Match Fixing in Cricket: ಕ್ರೀಡಾ ಜಗತ್ತಿನಲ್ಲಿ ಮ್ಯಾಚ್ ಫಿಕ್ಸಿಂಗ್ ಎಂಬುದು ಆಟದ ಬೇರುಗಳನ್ನೇ ಟೊಳ್ಳಾಗಿಸುವ ಪಿಡುಗು ಎಂದೇ ಹೇಳಬಹುದು. ಈ ಅಪವಾದ ಒಂದು ಬಾರಿ ಕ್ರಿಕೆಟಿಗನ ಮೇಲೆ ಬಿದ್ದರೆ ಆತನ ವೃತ್ತಿಜೀವನ ಅಂತ್ಯವಾಗುವುದರಲ್ಲಿ 2 ಮಾತಿಲ್ಲ. ಅನೇಕ ಆಟಗಾರರು ಹಣದ ದುರಾಸೆಯಿಂದ ಇಂತಹ ಕೆಲಸಗಳಿಗೆ ಕೈಹಾಕಿರುವುದು ನಮಗೆಲ್ಲಾ ತಿಳಿದ ಸಂಗತಿಯೇ.
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://www.youtube.com/live/RNn4I7iIaYE?si=3G4W5dh0oCdFnu-T
Instagram Link - https://bit.ly/3LyfY2l
Sharechat Link - https://bit.ly/3LCjokI
Threads Link- https://www.threads.net/@zeekannadanews
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ
ಕ್ರೀಡಾ ಜಗತ್ತಿನಲ್ಲಿ ಮ್ಯಾಚ್ ಫಿಕ್ಸಿಂಗ್ ಎಂಬುದು ಆಟದ ಬೇರುಗಳನ್ನೇ ಟೊಳ್ಳಾಗಿಸುವ ಪಿಡುಗು ಎಂದೇ ಹೇಳಬಹುದು. ಈ ಅಪವಾದ ಒಂದು ಬಾರಿ ಕ್ರಿಕೆಟಿಗನ ಮೇಲೆ ಬಿದ್ದರೆ ಆತನ ವೃತ್ತಿಜೀವನ ಅಂತ್ಯವಾಗುವುದರಲ್ಲಿ 2 ಮಾತಿಲ್ಲ. ಅನೇಕ ಆಟಗಾರರು ಹಣದ ದುರಾಸೆಯಿಂದ ಇಂತಹ ಕೆಲಸಗಳಿಗೆ ಕೈಹಾಕಿರುವುದು ನಮಗೆಲ್ಲಾ ತಿಳಿದ ಸಂಗತಿಯೇ
ಮ್ಯಾಚ್ ಫಿಕ್ಸಿಂಗ್ ಆರೋಪದಲ್ಲಿ ಸಿಲುಕಿ ತಮ್ಮ ವೃತ್ತಿಜೀವನವನ್ನು ನಾಶಪಡಿಸಿಕೊಂಡ ಭಾರತದ ಆಟಗಾರರ ಬಗ್ಗೆ ಈ ವರದಿಯಲ್ಲಿ ಮಾಹಿತಿ ನೀಡಲಿದ್ದೇವೆ.
ಮೊಹಮ್ಮದ್ ಅಜರುದ್ದೀನ್: ಮ್ಯಾಚ್ ಫಿಕ್ಸಿಂಗ್ ಭಾರತದ ಶ್ರೇಷ್ಠ ನಾಯಕರಲ್ಲಿ ಒಬ್ಬರಾದ ಮೊಹಮ್ಮದ್ ಅಜರುದ್ದೀನ್ ಅವರ ವೃತ್ತಿಜೀವನಕ್ಕೆ ಕಳಂಕ ಇದ್ದಂತೆ. ಭಾರತ ಪರ 99 ಟೆಸ್ಟ್‌ಗಳಲ್ಲಿ 6215 ರನ್ ಮತ್ತು 334 ಏಕದಿನ ಪಂದ್ಯಗಳಲ್ಲಿ 9378 ರನ್ ಗಳಿಸಿರುವ ಅಜರ್, ತಮ್ಮ ಕಾಲದ ಅತ್ಯುತ್ತಮ ಶ್ರೇಷ್ಠ ಬ್ಯಾಟ್ಸ್ಮನ್ ಆಗಿದ್ದರು. ದೀರ್ಘಕಾಲದವರೆಗೆ ಟೀಮ್ ಇಂಡಿಯಾದ ನಾಯಕರಾಗಿದ್ದ ಈ ಆಟಗಾರ, ಈ ಸಮಯದಲ್ಲಿ ಮ್ಯಾಚ್ ಫಿಕ್ಸಿಂಗ್ ಆರೋಪಕ್ಕೆ ಗುರಿಯಾಗಿದ್ದರು 1999-2000. 2000ನೇ ಇಸವಿಯಲ್ಲಿ ಭಾರತ ತಂಡ ದಕ್ಷಿಣ ಆಫ್ರಿಕಾ ವಿರುದ್ಧ ಆತಿಥೇಯರಾಗಿ ಆಡುತ್ತಿತ್ತು. ಈ ವೇಳೆ ಆಫ್ರಿಕನ್ ನಾಯಕ ಹ್ಯಾನ್ಸಿ ಕ್ರೋನಿಯೆ ಬೆಟ್ಟಿಂಗ್ ಒಪ್ಪಿಕೊಂಡು ಅಜರ್ ಹೆಸರನ್ನೂ ತೆಗೆದುಕೊಂಡಿದ್ದರು. ಪ್ರಕರಣದ ತನಿಖೆಯನ್ನು ಸಿಬಿಐ ನಡೆಸಿ ನಂತರ ಬಿಸಿಸಿಐ ಅವರಿಗೆ ಜೀವಾವಧಿ ನಿಷೇಧ ಹೇರಿತ್ತು. ನಂತರ ಅಜರ್ʼಗೆ ನ್ಯಾಯಾಲಯದಿಂದ ಕ್ಲೀನ್ ಚೀಟ್ ಸಿಕ್ಕಿತು. ಅಷ್ಟರೊಳಗೆ ಅವರ ವೃತ್ತಿಜೀವನವೇ ಮುಗಿದಿತ್ತು.
ಎಸ್ ಶ್ರೀಶಾಂತ್: 16 ಮೇ 2013 ರಂದು, ಐಪಿಎಲ್ 6 ರ ಸ್ಪಾಟ್ ಫಿಕ್ಸಿಂಗ್ ಆರೋಪದ ಮೇಲೆ ದೆಹಲಿ ಪೊಲೀಸರು ಶ್ರೀಶಾಂತ್ ಮತ್ತು ಅವರ ಇಬ್ಬರು ರಾಜಸ್ಥಾನ್ ರಾಯಲ್ಸ್ ತಂಡದ ಸಹ ಆಟಗಾರರಾದ ಅಜಿತ್ ಚಾಂಡಿಲಾ ಮತ್ತು ಅಂಕಿತ್ ಚವಾಣ್ ಅವರನ್ನು ಮುಂಬೈನಿಂದ ಬಂಧಿಸಿದರು. ಆದರೆ, ಶ್ರೀಶಾಂತ್ ತಾನು ನಿರಪರಾಧಿ ಎಂದು ಯಾವಾಗಲೂ ಸಮರ್ಥಿಸಿಕೊಂಡಿದ್ದಾರೆ. ಅಷ್ಟೇ ಅಲ್ಲದೆ, ಅಲ್ಲಿ ಹೇಳಿಕೆಯೊಂದಕ್ಕೆ ಸಹಿ ಹಾಕುವಂತೆ ಒತ್ತಾಯಿಸಲಾಗಿದೆ ಎಂದು ಹೇಳಿದ್ದರು. ಜುಲೈ 2015 ರಲ್ಲಿ ಸ್ಪಾಟ್ ಫಿಕ್ಸಿಂಗ್ ಪ್ರಕರಣದಲ್ಲಿ ಅವರನ್ನು ಖುಲಾಸೆಗೊಳಿಸಲಾಯಿತು. 18 ಅಕ್ಟೋಬರ್ 2017 ರಂದು ಕೇರಳ ಹೈಕೋರ್ಟ್ ಶ್ರೀಶಾಂತ್ ಮೇಲಿನ ಜೀವಮಾನ ನಿಷೇಧವನ್ನು ಒಪ್ಪಿಕೊಂಡಿತು. ಮಾರ್ಚ್ 2019 ರಲ್ಲಿ, ಸುಪ್ರೀಂ ಕೋರ್ಟ್‌ ಆದೇಶದ ಮೇರೆಗೆ, BCCI ಅವರ ನಿಷೇಧವನ್ನು 7 ವರ್ಷಗಳಿಗೆ ಇಳಿಸಿತು. ಇದರರ್ಥ ಅವರು 13 ಸೆಪ್ಟೆಂಬರ್ 2020 ರಿಂದ ಆಟದ ಎಲ್ಲಾ ಸ್ವರೂಪಗಳನ್ನು ಆಡಬಹುದು. ಶ್ರೀಶಾಂತ್ 2021 ರಲ್ಲಿ ಸೈಯದ್ ಮುಷ್ತಾಕ್ ಅಲಿ ಟ್ರೋಫಿ ಮತ್ತು ವಿಜಯ್ ಹಜಾರೆ ಟ್ರೋಫಿಗಾಗಿ ಕೇರಳ ತಂಡದಲ್ಲಿ ಆಯ್ಕೆಯಾಗಿದ್ದರು. ಜನವರಿ 2021 ರಲ್ಲಿ ಸೈಯದ್ ಮುಷ್ತಾಕ್ ಅಲಿ ಟ್ರೋಫಿಯಲ್ಲಿ ನಿಷೇಧದ ನಂತರ ತಮ್ಮ ಮೊದಲ ಪಂದ್ಯವನ್ನು ಆಡಿದರು. ಮಾರ್ಚ್ 9, 2022 ರಂದು, ಶ್ರೀಶಾಂತ್ ದೇಶೀಯ ಕ್ರಿಕೆಟ್ʼಗೆ ನಿವೃತ್ತಿ ಘೋಷಿಸಿದರು.
ಮನೋಜ್ ಪ್ರಭಾಕರ್: ಭಾರತದ ಮಾಜಿ ಕ್ರಿಕೆಟಿಗ ಮನೋಜ್ ಪ್ರಭಾಕರ್ ಅನೇಕ ಅನುಭವಿ ಆಟಗಾರರ ವಿರುದ್ಧ ಮ್ಯಾಚ್ ಫಿಕ್ಸಿಂಗ್ ಆರೋಪ ಮಾಡಿದ್ದಾರೆ. ಪ್ರಭಾಕರ್ ಪ್ರಕಾರ, ಪಂದ್ಯಗಳ ಫಲಿತಾಂಶವನ್ನು ಭಾರತ ತಂಡದ ಡ್ರೆಸ್ಸಿಂಗ್ ರೂಮ್‌ನಲ್ಲಿ ನಿರ್ಧರಿಸಲಾಗುತ್ತದೆ. ಕಪಿಲ್ ದೇವ್, ರವಿಶಾಸ್ತ್ರಿ ಸೇರಿದಂತೆ ಹಲವು ಆಟಗಾರರ ವಿರುದ್ಧ ಸ್ಟಿಂಗ್ ಆಪರೇಷನ್ ನಡೆಸಿದ್ದರು. ಆದರೆ, ಪ್ರಭಾಕರ್ ಸ್ವತಃ ವೆಸ್ಟ್ ಇಂಡೀಸ್ ವಿರುದ್ಧ ಮ್ಯಾಚ್ ಫಿಕ್ಸಿಂಗ್‌ನಲ್ಲಿ ಭಾಗಿಯಾಗಿರುವುದು ಕಂಡುಬಂದಾಗ ಈ ಪ್ರಕರಣವು ಆಘಾತಕಾರಿ ತಿರುವು ಪಡೆದುಕೊಂಡಿತು. ಇದಾದ ಬಳಿಕ ಬಿಸಿಸಿಐ ಪ್ರಭಾಕರ್ʼಗೆ ನಿಷೇಧ ಹೇರಿತ್ತು.
ನಯನ್ ಮೊಂಗಿಯಾ: ಭಾರತದ ಶ್ರೇಷ್ಠ ವಿಕೆಟ್‌ ಕೀಪರ್ ಬ್ಯಾಟ್ಸ್ಮನ್ʼಗಳಲ್ಲಿ ಒಬ್ಬರಾದ ನಯನ್ ಮೊಂಗಿಯಾ ಅವರು ಮೈದಾನದ ಹೊರಗಿನ ವಿವಾದಗಳಿಗಾಗಿ ಹೆಚ್ಚು ನೆನಪಿಸಿಕೊಳ್ಳುತ್ತಾರೆ. ಪಂದ್ಯವನ್ನು ಗೆಲ್ಲಲು ಪ್ರಯತ್ನಿಸದ ಅವರನ್ನು ಭಾರತ ತಂಡದಿಂದ ಕೈಬಿಡಲಾಯಿತು. ಅಂಪೈರ್‌ನ ನಿರ್ಧಾರವನ್ನು ಒಪ್ಪದ ನಂತರ ಮೊಂಗಿಯಾ ಅವರನ್ನು ಅಮಾನತುಗೊಳಿಸಲಾಯಿತು ಮತ್ತು ಮ್ಯಾಚ್-ಫಿಕ್ಸಿಂಗ್‌ನಲ್ಲಿ ಭಾಗಿಯಾಗಿರುವ ಶಂಕೆಯ ನಂತರ 1990 ರ ದಶಕದ ಅಂತ್ಯದಲ್ಲಿ ನಿಷೇಧಿಸಲಾಯಿತು.
ಅಜಯ್ ಜಡೇಜಾ: ಆಲ್‌ʼರೌಂಡರ್ ಅಜಯ್ ಜಡೇಜಾ ಕ್ರಿಕೆಟ್ ಸಾಧನೆಗಳು ಎಷ್ಟೇ ಇದ್ದರೂ ಸಹ, ಆ ಒಂದು ಮ್ಯಾಚ್ ಫಿಕ್ಸಿಂಗ್ ಆರೋಪದ 5 ವರ್ಷಗಳ ನಿಷೇಧದಿಂದ ಎಲ್ಲವೂ ಮಬ್ಬಾದವು. ನಿಷೇಧವನ್ನು ನಂತರ 27 ಜನವರಿ 2003 ರಂದು ದೆಹಲಿ ಹೈಕೋರ್ಟ್ ತೆಗೆದುಹಾಕಿತು, ಜಡೇಜಾ ಅವರು ದೇಶೀಯ ಮತ್ತು ಅಂತರಾಷ್ಟ್ರೀಯ ಕ್ರಿಕೆಟ್ ಆಡಲು ಅರ್ಹರಾದರು.
