കൊച്ചി : സൂരജ് വെഞ്ഞാറമൂട് കേന്ദ്ര കഥാപാത്രമായി എത്തുന്ന പുതിയ ചിത്രം ഹെവൻറെ ഫസ്റ്റ് ലുക്ക് പോസ്റ്റര്‍ പുറത്ത് വിട്ടു. ത്രില്ലർ ഡ്രാമ വിഭാഗത്തിൽപ്പെടുന്ന ചിത്രമാണ് ഹെവൻ. കത്തി മുനയില്‍ സുരാജ് വെഞ്ഞാറമൂട് ഇരിക്കുന്ന ചിത്രമാണ് ഫസ്റ്റ് ലുക്ക് പോസ്റ്ററായി പുറത്ത് വിട്ടിരിക്കുന്നത്. സൂരജ് വെഞ്ഞാറമൂട് തന്റെ ഔദ്യോഗിക ഫേസ്ബുക്ക് അക്കൗണ്ടിലൂടെയാണ് ഫസ്റ്റ് ലുക്ക് പോസ്റ്റർ പുറത്ത് വിട്ടിരിക്കുന്നത്. ചിത്രത്തിൻറെ ഫസ്റ്റ് ലുക്ക് പോസ്റ്റർ തന്നെ പ്രേക്ഷകരുടെ ഇടയിൽ ഏറെ ആകാംക്ഷ ഉണ്ടാക്കിയിരിക്കുകയാണ്.
ഉണ്ണി ഗോവിന്ദ് രാജിന്റെ സംവിധാനത്തിലെത്തുന്ന ചിത്രമാണ് ഹെവൻ. ദി ഗ്രേറ്റ് ഫാദർ, അബ്രഹാമിന്റെ സന്തതികൾ, മിഖായേൽ എന്നീ ചിത്രങ്ങളിൽ അസ്സോസിയേറ്റ് ഡയറക്ടർ ആയിരുന്ന ആളാണ് ഉണ്ണി ഗോവിന്ദ് രാജ്. ഉണ്ണി ഗോവിന്ദ് രാജിന്റെ ആദ്യ സംവിധാന സംരംഭമാണ് ഹെവൻ. ചിത്രത്തിന്റെ കഥയും തിരക്കഥയും ഒരുക്കിയിരിക്കുന്നതും സംവിധായകനായ ഉണ്ണി ഗോവിന്ദ് രാജ് തന്നെയാണ്. വളരെ മികച്ച ഒരു ത്രില്ലർ ഡ്രാമ ചിത്രം തന്നേയായിരിക്കും ഹെവൻ എന്നാണ് പ്രതീക്ഷ.
ALSO READ: Panthrand Movie : ഉദ്വേഗം നിറയ്ക്കുന്ന ട്രെയ്‌ലറുമായി പന്ത്രണ്ട്; ചിത്രം ജൂൺ 10 നെത്തും
കട്ട് ടു ക്രിയേറ്റ് പിക്ചേഴ്സ് എന്ന ബാനറിലാണ് ചിത്രമെത്തുന്നത്. എഡ് ശ്രീകുമാർ, രമ ശ്രീകുമാർ, കൃഷ്ണൻ, ടിആർ രഘുരാജ് എന്നിവരാണ് ചിത്രം നിർമ്മിക്കുന്നത്. ഉണ്ണി ഗോവിന്ദ് രാജിനൊപ്പം പിഎസ് സുബ്രഹ്മണ്യനും ചേർന്നാണ് ചിത്രത്തിൻറെ തിരക്കഥ ഒരുക്കിയിരിക്കുന്നത്. ചിത്രത്തിന്റെ ഛായാഗ്രഹണം നിര്‍വ്വഹിക്കുന്നത് വിനോദ് ഇല്ലംപ്പള്ളിയാണ്. സംഗീതം നിര്‍വ്വഹിക്കുന്നത് ഗോപി സുന്ദര്‍ ആണ്.
സൂരജ് വെഞ്ഞാറമൂടിനെ കൂടാതെ അലൻസിയർ, ജാഫർ ഇടുക്കി, മഞ്ജു പത്രോസ്, രശ്മി ബോബൻ, ദീപക് പറമ്പോൾ, സുദേവ് നായർ, സുധീഷ്, പത്മരാജ് രതീഷ്, ചെമ്പിൽ അശോകൻ, ശ്രുതി ജയൻ, വിനയ പ്രസാദ്, ആശാ അരവിന്ദ്, അഭിജ ശിവകല, ശ്രീജ, മീരാ നായർ, രമാദേവി കോഴിക്കോട്, ഗംഗ നായർ എന്നിവരും ചിത്രത്തിൽ പ്രധാന കഥാപാത്രങ്ങളായി എത്തുന്നുണ്ട്. ചിത്രത്തിന്റെ റിലീസിനെയും, ഷൂട്ടിങ്ങിനെയും മറ്റും പറ്റിയുള്ള കൂടുതൽ വിവരങ്ങൾ പുറത്ത് വിട്ടിട്ടില്ല.
സ്റ്റില്‍സ് സേതു, പ്രേംലാല്‍ പട്ടാഴി, ഡിസൈന്‍ ആനന്ദ് രാജേന്ദ്രന്‍, അസോസിയേറ്റ് ഡയറക്ടര്‍ ബേബി പണിക്കര്‍, എഡിറ്റര്‍ ടോബി ജോണ്‍, കല അപ്പുണ്ണി സാജന്‍, മേക്കപ്പ് ജിത്തു, വസ്ത്രാലങ്കാരം സുജിത്ത് മട്ടന്നൂര്‍, ആക്ഷന്‍ മാഫിയ ശശി, ഓഡിയോഗ്രഫി എം.ആര്‍. രാജാകൃഷ്ണന്‍, സൗണ്ട് ഡിസൈന്‍ വിക്കി, കിഷന്‍, പി.ആര്‍.ഒ. ശബരി.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
