കോഴിക്കോട്: എം ടി. ഇല്ലെന്ന് വിശ്വസിക്കാനാവുന്നില്ലെന്ന് നായിക സുപർണ്ണ ആനന്ദ്. വൈശാലി എന്ന ചിത്രത്തിലെ നായികയാണ് സുപർണ. എംടിക്കൊപ്പം വളരെ ചെറിയ കാലം മാത്രമെ പ്രവർത്തിക്കാൻ സാധിച്ചുള്ളൂ. എങ്കിലും അദ്ദേഹം പകർന്നു തന്ന പാഠങ്ങൾ വിലമതിക്കാനാവാത്തതാണെന്ന് സുപർണ്ണ ആനന്ദ് പറഞ്ഞു. എംടിയുടെ വൈശാലി, ഉത്തരം തുടങ്ങിയ സിനിമകളിൽ സുപർണ പ്രധാന വേഷങ്ങൾ ചെയ്തു. വൈശാലിയാണ് സുപർണ്ണയെ മലയാളിക്ക് കൂടുതൽ സുപരിചിതയാക്കിയ ചിത്രം. എംടിയുടെ വിയോഗത്തിൽ കുടുംബത്തിന്റെ ദുഖത്തിൽ പങ്കുചേരുന്നുവെന്നും സുപർണ പറഞ്ഞു.
വിഖ്യാത സാഹിത്യകാരന്‍ എം ടി വാസുദേവന്‍ നായരുടെ വിയോഗം കേരളത്തിന് വലിയൊരു നഷ്ടം തന്നെയാണ്. അദ്ദേഹത്തിന്റെ ആഗ്രഹപ്രകാരം പൊതു ദർശനം ഇല്ല. പകരം വൈകുന്നേരം നാലുവരെ കോഴിക്കോട് കൊട്ടാരം റോഡിലെ എംടിയുടെ വസതിയായ 'സിതാര' യില്‍ അന്തിമോപചാരം അര്‍പ്പിക്കാം. ശേഷം വൈകിട്ട് അഞ്ചിന് മാവൂര്‍ റോഡ് ശ്മശാനത്തിൽ ഔദ്യോഗിക ബഹുമതിയോടെ സംസ്‌കാരം നടക്കും. എംടിയോടുള്ള ആദരസൂചകമായി ഇന്നും നാളെയും സംസ്ഥാന സര്‍ക്കാര്‍ ഔദ്യോഗികമായി ദുഃഖാചരണം ആചരിക്കുകയാണ്.
Also Read: Manju Warrier: എം.ടിയുടെ വിയോഗത്തിൽ അനുശോചനമർപ്പിച്ച് മഞ്ജു വാര്യർ
കോഴിക്കോട് ബേബി മെമ്മോറിയല്‍ ആശുപത്രിയില്‍ ചികിത്സയിലിരിക്കെയാണ് എംടിയുടെ അന്ത്യം. ഹൃദയ സംബന്ധമായ രോഗത്തെ തുടർന്ന് കഴിഞ്ഞ പത്തു ദിവസമായി ബേബി മെമ്മോറിയൽ ആശുപത്രിയിൽ ചികിത്സയിലായിരുന്നു അദ്ദേഹം. കഥാകൃത്ത്, നോവലിസ്റ്റ്, പത്രാധിപൻ, തിരക്കഥാകൃത്ത്, സംവിധായകന്‍, നിര്‍മ്മാതാവ്, ലേഖകന്‍, പ്രഭാഷകന്‍, നാടകകൃത്ത്, നടന്‍, സംവിധായകന്‍, നാടകപരിഭാഷകന്‍, ഗാനരചയിതാവ്, ബാലസാഹിത്യകാരന്‍, അധ്യാപകന്‍, സംഘാടകന്‍, ജ്ഞാനപീഠമടക്കമുള്ള പുരസ്‌കാരങ്ങളുടെ ജേതാവ് എന്നിങ്ങനെ ഇടപെട്ടയിടങ്ങളിലെല്ലാം തന്റെ കൈയൊപ്പ് പതിപ്പിച്ച ബഹുമുഖ പ്രതിഭയായിരുന്നു എം ടി വാസുദേവന്‍ നായര്‍.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
