാശ്, സിനി എബ്രഹാം എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിച്ചത്. ചിത്രത്തിന്റെ ഛായാഗ്രഹണം നിർവഹിച്ചിരിക്കുന്നത് റെനദിവാണ്. ചിത്രത്തിന്റെ എഡിറ്റർ വിവേക് ഹർഷനാണ്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
