Covid: രാജ്യത്ത് കോവിഡ് കേസുകൾ ഉയരുന്നു; 24 മണിക്കൂറിനിടെ 15,940 പുതിയ കേസുകളും 20 മരണവും റിപ്പോർട്ട് ചെയ്തു

ന്യൂഡൽഹി: രാജ്യത്ത് കോവിഡ് കേസുകൾ വീണ്ടും വർധിക്കുന്നു. 24 മണിക്കൂറിനിടെ 15,940 പുതിയ കേസുകൾ റിപ്പോർട്ട് ചെയ്തതായി കേന്ദ്ര ആരോ​ഗ്യ മന്ത്രാലായം വ്യക്തമാക്കി. കോവിഡ് ബാധിച്ച് 24 മണിക്കൂറിനിടെ 20 മരണവും റിപ്പോർട്ട് ചെയ്തു. ഇതോടെ ആകെ കോവിഡ് മരണം 5,24,974 ആയി. സജീവ കോവിഡ് രോ​ഗികളുടെ 91,779 ആയതായും കേന്ദ്ര ആരോ​ഗ്യ മന്ത്രാലയം വ്യക്തമാക്കി. 4,27,61,481 പേരാണ് ഇതുവരെ കോവിഡ് രോ​ഗമുക്തി നേടിയത്. പ്രതിദിന കോവിഡ് പോസിറ്റിവിറ്റി നിരക്ക് 4.39 ശതമാനമാണ്.

#COVID19 | India reports 15,940 fresh cases and 20 deaths in the last 24 hours.

Active cases 91,779
Daily positivity rate 4.39% pic.twitter.com/EjMC4GKIZv

— ANI (@ANI) June 25, 2022

TRENDING NOW

news

 അതേസമയം, രാജ്യത്തുടനീളം കോവിഡ് കേസുകൾ വർധിക്കുന്നതിന്റെ പശ്ചാത്തലത്തിൽ, കേന്ദ്ര ആരോഗ്യമന്ത്രി മൻസുഖ് മാണ്ഡവ്യയുടെ അധ്യക്ഷയിൽ ആരോ​ഗ്യവിദ​ഗ്ധരുടെ യോ​ഗം ചേർന്നിരുന്നു. നേരത്തെ കേന്ദ്ര ആരോ​ഗ്യമന്ത്രി മൻസുഖ് മാണ്ഡവ്യ വിവിധ സംസ്ഥാനങ്ങളിലെയും കേന്ദ്രഭരണ പ്രദേശങ്ങളിലെയും ആരോ​ഗ്യവകുപ്പ് മന്ത്രിമാരുമായും ഉയർന്ന ഉദ്യോ​ഗസ്ഥരുമായും ചർച്ച നടത്തിയിരുന്നു. യോ​ഗത്തിൽ വാക്സിനേഷൻ സംബന്ധിച്ച പുരോ​ഗതി വിലയിരുത്തി. കോവിഡ് വ്യാപനം ഇതുവരെ അവസാനിച്ചിട്ടില്ല. ചില സംസ്ഥാനങ്ങളിൽ കോവിഡ് കേസുകൾ വർധിക്കുന്നതായി റിപ്പോർട്ടുകളുണ്ട്. ജാ​ഗ്രത പാലിക്കുന്നത് തുടരണമെന്നും കോവിഡ് പ്രതിരോധ മാർ​ഗങ്ങളായ മാസ്ക്, സാമൂ​ഹിക അകലം എന്നിവ പാലിക്കണമെന്നും കേന്ദ്ര ആരോ​ഗ്യമന്ത്രി മൻസുഖ് മാണ്ഡവ്യ നിർദേശിച്ചു.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...