നമ്മുടെ ആരോഗ്യത്തിന് ഗുണം ചെയ്യുന്ന ഒരു മികച്ച ഭക്ഷണമാണ് നെയ്യ്. ആയുർവേദ പ്രകാരം, ഔഷധ ഗുണങ്ങൾ ഏറെ ഉള്ളതിനാൽ മഞ്ഞുകാലത്ത് ഹെർബൽ മരുന്നുകളോടൊപ്പം നെയ്യും ഉപയോഗിക്കുന്നു. പക്ഷേ നെയ്യ് എല്ലാവർക്കും ഒരുപോലെ പ്രയോജനകരമാണോ?
നെയ്യ് കഴിക്കുന്നത് ആരോഗ്യത്തിന് നല്ലതാണെങ്കിലും അത് എല്ലാവർക്കും ഗുണകരമല്ലെന്നാണ് പറയുന്നത്. നെയ്യിൽ വലിയ അളവിൽ വിറ്റാമിൻ ഇ അടങ്ങിയിട്ടുണ്ട്. വിറ്റാമിൻ ഇ ശരീരത്തിൽ ഒരു ആന്റിഓക്‌സിഡന്റായാണ് പ്രവർത്തിക്കുന്നത്. എങ്കിലും നെയ്യ് കഴിക്കുന്നത് ചിലർക്ക് പ്രശ്‌നങ്ങൾ ഉണ്ടാക്കും. അത്തരമൊരു സാഹചര്യത്തിൽ, നെയ്യ് കഴിക്കാൻ പാടില്ലാത്തവർ ആരൊക്കെയെന്ന് നോക്കാം.
1) വയറിന് പ്രശ്‌നങ്ങളുണ്ടെങ്കിൽ നെയ്യ് കഴിക്കരുത്. നെയ്യ് കഴിക്കുന്നത് വയറുമായി ബന്ധപ്പെട്ട പ്രശ്നങ്ങൾക്കുള്ള സാധ്യത വർദ്ധിപ്പിക്കുന്നു.
2) നെയ്യ് കഴിക്കുന്നത് ശരീരത്തിൽ കഫം വർദ്ധിപ്പിക്കുന്നു, അതിനാൽ ജലദോഷം, ചുമ, പനി എന്നിവയുള്ള സമയത്ത് നെയ്യ് കഴിക്കുന്നത് അസുഖം കൂട്ടാൻ സാധ്യതയുണ്ട്. അതുകൊണ്ടാണ് ജലദോഷവും ചുമയും ഉള്ളപ്പോൾ നെയ്യ് കഴിക്കുന്നത് ഒഴിവാക്കണമെന്ന് വിദഗ്ധർ പറയുന്നത്.
3) നെയ്യിൽ ധാരാളം പോഷകങ്ങൾ അടങ്ങിയിട്ടുണ്ട്. അമ്മയ്ക്കും വയറ്റിൽ വളരുന്ന കുഞ്ഞിനും ഇത് പ്രയോജനകരമാണെങ്കിലും ഗർഭിണിയായ സ്ത്രീക്ക് ജലദോഷമോ വയറുവേദനയോ പോലുള്ള അവസ്ഥ അനുഭവപ്പെടുകയാണെങ്കിൽ നെയ്യ് കഴിക്കരുത്.
4) കരൾ സംബന്ധമായ പ്രശ്‌നങ്ങളുണ്ടെങ്കിൽ, അത്തരം സന്ദർഭങ്ങളിൽ നെയ്യ് കഴിക്കരുത്. ഇത് നിങ്ങളുടെ സ്ഥിതി കൂടുതൽ വഷളാക്കും.
നെയ്യ് കഴിക്കുന്നതിന്റെ ഗുണങ്ങൾ- നെയ്യിൽ ആന്റി-ഏജിംഗ് പ്രോപ്പർട്ടികൾ ഉണ്ട്. ഇത് ചർമ്മത്തിന് വളരെ നല്ലതാണ്. കണ്ണുകൾക്കും നെയ്യ് വളരെ നല്ലതാണ്. ഇത് കഴിക്കുന്നതിലൂടെ ഓർമ്മശക്തി വർദ്ധിക്കുന്നു. ദഹനത്തിനും നെയ്യ് മികച്ചതാണ്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
