EID Al Fitr 2023: ബക്രീദിന് തയ്യാറാക്കാം ഹെൽത്തി ഡെസേർട്ടുകൾ വളരെ എളുപ്പത്തിൽ

ലോകമെമ്പാടും ആഘോഷിക്കപ്പെടുന്ന ഒരു മുസ്ലീം ആഘോഷമാണ് ബക്രീദ് എന്നറിയപ്പെടുന്ന ഈദുൽ ഫിത്വ‍ർ. കുടുംബത്തോടും സുഹൃത്തുക്കളോടും ഒപ്പം സ്വാദിഷ്ടമായ ഭക്ഷണം കഴിക്കുകയും ആഘോഷിക്കുകയും ചെയ്യുന്ന അവസരമാണിത്. മധുരപലഹാരങ്ങൾ ഈദ് ആഘോഷത്തിന്റെ അനിവാര്യ ഘടകമാണ്. എന്നാൽ, അവയിൽ ഉയർന്ന കലോറിയും പഞ്ചസാരയും അടങ്ങിയിരിക്കാം. അതിനാൽ അമിതമായി മധുരം അടങ്ങിയിട്ടില്ലാത്ത ആരോ​ഗ്യകരമായ ഡെസേർട്ടുകൾ തയ്യാറാക്കുന്നത് എങ്ങനെയാണെന്ന് നോക്കാം.

ഈന്തപ്പഴം ബദാം ബോൾസ്

റമദാനിലും ഈദിലും കഴിക്കുന്ന പരമ്പരാഗത ഭക്ഷണമാണ് ഈന്തപ്പഴം. നാരുകളുടെയും പ്രകൃതിദത്ത പഞ്ചസാരയുടെയും മികച്ച ഉറവിടം കൂടിയാണിത്. ഈന്തപ്പഴം ബദാം ബോൾസ് തയ്യാറാക്കുന്നത് എങ്ങനെയെന്ന് നോക്കാം.

- 1 കപ്പ് ഈന്തപ്പഴം
- 1 കപ്പ് ബദാം
- 1 ടീസ്പൂൺ വാനില എക്സ്ട്രാക്റ്റ്
- 1 ടീസ്പൂൺ തേൻ
- 1/4 ടീസ്പൂൺ ഉപ്പ്
- 1/4 കപ്പ് ചിരകിയ തേങ്ങ

ഈന്തപ്പഴം, ബദാം, വാനില എക്സ്ട്രാക്‌റ്റ്, തേൻ, ഉപ്പ് എന്നിവ യോജിപ്പിക്കുക. ഈ മിശ്രിതം ചെറിയ ഉരുളകളാക്കി ചിരകിയ തേങ്ങയിൽ പൊതിയുക. വിളമ്പുന്നതിന് 30 മിനിറ്റ് മുമ്പെങ്കിലും ഫ്രിഡ്ജിൽ വച്ച് തണുപ്പിക്കുക.

2. മാമ്പഴം തൈര് പർഫെയ്റ്റ്

വളരെ രുചികരവും പോഷകപ്രദവുമായ ഫലമാണ് ഫലമാണ് മാമ്പഴം. മാമ്പഴവും തൈരും ഉപയോ​ഗിച്ചുള്ള ഈ വിഭവം തയ്യാറാക്കാൻ വളരെ എളുപ്പമാണ്.

- 1 പഴുത്ത മാമ്പഴം, തൊലികളഞ്ഞത്, അരിഞ്ഞത്
- 1 കപ്പ് ഗ്രീക്ക് തൈര്
- 1 ടീസ്പൂൺ തേൻ
- 1/2 കപ്പ് ഗ്രാനോള

ഒരു പാത്രത്തിൽ, ഗ്രീക്ക് തൈരും തേനും നന്നായി യോജിക്കുന്നതുവരെ ഇളക്കുക. കഷ്ണങ്ങളായി അരിഞ്ഞുവച്ച മാമ്പഴം​ ​ഗ്രാനോളയിൽ മിക്സ് ചെയ്ത് മുകളിൽ തൈരും തേനും ചേർത്ത മിശ്രിതം ഒഴിച്ച് വിളമ്പാം.

3. ബേക്ക്ഡ് ആപ്പിൾ

ആപ്പിൾ നാരുകളുടെയും ആന്റിഓക്‌സിഡന്റുകളുടെയും മികച്ച ഉറവിടമാണ്. ആപ്പിളും കറുവപ്പട്ടയും ചേർത്ത ഈ പാചകക്കുറിപ്പ് വളരെ ലളിതവും രുചികരവുമാണ്.

- 4 ആപ്പിൾ, അരിഞ്ഞത്
- 1 ടീസ്പൂൺ കറുവപ്പട്ട
- 1 ടീസ്പൂൺ തേൻ
- 1/4 കപ്പ് വാൽനട്ട് അരിഞ്ഞത്

ഓവൻ 375°F ചൂടാക്കുക. ഒരു പാത്രത്തിൽ അരിഞ്ഞ ആപ്പിൾ, കറുവപ്പട്ട, തേൻ എന്നിവ നന്നായി യോജിപ്പിക്കുക. ഈ മിശ്രിതം ഒരു ബേക്കിംഗ് പാത്രത്തിലേക്ക് മാറ്റി, അരിഞ്ഞ വാൽനട്ട് കൂടി ചേർത്ത് 25-30 മിനിറ്റ് ബേക്ക് ചെയ്യണം. ആപ്പിൾ മൃദുവും സ്വർണ്ണനിറവും ആകുന്നതാണ് ഇതിന്റെ പാകം.

4. ചോക്കലേറ്റ് ചിയ പുഡിങ്

ചിയ വിത്തുകൾ പ്രോട്ടീനുകളുടെയും നാരുകളുടെയും മികച്ച ഉറവിടമാണ്. കൂടാതെ അവ ആന്റിഓക്‌സിഡന്റുകളാലും സമ്പന്നമാണ്. ഈ റെസിപ്പി വളരെ രുചികരവും എളുപ്പവുമാണ്.

- 1/4 കപ്പ് ചിയ വിത്തുകൾ
- 1 കപ്പ് മധുരമില്ലാത്ത ബദാം പാൽ
- 1 ടീസ്പൂൺ മധുരമില്ലാത്ത കൊക്കോ പൗഡർ
- 1 ടീസ്പൂൺ തേൻ
- 1/2 ടീസ്പൂൺ വാനില എക്സ്ട്രാക്റ്റ്

ഒരു പാത്രത്തിൽ, ചിയ വിത്ത്, ബദാം പാൽ, കൊക്കോ പൗഡർ, തേൻ, വാനില എക്സ്ട്രാക്‌റ്റ് എന്നിവ നന്നായി യോജിപ്പിക്കുന്നതുവരെ അടിക്കുക. കുറഞ്ഞത് 2 മണിക്കൂർ അല്ലെങ്കിൽ ഒറ്റരാത്രികൊണ്ട് മൂടി ഫ്രിഡ്ജിൽ വയ്ക്കുക. ശീതീകരിച്ച് മുകളിൽ നിങ്ങളുടെ പ്രിയപ്പെട്ട പഴങ്ങളോ പരിപ്പുകളോ ഉപയോഗിച്ച് വിളമ്പുക.

5. ഗ്രീൻ ടീ ഐസ്ക്രീം

ഗ്രീൻ ടീ ആരോ​ഗ്യകരമായ പാനീയമാണ്. കൂടാതെ ഇത് ആന്റിഓക്‌സിഡന്റുകളുടെ മികച്ച ഉറവിടമാണ്. ഇത് ആരോ​ഗ്യകരമായ ഒരു ഐസ്ക്രീം വിഭവമാണ്.

- 2 കപ്പ് ബദാം മിൽക്ക്
- 2 ടീസ്പൂൺ ഗ്രീൻ ടീ പൊടി
- 1/4 കപ്പ് തേൻ
- 1 ടീസ്പൂൺ വാനില എക്സ്ട്രാക്റ്റ്

ഒരു ബ്ലെൻഡറിൽ, ബദാം മിൽക്ക്, ഗ്രീൻ ടീ പൊടി, തേൻ, വാനില എക്സ്ട്രാക്റ്റ് എന്നിവ യോജിപ്പിച്ചെടുക്കുക. ഈ മിശ്രിതം ഐസ്ക്രീമുമായി യോജിപ്പിച്ച് കഴിക്കാവുന്നതാണ്.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...