Mumbai : അക്ഷയ് കുമാറിന്റെ ഏറ്റവും പുതിയ ചിത്രം ബെൽ ബോട്ടം നാളെ റിലീസ് ചെയ്യും. കോവിഡ് രണ്ടാം തരംഗത്തിന് ശേഷം പുറത്തിറക്കുന്ന ആദ്യ ചിത്രങ്ങളിൽ ഒന്നാണ് ബെൽ ബോട്ടം. ചിത്രം 3ഡി റിലീസ് ആയിരിക്കുമെന്ന് മുമ്പ് തന്നെ അറിയിച്ചിരുന്നു. വാണി കപൂർ, ലാറ ദത്ത എന്നിവർ ചിത്രത്തിൽ കേന്ദ്ര കഥാപാത്രങ്ങളായി എത്തുന്നുണ്ട്.
ചിത്രത്തിൻറെ ട്രൈലർ ജൂലൈ ആദ്യ വാരം റിലീസ് ചെയ്തിരുന്നു. ഡൽഹിയിൽ വെച്ചാണ് ചിത്രത്തിൻറെ ട്രെയ്‌ലർ പുറത്തിറക്കിയത്. രഞ്ജിത്ത് എം തിവാരി സംവിധാനം ചെയ്ത ചിത്രത്തിൽ ഹുമ ഖുറേഷി, ജാക്കി ഭഗ്നാനി എന്നിവരാണ് മറ്റ് പ്രധാന താരങ്ങൾ. രാജീവ് രവിയാണ് ചിത്രത്തിന് ഛായാഗ്രണം നിർവ്വഹിച്ചിരിക്കുന്നത്.
ALSO READ: Bell Bottom trailer : അക്ഷയ് കുമാർ ചിത്രം ബെൽ ബോട്ടത്തിന്റെ ട്രെയ്‌ലർ പുറത്തിറക്കി
നേരത്തെ ചിത്രം ഒടിടി റിലീസിന് എത്തുമെന്നായിരുന്നു അറിയിച്ചിരുന്നത്. അതേസമയം ചിത്രം സംബന്ധിച്ച് പ്രചരിക്കുന്ന വാർത്തകളെല്ലാം നിഷേധിച്ച് ചിത്രത്തിൻറെ പ്രൊഡക്ഷൻ കമ്പനിയായ പൂജ എൻറർടെയിൻമെൻറും രംഗത്തെത്തിയിരുന്നു.
ALSO READ: Bell Bottom Movie Release: ബെൽബോട്ടം ആഗസ്റ്റ് 19-ന്, ചിത്രം ഒരു സ്പൈ ത്രില്ലർ
ചിത്രത്തിൻറെ റിലീസ് ജൂലൈ 27നായിരുന്നു ആദ്യം നിശ്ചയിച്ചിരുന്നത്. പിന്നീട് കോവിഡ് മൂലം മാറ്റുകയായിരുന്നു. നിലവിൽ ചിത്രം തീയേറ്റർ റിലീസിന് എത്തുമെന്നാണ് അറിയിച്ചിരിക്കുന്നത്. ചിത്രത്തിൽ അക്ഷയ് കുമാർ ഒരു റോ ഏജന്റായി ആണ് എത്തിയിരിക്കുന്നത്.
ALSO READ: Kappela Movie: കപ്പേളയുടെ അന്യഭാഷ റീമേക്കുകൾക്ക് വിലക്ക്, നടപടി സഹ എഴുത്തുകാരൻറെ ഹർജിയിൽ
1980 കളുടെ പശ്ചാത്തലത്തിൽ ഒരുക്കിയിരിക്കുന്ന സ്പൈ ത്രില്ലെർ ചിത്രമാണ് ബെൽ ബോട്ടം. ഫ്ലൈറ്റ് ഹൈജാക്കുകളെ കുറിച്ചൻ ചിത്രത്തിൽ പറയുന്നത്. ചിത്രത്തിൽ ലാറ ദത്ത മുൻ പ്രധാന മന്ത്രി ഇന്ദിര ഗാന്ധിയായി ആണ് എത്തുന്നത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
