Bank Holiday Alert: RBI കലണ്ടർ അനുസരിച്ച്, ഇന്ത്യയിലെ പൊതു, സ്വകാര്യ മേഖലാ ബാങ്കുകൾക്ക് ഏപ്രിൽ 21, 22 തിയതികളില്‍ ഈദുൽ ഫിതർ, പ്രമാണിച്ച് അവധിയായിരിയ്ക്കും.
റംസാന്‍ പ്രമാണിച്ച് ഏപ്രിൽ 21, 22 തീയതികളിൽ പൊതു, സ്വകാര്യ മേഖലാ ബാങ്കുകൾ അടച്ചിട്ടിരിക്കുമെന്ന് റിസർവ് ബാങ്ക് ഓഫ് ഇന്ത്യ (ആർബിഐ) ബാങ്ക് അറിയിച്ചു. ഔദ്യോഗിക അവധി അനുസരിച്ച് ഈ വർഷം, ഈദ്-ഉൽ-ഫിത്തറിന്‍റെ ബാങ്ക് അവധി മാസത്തിലെ നാലാമത്തെ ശനിയാഴ്ചയാണ്, അത് ബാങ്ക് അവധി ദിനമാണ്.
ആർബിഐ ബാങ്ക് അവധികളെ രണ്ട് വിഭാഗങ്ങളായി തിരിച്ചിട്ടുണ്ട് - ദേശീയ അവധി ദിനങ്ങൾ, സർക്കാർ അവധികൾ. ദേശീയ അവധികളിൽ മൂന്ന് പ്രധാന ദിവസങ്ങൾ ഉൾപ്പെടുന്നു: റിപ്പബ്ലിക് ദിനം, സ്വാതന്ത്ര്യദിനം, ഗാന്ധി ജയന്തി. ഈ ദിവസങ്ങളിൽ ബാങ്കുകളും ധനകാര്യ സ്ഥാപനങ്ങളും പ്രവര്‍ത്തിക്കില്ല.
Alo Read: Salary Account Benefits: സാലറി അക്കൗണ്ട് ഉള്ളവരാണോ? എങ്കില്‍ ഈ നേട്ടങ്ങൾ അറിയാതെ പോകരുത്
മറുവശത്ത്, സർക്കാർ അവധികളെ സംസ്ഥാന സർക്കാർ ബാങ്ക് അവധികൾ, കേന്ദ്ര സർക്കാർ ബാങ്ക് അവധികൾ എന്നിങ്ങനെ രണ്ടായി തിരിച്ചിരിക്കുന്നു. കേന്ദ്ര സർക്കാർ നല്‍കുന്ന ബാങ്ക് അവധികൾ രാജ്യത്തുടനീളം ബാധകമാണ്. അതേസമയം സംസ്ഥാന സർക്കാർ പ്രഖ്യാപിക്കുന്ന ബാങ്ക് അവധികൾ അതാത് സംസ്ഥാനങ്ങൾക്ക് ബാധകമാണ്.
ദേശീയ, സർക്കാർ അവധി ദിനങ്ങൾക്കൊപ്പം, ഇന്ത്യയിലെ ബാങ്കുകളും ഓരോ മാസവും രണ്ടാമത്തെയും നാലാമത്തെയും ശനിയാഴ്ചകളിൽ അവധിയായിരിക്കും. ഒരു പ്രത്യേക മാസത്തിൽ അഞ്ച് ശനിയാഴ്ചകളുണ്ടെങ്കിൽ, അഞ്ചാം ശനിയാഴ്ച ബാങ്കുകൾക്ക് പ്രവൃത്തി ദിവസമാണ്.
ഈദ്-ഉൽ-ഫിത്തര്‍ പ്രമാണിച്ച് ഏപ്രിൽ 21-ന് ബാങ്കുകൾ അടച്ചിടുന്ന നഗരങ്ങളുടെ പട്ടിക ചുവടെ:-
അഗർത്തല, ജമ്മു, കൊച്ചി, ശ്രീനഗർ, തിരുവനന്തപുരം
ഈദ്-ഉൽ-ഫിത്തര്‍ പ്രമാണിച്ച് ഏപ്രിൽ 22-ന് ബാങ്കുകൾ അടച്ചിടുന്ന നഗരങ്ങളുടെ പട്ടിക ചുവടെ:-
ബേലാപൂർ, ഭോപ്പാൽ, ചെന്നൈ, ഡെറാഡൂൺ, ഗുവാഹത്തി, ഹൈദരാബാദ്, ആന്ധ്രാപ്രദേശ്, ഹൈദരാബാദ്, തെലങ്കാന, ഇംഫാൽ, ജയ്പൂർ, ജമ്മു, കാൺപൂർ, കൊൽക്കത്ത, ലഖ്‌നൗ, മുംബൈ, നാഗ്പൂർ, ന്യൂ ഡെൽഹി, പനാജി, പട്ന, റായ്പൂർ, റാഞ്ചി, ഷില്ലോങ്, ശ്രീനഗർ
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
