പിസിഒഎസിന് നിലവിൽ കൃത്യമായ ചികിത്സയില്ല, എന്നാൽ ഭക്ഷണക്രമവും ജീവിതശൈലിയിൽ വരുത്തുന്ന മാറ്റങ്ങളും ശരീരഭാരം, ഗ്ലൂക്കോസ് അളവ്, മറ്റ് സങ്കീർണതകൾ എന്നിവ നിയന്ത്രിക്കാൻ സഹായിക്കും. ആരോഗ്യകരമായ കൊഴുപ്പുകൾ, ലീൻ പ്രോട്ടീനുകൾ, ധാന്യങ്ങൾ, പഴങ്ങളും പച്ചക്കറികളും എന്നിവ കഴിക്കുന്നത് പിസിഒഎസിന്റെ സാധ്യത കുറയ്ക്കുന്നതിനോ അതിന്റെ ലക്ഷണങ്ങളെ ലഘൂകരിക്കുന്നതിനോ സഹായിക്കും.
അതേസമയം, പിസിഒഎസ് നിയന്ത്രിക്കുന്നതിന് ചില ഭക്ഷണ സാധനങ്ങൾ ഒഴിവാക്കുന്നതാണ് നല്ലത്. ഹോർമോണുകളുടെ അളവ് തടസ്സപ്പെടുത്തുകയും രക്തത്തിലെ പഞ്ചസാരയുടെ അളവ് വർധിപ്പിക്കുകയും ചെയ്യുന്ന, കോശജ്വലന പ്രക്രിയയെ ഉത്തേജിപ്പിക്കുന്ന ഭക്ഷണങ്ങൾ പിസിഒഎസിനുള്ള ഏറ്റവും മോശമായ ഭക്ഷണമാണ്. പിസിഒഎസ് സമയത്ത് ഒഴിവാക്കേണ്ട ഭക്ഷണങ്ങൾ ഏതൊക്കെയാണെന്ന് നോക്കാം.
ഹോർമോണുകളുടെ അളവ് തടസ്സപ്പെടുത്തുകയും രക്തത്തിലെ പഞ്ചസാരയുടെ അളവ് വർദ്ധിപ്പിക്കുകയും ചെയ്യുന്ന, കോശജ്വലന പ്രക്രിയയെ ഉത്തേജിപ്പിക്കുന്ന ഭക്ഷണങ്ങൾ പിസിഒഎസിനുള്ള ഏറ്റവും മോശമായ ഭക്ഷണമാണ്. പിസിഒഎസ് സമയത്ത് ഒഴിവാക്കേണ്ട ഭക്ഷണങ്ങളുടെ ഒരു ലിസ്റ്റ് ഇതാ.
കാപ്പി അല്ലെങ്കിൽ കഫീൻ അടങ്ങിയ പാനീയങ്ങൾ
കാപ്പിയിൽ കഫീൻ അടങ്ങിയിരിക്കുന്നു. കഫീന്റെ ഉപഭോഗം ശരീരത്തിലെ ഈസ്ട്രജൻ ഹോർമോണിന്റെ (സ്ത്രീ ഹോർമോൺ) അളവ് ഉയർത്തുന്നു. പിസിഒഎസിൽ, ഹോർമോൺ അളവ് ഇതിനകം അസന്തുലിതമാണ്. കാപ്പിയുടെ അളവ് കൂടുന്നത് ഈ അവസ്ഥയെ കൂടുതൽ സങ്കീർണ്ണമാക്കും. കാപ്പിയും കഫീൻ അടങ്ങിയ പാനീയങ്ങളും ഒഴിവാക്കുന്നതാണ് നല്ലത്.
പാൽ ഉത്പന്നങ്ങൾ
ആൻഡ്രോജൻ ഹോർമോണുകളുടെ ഉത്പാദനം വർധിപ്പിക്കുന്ന ചില രാസവസ്തുക്കൾ പാലിൽ അടങ്ങിയിട്ടുണ്ട്. ഈസ്ട്രജൻ (സ്ത്രീ ഹോർമോൺ) ഉൽപ്പാദിപ്പിക്കുന്നതിന് ആൻഡ്രോജൻ സഹായിക്കുന്നു. ഈസ്ട്രജന്റെ അളവ് ക്രമാതീതമായി കൂടുന്നത് പിസിഒഎസിന്റെ തീവ്രതയിലേക്ക് നയിച്ചേക്കാം. പാൽ, പാൽ ഉൽപന്നങ്ങളായ ചീസ്, തൈര്, ഐസ്ക്രീം എന്നിവ പിസിഒഎസുള്ള സ്ത്രീകൾ ഒഴിവാക്കണം.
മദ്യം
നിങ്ങൾക്ക് പിസിഒഎസ് ഉണ്ടെങ്കിൽ മദ്യം പൂർണ്ണമായും ഒഴിവാക്കണമെന്ന് ഡോക്ടർമാർ ആവശ്യപ്പെടുന്നു. മദ്യപാനം ടെസ്റ്റോസ്റ്റിറോൺ ഹോർമോണുകളുടെ അളവ് വർദ്ധിപ്പിക്കുകയും അണ്ഡോത്പാദനത്തിന് ആവശ്യമായ ഹോർമോണുകളെ തടസ്സപ്പെടുത്തുകയും ചെയ്യും. ഇത് രക്തത്തിലെ പഞ്ചസാരയുടെ അളവ് കുറയ്ക്കുകയും ഭക്ഷണത്തോടുള്ള ആസക്തി വർദ്ധിപ്പിക്കുകയും ചിലരിൽ ശരീരഭാരം വർധിപ്പിക്കുകയും പോഷകാഹാരക്കുറവ് ഉണ്ടാക്കുകയും ചെയ്യുന്നു. ഇത് ചിലരിൽ മൈഗ്രെയിന് കാരണമാകും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
