ന്യൂഡൽഹി: മദ്യനയക്കേസുമായി ബന്ധപ്പെട്ട് അറസ്റ്റിലായ ഡല്‍ഹി മുഖ്യമന്ത്രി അരവിന്ദ് കെജ്‌രിവാളിൾ തിരികെ തിഹാർ ജയിലിലേക്ക്. സ്വ വസിതിയിൽ നിന്നും തിരിച്ച അദ്ദേഹം രാജ്ഘട്ടിൽ ഗാന്ധിജിക്ക് ആദരമർപ്പിക്കുകയും ഹനുമാൻക്ഷേത്രത്തിൽ ദർശനം നടത്തുകയും ചെയ്തു. ഞായറാഴ്ച വൈകിട്ടോടെയാകും അദ്ദേഹം തിഹാര്‍ ജയിലിലേക്ക് മടങ്ങുക. കോടതി അനുവദിച്ച ജാമ്യകാലാവധി ജൂണ്‍ ഒന്നിന് അവസാനിച്ചിരുന്നു. കൊണാട്ട് പ്ലേസിലെ ഹനുമാന്‍ക്ഷേത്രിൽ ആണ് കെജ്‌രിവാൾ ദർശനം നടത്തിയത്.
അവിടെനിന്ന് നേരെ പാര്‍ട്ടി ഓഫീസില്‍ പോയി പ്രവര്‍ത്തകരെയും പാര്‍ട്ടി നേതാക്കളെയും കണ്ടതിന് ശേഷം തിഹാറിലേക്ക് പോകും’, കെജ്‌രിവാള്‍ തന്റെ ട്വീറ്റർ അക്കൗണ്ടിലൂടെയാണ് ഈ കാര്യങ്ങൾ അറിയിച്ചത്. ലോക്‌സഭാ തെരഞ്ഞെടുപ്പ് പ്രചാരണത്തിനായി 21 ദിവസത്തെ ഇടക്കാല ജാമ്യം അനുവദിച്ച സുപ്രീം കോടതിയോട് കെജ്‌രിവാള്‍ തന്റെ നന്ദി അറിയിച്ചു. നിങ്ങളുടെ മകൻ തിരികെ ജയിലിലേക്ക് പോകുകയാണെന്നാണ് ഡൽഹിയിലെ ജനങ്ങളെ അഭിസംബോധന ചെയ്തു കൊണ്ട് അദ്ദേഹം പറഞ്ഞത്.
ALSO READ: ‘എക്സിറ്റ് പോൾ‘ അല്ലിത് ‘മോദി പോൾ’; പരിഹാസവുമായി രാഹുൽ ഗാന്ധി
നിങ്ങളുടെ മകൻ ജയിലിൽ പോകുന്നത് ഏതെങ്കിലും അഴിമതിയിൽ ഉൾപ്പെട്ടതുകൊണ്ടല്ല, മറിച്ച് ഏകാധിപത്യത്തിനെതിരെ ശബ്ദമുയർത്തിയതുകൊണ്ടാണ്. ഇലക്ഷൻ പ്രചാരണ കാലയാളവിൽ പോലും ബിജെപിക്ക് തനിക്കെതിരെ ഒരു തെളിവും കണ്ടെത്താൻ സാധിച്ചിട്ടില്ലെന്നും അദ്ദേഹം പറഞ്ഞു. ശനിയാഴ്ച എ.എ.പിയുടെ രാഷ്ട്രീയകാര്യ സമിതി യോഗം ജയിലിലേക്ക് മടങ്ങുന്നതിന് മുന്നോടിയായി കെജ്‌രിവാള്‍ വിളിച്ചുചേര്‍ത്തിരുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
