FD Interest Rates: റിസർവ് ബാങ്ക് ഓഫ് ഇന്ത്യയുടെ പണനയ അവലോകന യോഗം തീരുമാനം പുറത്തുവന്നു. റിപ്പോ നിരക്കിൽ തൽസ്ഥിതി തുടരാൻ ആർബിഐ തീരുമാനിച്ച സാഹചര്യത്തില്‍ ബാങ്കുകള്‍ സ്ഥിര നിക്ഷേപങ്ങളുടെ പലിശ നിരക്കിൽ വ്യത്യാസം വരുത്താനുള്ള സാധ്യത ഏറെയാണ്‌.
Also Read: RBI Governor on 2000 Note: എന്തുകൊണ്ടാണ് സർക്കാർ 2000 രൂപയുടെ നോട്ടുകള്‍ പിന്‍വലിച്ചത്? ആർബിഐ ഗവർണർ പറയുന്നു
മുന്‍പ് നടന്ന രണ്ട് പണനയ അവലോകന യോഗത്തിലും റിപ്പോ നിരക്കിൽ മാറ്റം വരുത്തിയിരുന്നില്ല, ഈ അവസരത്തില്‍ പല ബാങ്കുകളും പലിശ നിരക്ക് കുറച്ചിരുന്നു. റിപ്പോ നിരക്ക് മാറ്റമില്ലാതെ തുടരുന്ന സാഹചര്യത്തില്‍ ഇത് സ്ഥിര നിക്ഷേപങ്ങളുടെ പലിശ കുറയ്ക്കാന്‍ ബാങ്കുകളെ പ്രേരിപ്പിക്കാം. ആക്സിസ് ബാങ്ക്, പാഞ്ചാബ് നാഷണൽ ബാങ്ക്, ബാങ്ക് ഓഫ് ഇന്ത്യ എന്നിവ അടക്കം അടക്കം 5 ബാങ്കുകളാണ് രണ്ട് മാസത്തിനിടെ സ്ഥിര നിക്ഷേപ പലിശ നിരക്ക് കുറച്ചത്.
നിങ്ങള്‍ ഒരു സ്ഥിര നിക്ഷേപം ആരംഭിക്കാന്‍ ആഗ്രഹിക്കുന്നുവെങ്കില്‍ ഉടന്‍ ആരംഭിക്കുന്നതാണ് ഉചിതം. അതിനായി നിലവില്‍ സ്ഥിര നിക്ഷേപങ്ങള്‍ക്ക് ഏറ്റവും കൂടുതല്‍ പലിശ നല്‍കുന്ന 5 ബാങ്കുകളെപ്പറ്റി അറിയാം.
ഡിസിബി ബാങ്ക്
സ്ഥിര നിക്ഷേപത്തിന് ഏറ്റവും മികച്ച പലിശ നല്‍കുന്നത് ഡിസിബി ബാങ്കാണ്. 6 മാസം മുതല്‍ 1 വര്‍ഷത്തില്‍ താഴെ 6.25%- 7.25% വരെയാണ് ബാങ്ക് നല്‍കുന്ന പ,ലിഷ നിരക്ക്. 1 വര്‍ഷം മുതല്‍ 2 വര്‍ഷത്തില്‍ താഴെ 7.25- 8% പലിശ ലഭിക്കും. 3 വര്‍ഷത്തില്‍ താഴെ 8%വും 5 വര്‍ഷത്തില്‍ താഴെയാണെങ്കില്‍ 7.75-8% വും പലിശ ലഭിക്കും, 5 വര്‍ഷത്തിന് മുകളില്‍ 7.75% ആണ് പലിശ നിരക്ക്.
ഇൻഡസ് ഇൻഡ് ബാങ്ക്
ഇന്‍ഡസ്ഇന്‍ഡ് ബാങ്കിലും മികച്ച പലിശ നേടാന്‍ സാധിക്കും. സ്ഥിര നിക്ഷേപത്തിന് 7.75 ശതമാനം പലിശ 1 വര്‍ഷം മുതല്‍ 2 വര്‍ഷത്തേക്ക് ലഭിക്കും. 3 വര്‍ഷത്തില്‍ താഴെ 7.50- 7.75% പലിശയും 5 വര്‍ഷത്തില്‍ താഴെ 7- 7.25% പലിശയും ലഭിക്കും. 5 വര്‍ഷത്തിന് മുകളില്‍ 7-7.25% ആണ് പലിശ നിരക്ക്.
ഐഡിഎഫ്സി ഫസ്റ്റ് ബാങ്ക്
ഐഡിഎഫ്സി ഫസ്റ്റ് ബാങ്കില്‍ 1 വര്‍ഷം മുതല്‍ 2 വര്‍ഷത്തില്‍ താഴെ 7.25- 7.75% പലിശയാണ് ലഭിക്കുക. 3 വര്‍ഷത്തില്‍ താഴെ 7.25%, 5 വര്‍ഷത്തില്‍ താഴെ 7- 7.25% പലിശയും ലഭിക്കും. 5 വര്‍ഷത്തിന് മുകളില്‍ 7% പലിശ നേടാം
ആര്‍ബിഎല്‍ ബാങ്ക്
ആർബിഎൽ ബാങ്കിൽ 1 വര്‍ഷം മുതല്‍ 2 വര്‍ഷത്തില്‍ താഴെ 7- 7.80% പലിശ ലഭിക്കും. 3 വര്‍ഷത്തില്‍ താഴെ 7.50 ശതമാനവും 5 വര്‍ഷത്തേക്ക് 7.10 ശതമാനം പലിശയുമാണ്‌ ലഭിക്കുക.
യെസ് ബാങ്ക്
യെസ് ബാങ്ക് 6 മാസം മുതല്‍ 1 വര്‍ഷത്തില്‍ താഴെ 5-6.35 ശതമാനം പലിശ നല്‍കുന്നു. 2 വര്‍ഷത്തില്‍ താഴെ 7.50-7.75% പലിശയും 3 വര്‍ഷത്തില്‍ താഴെ 7.75% പലിശയും ലഭിക്കും. 5 വര്‍ഷത്തില്‍ താഴെ 7.25%, 5 വര്‍ഷത്തിന് മുകളില്‍ 7 ശതമാനവും പലിശ നേടാം.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
