Interim Budget 2024: ഫെബ്രുവരി 1ന് കേന്ദ്ര ധനമന്ത്രി നിർമല സീതാരാമന്‍ രണ്ടാം മോദി സര്‍ക്കാരിന്‍റെ അവസാന ബജറ്റ് അവതരിപ്പിക്കുകയാണ്. ധനകാര്യ വകുപ്പ് ബജറ്റ് അവതരണത്തിനായി തയ്യാറെടുക്കുമ്പോള്‍ ഒരു ട്വിസ്റ്റ്‌ ഉണ്ട്. അതായത്, ഇത് പൊതുതിരഞ്ഞെടുപ്പ് വർഷമായതിനാല്‍ ഒരു സമ്പൂർണ്ണ ബജറ്റിന് പകരം ഇടക്കാല ബജറ്റാണ് സര്‍ക്കാര്‍ അവതരിപ്പിക്കുക.
Also Read: Kerala Assembly Session 2024: നിയമസഭാ സമ്മേളനത്തിന്‍റെ ഷെഡ്യൂൾ മാറ്റണം, കത്ത് നൽകി പ്രതിപക്ഷം
ഇന്ത്യൻ സർക്കാർ എല്ലാ വർഷവും ഫെബ്രുവരി 1 ന് കേന്ദ്ര ബജറ്റ് അവതരിപ്പിക്കുന്നു. ഈ ബജറ്റ് വരാനിരിക്കുന്ന സാമ്പത്തിക വർഷത്തേക്കുള്ള ഒരു സാമ്പത്തിക രൂപരേഖയായി വർത്തിക്കുന്നു.
എന്താണ് ഇടക്കാല ബജറ്റ്? സമ്പൂര്‍ണ്ണ ബജറ്റില്‍ നിന്ന് ഇത് എങ്ങിനെ വ്യത്യസപ്പെട്ടിരിയ്ക്കുന്നു?
സാധാരണ ബജറ്റ് ചക്രം തിരഞ്ഞെടുപ്പ് മൂലം തടസ്സപ്പെടുമ്പോൾ, രാജ്യത്തിന്‍റെ പണവുമായി ബന്ധപ്പെട്ട കാര്യങ്ങള്‍ തടസമില്ലാതെ മുന്നോട്ട് കൊണ്ടുപോകാൻ സഹായിക്കുന്നതിനാണ് സർക്കാർ ഇടക്കാല ബജറ്റ് അവതരിപ്പിക്കുന്നത്‌. രണ്ട് തരത്തിലുള്ള ബജറ്റും നമ്മുടെ സമ്പദ്‌വ്യവസ്ഥയെ രൂപപ്പെടുത്തുന്നതിൽ നിര്‍ണ്ണായക പങ്കാണ് വഹിക്കുന്നത്.
ഇടക്കാല ബജറ്റില്‍ മുഴുവൻ സാമ്പത്തിക വർഷത്തിന് പകരം, ഈ സാമ്പത്തിക വർഷത്തിലെ ശേഷിക്കുന്ന മാസങ്ങൾ ഉൾക്കൊള്ളുന്നു. ശമ്പളം, പെൻഷൻ, ക്ഷേമ പരിപാടികൾ തുടങ്ങിയ അവശ്യ സേവനങ്ങൾ തടസ്സമില്ലാതെ പ്രവർത്തിക്കുമെന്ന് ഉറപ്പാക്കുന്നതിൽ ഇത് ശ്രദ്ധ കേന്ദ്രീകരിക്കുന്നു. ഒരു ഇടക്കാല ബജറ്റിന്‍റെ പ്രാഥമിക ധർമ്മം, സര്‍ക്കാരിന്‍റെ കാലാവധിയുടെ ശേഷിക്കുന്ന മാസങ്ങളിൽ ഒരു താൽക്കാലിക സാമ്പത്തിക വഴികാട്ടിയായി പ്രവർത്തിക്കുക എന്നതാണ്.
റെഗുലർ ബജറ്റ്
എല്ലാ വർഷവും ഫെബ്രുവരിയിൽ വാർഷിക ബജറ്റ് അവതരിപ്പിക്കപ്പെടുന്നു, ഇത് ഏപ്രിൽ 1 മുതൽ മാർച്ച് 31 വരെ വരുന്ന സാമ്പത്തിക വർഷത്തിന്‍റെ പൂർണ്ണ സാമ്പത്തിക നടപടികളുടെ ആകെ തുകയാണ്. നികുതികളും മറ്റ് മാര്‍ഗ്ഗങ്ങളും മുഖേനയുള്ള സർക്കാരിന്‍റെ വരുമാന സ്രോതസ്സുകളുടെ ഒരു സമഗ്രമായ ലിസ്റ്റ് ഈ രേഖയിൽ നൽകുകയും നിർദ്ദേശിച്ചവ ഉൾപ്പെടുത്തുകയും ചെയ്യുന്നു. കൂടാതെ, അടിസ്ഥാന സൗകര്യങ്ങൾ, വിദ്യാഭ്യാസം, ആരോഗ്യ സംരക്ഷണം, പ്രതിരോധം എന്നിങ്ങനെ വിവിധ മേഖലകളിൽ ആ പണം എങ്ങിനെ ചിലവിടുന്നു എന്നതും ഈ ബജറ്റില്‍ പറയുന്നു. സാധാരണ ബജറ്റിൽ വിപുലമായ പാർലമെന്‍ററി സംവാദം, സൂക്ഷ്മപരിശോധന, ഭേദഗതികൾ, ബജറ്റ് പാസാക്കുന്നതിന് മുമ്പുള്ള ചർച്ചകൾ എന്നിവയും ഉൾപ്പെടുന്നു.
ഇടക്കാല ബജറ്റ്, നിയന്ത്രണങ്ങളും നിയമങ്ങളും
ഇടക്കാല ബജറ്റിന് തിരഞ്ഞെടുപ്പ് കമ്മീഷൻ ചില കർശന നിയന്ത്രണങ്ങൾ ഏർപ്പെടുത്തിയിട്ടുണ്ട്. വോട്ടർമാരെ സ്വാധീനിക്കാൻ കഴിയുന്ന വലിയ മാറ്റങ്ങൾ ഇടക്കാല ബജറ്റില്‍ വരുത്താൻ അനുവാദമില്ല. അതിനാല്‍, ഇടക്കാല ബജറ്റില്‍ സാധാരണക്കാര്‍ക്കായി പ്രത്യേക പ്രഖ്യാപനങ്ങള്‍ ഒന്നും തന്നെ ഉണ്ടാവില്ല.
ഇടക്കാല ബജറ്റിൽ എന്താണുള്ളത്?
ഇടക്കാല ബജറ്റിലൂടെ കഴിഞ്ഞ വര്‍ഷത്തെ റിപ്പോർട്ട് കാർഡ് സർക്കാർ നൽകുന്നു. പുതിയ സംഘം അധികാരം ഏറ്റെടുക്കുന്നത് വരെ വരും മാസങ്ങളിൽ അവർ ചെലവഴിക്കാൻ ഉദ്ദേശിക്കുന്ന കാര്യങ്ങളും അവർ വ്യക്തമാക്കുന്നു. എന്നാൽ, ഈ ഇടക്കാല ബജറ്റിൽ നികുതിയിലൂടെ കൂടുതൽ പണം സമ്പാദിക്കുന്നതിനെക്കുറിച്ച് സര്‍ക്കാരിന് സംസാരിക്കാനാവില്ല....
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ.
