ಕಂಧಮಾಲ್: ಒಡಿಶಾದ ಕಂಧಮಾಲ್ ಜಿಲ್ಲೆಯ ಬಾಲಿಗುಡ ಬಳಿಯ ಪೊಯಿಂಗುಡ ಘಾಟ್ನಲ್ಲಿ ಟ್ರಕ್ಕೊಂದು ಆಯತಪ್ಪಿ ಕಂದಕಕ್ಕೆ ಉರುಳಿಬಿದ್ದ ಪರಿಣಾಮ 8 ಮಂದಿ ಮೃತಪಟ್ಟಿದ್ದು, 25 ಮಂದಿ ಗಂಭಿರವಾಗಿ ಗಾಯಗೊಂಡಿರುವ ಘಟನೆ ಮಂಗಳವಾರ ನಡೆದಿದೆ.
ಬೆಳಿಗ್ಗೆ 10 ಗಂಟೆ ಸಮಯದಲ್ಲಿ ಜಿಲ್ಲೆಯ ಸುಲುಮ ಪ್ರದೇಶದಿಂದ ಬ್ರಹ್ಮನಿಗಾನ್ ಗ್ರಾಮಕ್ಕೆ ಚರ್ಚ್ ಕಾರ್ಯಕ್ರಮದಲ್ಲಿ ಭಾಗವಹಿಸಲು ಜನರನ್ನು ಹೊತ್ತು ಸಾಗುತ್ತಿದ್ದ ಮಿನಿ ಟ್ರಕ್ ಆಯತಪ್ಪಿ ಕಂದಕಕ್ಕೆ ಉರುಳಿಬಿದ್ದ ಪರಿಣಾಮ ಈ ದುರ್ಘಟನೆ ಸಂಭವಿಸಿದೆ.
ಓರ್ವ ಮಹಿಳೆ ಮತ್ತು ಬಾಲಕಿ ಸೇರಿದಂತೆ ಒಟ್ಟು 8 ಮಂದಿ ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ. ಗಾಯಗೊಂಡವರನ್ನು ಕೂಡಲೇ ಬೆಹರಾಂಪುರ ಹಾಗೂ ಬ್ರಹ್ಮನಿಗಾನ್ ಆಸ್ಪತ್ರೆಗಳಿಗೆ ದಾಖಲಿಸಲಾಗಿದೆ.
Odisha: 8 people killed & more than 25 critically injured after a truck overturned at Poiguda ghat near Baliguda in Kandhamal district, today morning. Rescue operation underway. Injured have been shifted to hospitals in Berhampur & Brahmanigan. pic.twitter.com/D7WFYavPmS
— ANI (@ANI) January 22, 2019
