KTM Entry Level 390: കെടിഎം ഇന്ത്യയുടെ എൻട്രി ലെവൽ 390 വരുന്നു, 2.8 ലക്ഷം രൂപ മുതൽ

ന്യൂഡൽഹി:  കെടിഎം ഇന്ത്യയുടെ എൻട്രി ലെവൽ 390 അഡ്വഞ്ചർ ബൈക്ക് ഇന്ത്യൻ വിപണിയിൽ അവതരിപ്പിച്ചു. 2.8 ലക്ഷം രൂപ എക്സ് ഷോറും വിലയുള്ള വാഹനമാണിത്. നിലവിലെ മോഡലിനേക്കാൾ 58,000 രൂപ കുറവാണ് ഇതിന്. എങ്കിലും മറ്റ് സവിശേഷതകളൊന്നും തന്നെ ഇതിനില്ല.

കെടിഎം അഡ്വഞ്ചർ എക്‌സിലെ കളർ ടിഎഫ്ടി ഇൻസ്ട്രുമെന്റ് ക്ലസ്റ്ററിന് പകരം 250 അഡ്വഞ്ചറിന്റെ എൽസിഡി യൂണിറ്റ് നൽകിയിട്ടുണ്ട്. ഡ്യുവൽ-ചാനൽ എബിഎസ് സിസ്റ്റം ഘടിപ്പിച്ച ഫ്രണ്ട്, റിയർ ഡിസ്‌ക് ബ്രേക്കുകൾ, സ്വിച്ചബിൾ ഫംഗ്‌ഷനോട് കൂടി ബൈക്കിൽ നിലനിർത്തിയിട്ടുണ്ട്

ഈ സവിശേഷതകളും

കോർണറിംഗ് എബിഎസ്, ക്വിക്ക്ഷിഫ്റ്റർ, ട്രാക്ഷൻ കൺട്രോൾ തുടങ്ങിയ നിരവധി ഇലക്ട്രോണിക് എയ്ഡുകളും ചെലവ് ഗണ്യമായി കുറയ്ക്കാൻ വേരിയന്റിൽ ഇറക്കിയിട്ടുണ്ട്. എൽഇഡി ഹെഡ്‌ലാമ്പുകൾ, എൽഇഡി ടേൺ സിഗ്നലുകൾ, എൽഇഡി ടെയിൽ ലാമ്പുകൾ, ബോഡി പാനലുകൾ എന്നിവ അതേപടി നിലനിൽക്കുന്നതിനാൽ നിലവിലെ വേരിയന്റുമായി താരതമ്യപ്പെടുത്തുമ്പോൾ കെടിഎം 390 അഡ്വഞ്ചർ എക്‌സിന്റെ ഡിസൈൻ ഫ്രണ്ടിൽ വ്യത്യാസമില്ല.

റോയൽ എൻഫീൽഡ് ഹിമാലയൻ

ഈ മോഡലിന് റോയൽ എൻഫീൽഡ് ഹിമാലയനേക്കാൾ 65,000 രൂപ കൂടുതലാണ്. ഡ്യുവൽ പർപ്പസ് അഡ്വഞ്ചർ ടൂറിംഗ് സെഗ്‌മെന്റ് നിരവധി പുതിയ മോട്ടോർസൈക്കിളുകളുടെ വരവിനായി കാത്തിരിക്കുകയാണ് വാഹനം ലോകം. അത് കൊണ്ട് തന്നെ ഹീറോ മോട്ടോകോർപ്പ് അടുത്ത വർഷം XPulse 400 പുറത്തിറക്കാൻ സാധ്യതയുണ്ട്. റോയൽ എൻഫീൽഡ് ഹിമാലയൻ 450യും ഈ വർഷം തന്നെ പുറത്തിറങ്ങും.