ಇಷ್ಟು ದಿನ ಈ ಕಡೆ ತಿರುಗಿ ನೋಡದ ಕುಮಾರಸ್ವಾಮಿ ಅವರು ಮಗನಿಗಾಗಿ ನಿಮ್ಮನ್ನು ಹುಡುಕಿಕೊಂಡು ಬರುತ್ತಿದ್ದಾರೆ: ಡಿಕೆ ಸುರೇಶ್

ರಾಮನಗರ (ಚನ್ನಪಟ್ಟಣ): "ಕುಮಾರಸ್ವಾಮಿ ಅವರು ಈವರೆಗೂ ನಿಮ್ಮ ಊರಿನ ಕಡೆ ತಿರುಗಿ ನೋಡಲಿಲ್ಲ. ಈಗ ಮಗನಿಗಾಗಿ ನಿಮ್ಮ ಊರು ಹುಡುಕಿಕೊಂಡು ಬರುತ್ತಿದ್ದಾರೆ" ಎಂದು ವಾಗ್ದಾಳಿ ನಡೆಸಿದರು.

ಚನ್ನಪಟ್ಟಣ ಉಪಚುನಾವಣೆ ಹಿನ್ನೆಲೆಯಲ್ಲಿ ಬಿ.ವಿ ಹಳ್ಳಿಯಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಸಿ.ಪಿ. ಯೋಗೇಶ್ವರ್ ಅವರ ಪರ ಡಿ.ಕೆ. ಸುರೇಶ್ ಮಂಗಳವಾರದಂದು ಪ್ರಚಾರ ಮಾಡಿದರು.

ಇದನ್ನೂ ಓದಿ: Businessman bankrupt:ಜೂಜಾಟ & ಹುಡುಗಿಯರ ಶೋಕಿಯಿಂದ ಭಿಕ್ಷುಕನಾದ ಬೆಂಗಳೂರಿನ 70 ಲಾರಿಗಳ ಮಾಲೀಕ!

"ಕಳೆದ ಎರಡು ಬಾರಿ ಈ ಕ್ಷೇತ್ರದ ಜನ ಸಿ.ಪಿ ಯೋಗೇಶ್ವರ್ ಸೋಲಿಸಿದ್ದೀರಿ. ಕುಮಾರಸ್ವಾಮಿ ಅವರು ನಿಮ್ಮ ಊರು ಅಭಿವೃದ್ಧಿ ಮಾಡುತ್ತಾರೆ ಎಂದು ಅವರಿಗೆ ಮತ ಹಾಕಿದಿರಿ. ಆದರೆ ಅವರು ನಿಮ್ಮ ಕಡೆ ತಿರುಗಿಯೂ ನೋಡಲಿಲ್ಲ" ಎಂದು ಟೀಕಿಸಿದರು.

"ಕುಮಾರಸ್ವಾಮಿ ಅವರನ್ನು ನೀವು ಶಾಸಕರಾಗಿ ಮಾಡಿದ ನಂತರ ಅದನ್ನು ಬಿಟ್ಟು ಈಗ ಕೇಂದ್ರದ ಮಂತ್ರಿಯಾಗಿದ್ದಾರೆ. ಅದರ ಬಗ್ಗೆ ನಮ್ಮ ತಕರಾರು ಇಲ್ಲ. ಇಲ್ಲಿ ನಷ್ಟ ಆಗಿರುವುದು ನಿಮ್ಮ ಮನೆ ಮಗ ಯೋಗೇಶ್ವರ್ ಅವರಿಗೆ. ಯೋಗೇಶ್ವರ್ ಅವರು ಹಗಲು ರಾತ್ರಿ ನಿಮಗಾಗಿ ಶ್ರಮವಹಿಸಿದರು. ರೈತರನ್ನು ರಕ್ಷಿಸಲು ಕೆರೆಗೆ ನೀರು ತುಂಬಿಸಿದರು. ಬೆಳ್ಳಿ ಕಿರೀಟ, ಕತ್ತಿ ಕೊಟ್ಟು ಗೌರವ ಸಲ್ಲಿಸಿದ್ದಿರೋ, ಅದೇ ರೀತಿ ರಾಜಕೀಯವಾಗಿ ಶಕ್ತಿ ತುಂಬಿ ನಿಮ್ಮ ಸೇವೆಗೆ ಅವಕಾಶ ಮಾಡಿಕೊಡಿ" ಎಂದು ಮನವಿ ಮಾಡಿದರು.

"ಈ ಅವಕಾಶ ಬಳಸಿಕೊಂಡು ಕಾಂಗ್ರೆಸ್ ಪಕ್ಷದ ಹಸ್ತದ ಗುರುತಿಗೆ ಮತ ಹಾಕಿ. ಯೋಗೇಶ್ವರ್ ಅವರು ನಿಮಗೆ ನೀರು ಕೊಟ್ಟರು, ನಾವು ನಿಮಗೆ ಕರೆಂಟ್ ಕೊಟ್ಟಿದ್ದೇವೆ. ನಮ್ಮಿಬ್ಬರಿಗೂ ಅನ್ಯಾಯವಾಗಿದೆ. ಈ ಭಾಗದಲ್ಲಿ ಆನೆ ಹಾವಳಿ ಹೆಚ್ಚಾಗಿದೆ ಎಂದು ಹೇಳಿದ್ದೀರಿ. ಇದನ್ನು ತಡೆಯಲು ಬನ್ನೇರುಘಟ್ಟದಿಂದ ಮುತ್ತತ್ತಿವರೆಗೂ ರೈಲ್ವೆ ಬ್ಯಾರಿಗೇಟ್ ಹಾಕಲು ತೀರ್ಮಾನಿಸಿದ್ದೇವೆ. ಇದಕ್ಕಾಗಿ ₹150 ಕೋಟಿ ಬೇಕಾಗಿದ್ದು, ಈಗಾಗಲೇ ₹50 ಕೋಟಿ ಬಿಡುಗಡೆ ಮಾಡಲಾಗಿದ್ದು, ಬಾಕಿ ಹಣವನ್ನು ಬಿಡುಗಡೆ ಮಾಡಿಸಿ ಆನೆ ಹಾವಳಿ ನಿಲ್ಲಿಸುವ ಕೆಲಸ ಮಾಡುತ್ತೇವೆ" ಎಂದು ಭರವಸೆ ನೀಡಿದರು.

ಇದನ್ನೂ ಓದಿ: ಅತ್ತೆಗೆ ಫೇವರೇಟ್‌ ಸೊಸೆ ಆಗಿರ್ತಾರೆ ಈ ದಿನಾಂಕದಲ್ಲಿ ಜನಿಸಿದ ಹೆಣ್ಮಕ್ಕಳು... ಗಂಡನ ಪಾಲಿಗಂತೂ ಶುಕ್ರದೆಸೆ ತರುವ ಭಾಗ್ಯಲಕ್ಷ್ಮೀಯಾಗೇ ಸದಾ ಬಾಳುವಳು!

"ನೀವೆಲ್ಲರೂ 2 ನೇ ಕ್ರಮಸಂಖ್ಯೆಯ ಹಸ್ತದ ಗುರುತಿಗೆ ಮತ ಹಾಕಿ ಎಂದು ಮನವಿ ಮಾಡುತ್ತೇನೆ" ಎಂದರು.

ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ,  ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು 
Twitter Link - https://bit.ly/3n6d2R8
Facebook Link - https://bit.ly/3Hhqmcj 
Youtube Link - https://www.youtube.com/live/RNn4I7iIaYE?si=3G4W5dh0oCdFnu-T
Instagram Link -  https://bit.ly/3LyfY2l 
Sharechat Link - https://bit.ly/3LCjokI 
Threads Link-  https://www.threads.net/@zeekannadanews 
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ