പഴങ്ങൾ ആരോഗ്യകരമാണെന്ന് കരുതപ്പെടുന്നുണ്ടെങ്കിലും അവയിൽ ചിലത് വളരെ മധുരമുള്ളതോ ഉയർന്ന കലോറി ഉള്ളതോ ആണ്. ശരീരഭാരം കുറയ്ക്കാൻ ആഗ്രഹിക്കുന്നവർ അവരുടെ ഡയറ്റിൽ ഇനി പറയുന്ന പഴങ്ങൾ ഉൾപ്പെടുത്തുകയോ അമിതമായി കഴിക്കുകയോ ചെയ്യുന്നുണ്ടെങ്കിൽ അത് നിങ്ങളുടെ ഭാരം കുറയ്ക്കുന്ന പ്രക്രിയയെ മിതഗതിയിലാക്കും. അതിനാൽ ഭാരം കുറയ്ക്കാൻ ആഗ്രഹിക്കുന്നവർ ഇനി പറയുന്ന പഴങ്ങൾ അമിതമായി കഴിക്കരുത്.
ശരീരഭാരം കുറയ്ക്കുമ്പോൾ ശ്രദ്ധിക്കേണ്ട കാര്യങ്ങൾ
ശരീരഭാരം കുറയ്ക്കാൻ ക്ഷമയും കഠിനാധ്വാനവും ആവശ്യമാണ്. ശരീരഭാരം കുറയ്ക്കാൻ ആഗ്രഹിക്കുന്നുവെങ്കിൽ, നിങ്ങൾ കൂടുതൽ വ്യായാമങ്ങളും പരിശ്രമങ്ങളും ചെയ്യേണ്ടതുണ്ട്. ആരോഗ്യകരമായ ഭക്ഷണം കഴിക്കുക എന്നതാണ് ഏറ്റവും പ്രധാനപ്പെട്ട കാര്യം. കഴിക്കുന്ന ഭക്ഷണത്തിലെ കലോറിയുടെ അളവും അതിനനുസരിച്ച് മിതപ്പെടുത്തേണ്ടതുണ്ട്. അതിനർത്ഥം പട്ടിണി കിടന്ന് ഭാരം കുറയ്ക്കുക എന്നല്ല. ശരിയായ അളവിൽ ഭക്ഷണവും അതിനനുസരിച്ച് വെള്ളവും കുടിക്കണം. അതായത് നിങ്ങൾക്ക് ആവശ്യമായ പോഷകങ്ങൾ ലഭിക്കുന്നുണ്ടെന്ന് ഉറപ്പ് വരുത്തേണ്ടത് അനിവാര്യമാണ്.
ധാന്യങ്ങൾ, മെലിഞ്ഞ മാംസം, പരിപ്പ്, വിത്തുകൾ, കൊഴുപ്പ് കുറഞ്ഞ പാലുൽപ്പന്നങ്ങൾ, പഴങ്ങളും പച്ചക്കറികളും എന്നിവ അടങ്ങിയ ഭക്ഷണം കഴിക്കുന്നത് ആരോഗ്യകരമായ രീതിയിൽ ശരീരഭാരം കുറയ്ക്കാനുള്ള നല്ലൊരു വഴിയാണ്. എന്നാൽ ശരീരഭാരം കുറയ്ക്കാനുള്ള യാത്രയിൽ പഴങ്ങൾ അധികം കഴിക്കാതിരിക്കുന്നതാണ് നല്ലത്. അവ ആരോഗ്യകരമായി കണക്കാക്കപ്പെടുന്നുണ്ടെങ്കിലും, ചില പഴങ്ങൾ ഫലപ്രദമായി ശരീരഭാരം കുറയ്ക്കാൻ സഹായിക്കുന്ന ഭക്ഷണങ്ങളുടെ പട്ടികയിൽ ഉൾപ്പെടുന്നില്ല.
ശരീരഭാരം കുറയ്ക്കാൻ കഴിക്കാൻ പാടില്ലാത്ത പഴങ്ങൾ
1. അവോക്കാഡോ
ഏറ്റവും കൊഴുപ്പുള്ളതും മധുരമുള്ളതുമായ പഴങ്ങളിൽ ഒന്നാണ് അവക്കാഡോ. 100 ഗ്രാം അവോക്കാഡോയിൽ 150 ഗ്രാം വരെ കൊഴുപ്പ് അടങ്ങിയിട്ടുണ്ട്. എങ്കിലും നല്ല കൊഴുപ്പ് അടങ്ങിയിട്ടുള്ളതിനാൽ തടി കൂട്ടാൻ ആഗ്രഹിക്കുന്നവർ ഈ പഴം തിരഞ്ഞെടുക്കുന്നു. ഈ പഴം അമിതമായി കഴിക്കുന്നത് ശരീരഭാരം വർദ്ധിപ്പിക്കും. ഭക്ഷണ പട്ടികയിൽ നിന്ന് പൂർണ്ണമായും ഒഴിവാക്കേണ്ട ആവശ്യമില്ല. ഈ പഴം ഇടയ്ക്കിടെ ചെറിയ അളവിൽ കഴിക്കാം.
ALSO READ: കണ്ണിനും ഹൃദയത്തിനും...10 വിറ്റാമിൻ ഇ സമ്പന്നമായ ഭക്ഷണങ്ങൾ പരിചയപ്പെടാം
2. തേങ്ങ
തേങ്ങയിൽ ശരീരത്തിന് ഗുണം ചെയ്യുന്ന നിരവധി പദാർത്ഥങ്ങളുണ്ട്. എന്നിരുന്നാലും, നിങ്ങൾ ഇത് വലിയ അളവിൽ കഴിച്ചാൽ അത് ശരീരത്തിൽ കൊഴുപ്പ് അടിഞ്ഞുകൂടാൻ ഇടയാക്കുമെന്ന് ഡോക്ടർമാർ മുന്നറിയിപ്പ് നൽകുന്നു. ഇതിൽ ധാരാളം പഞ്ചസാര അടങ്ങിയിട്ടുണ്ടെങ്കിലും, ശരീരത്തിൽ കൊഴുപ്പ് അടിഞ്ഞുകൂടുന്നതിന് കാരണമായി കണക്കാക്കപ്പെടുന്നു.
3. ഉണങ്ങിയ പഴങ്ങൾ
ഡ്രൈ ഫ്രൂട്ട്‌സും നട്‌സും ആരോഗ്യം നിലനിർത്താനുള്ള നല്ലൊരു വഴിയാണ്. ഇവയിൽ സാധാരണ പഴങ്ങളേക്കാൾ അല്പം കൂടുതൽ കൊഴുപ്പ് അടങ്ങിയിട്ടുണ്ട്. ഒരു ഗ്രാം ഉണക്ക മുന്തിരിയിൽ 150ലധികം കലോറി അടങ്ങിയിട്ടുണ്ടെന്ന് കണ്ടെത്തിയിട്ടുണ്ട്. ശരീരഭാരം കുറയ്ക്കാൻ ഭക്ഷണ സമയത്ത് ഡ്രൈ ഫ്രൂട്ട്സ് കഴിക്കാം. എന്നാൽ അവ ഒരു നിശ്ചിത അളവിൽ ആയിരിക്കണം. ഇത് അധികമായാൽ ഭക്ഷണവും വ്യായാമവും എല്ലാം വെറുതെയാകുമെന്നാണ് ഡോക്ടർമാർ പറയുന്നത്.
4. വാഴപ്പഴം
ഏത്തപ്പഴം നാരുകളാൽ സമ്പുഷ്ടമാണെന്നും ദഹനത്തെ സഹായിക്കുമെന്നും എല്ലാവർക്കും അറിയാം. എന്നാൽ ഇത് ശരീരഭാരം കൂട്ടുമെന്ന് പലർക്കും അറിയില്ല എന്നതാണ് സത്യം. ഒരു വാഴപ്പഴത്തിൽ 37.5 ഗ്രാം കാർബോഹൈഡ്രേറ്റ് അടങ്ങിയിട്ടുണ്ടെന്ന് മെഡിക്കൽ ഗവേഷണം കണ്ടെത്തി. ദിവസവും കഴിക്കാവുന്ന ആരോഗ്യകരമായ ലഘുഭക്ഷണങ്ങളിൽ ഒന്നാണ് ഏത്തപ്പഴം. എന്നാൽ അമിതമാകരുത്.
5. മാമ്പഴം
വേനൽക്കാലത്ത് ഏറ്റവും സാധാരണമായ പഴങ്ങളായ മാമ്പഴങ്ങളിലും പൈനാപ്പിളിലും അദൃശ്യമായ കൊഴുപ്പുകൾ അടങ്ങിയിട്ടുണ്ട് . ഈ പഴങ്ങൾ വളരെ മധുരമുള്ളതിനാൽ, അവ ശരീരഭാരം കൂട്ടാൻ ഇടയാക്കുമെന്ന് ഡോക്ടർമാർ മുന്നറിയിപ്പ് നൽകുന്നു. ഒന്നോ രണ്ടോ കഷണങ്ങൾ ഒരു ദോഷവും വരുത്തുന്നില്ലെങ്കിലും, ഇത് അമിതമായി കഴിക്കുന്നത് ശരീരത്തിന് ദോഷകരമാണെന്ന് മെഡിക്കൽ വിദഗ്ധർ പറയുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
