ಶನಿಯ ರಾಶಿ ಬದಲಾವಣೆಯು ಈ ರಾಶಿಯವರಿಗೆ ವ್ಯಾಪಾರ, ಉದ್ಯೋಗ, ಮದುವೆ, ಪ್ರೀತಿ, ಮಕ್ಕಳು, ಶಿಕ್ಷಣ ಮತ್ತು ಆರೋಗ್ಯದ ವಿಷಯಗಳಲ್ಲಿ ಶುಭ ಫಲಿತಾಂಶಗಳನ್ನು ನೀಡುತ್ತದೆ.
ಬೆಂಗಳೂರು : ಜ್ಯೋತಿಷ್ಯದಲ್ಲಿ ಶನಿಯನ್ನು ಬಹಳ ಮುಖ್ಯವಾದ ಗ್ರಹವೆಂದೆ ಹೇಳಲಾಗುತ್ತದೆ. ಇಂದು ಶನಿಯು ತನ್ನ ರಾಶಿಯನ್ನು ಬದಲಾಯಿಸುತ್ತಿದ್ದಾನೆ. ಜ್ಯೋತಿಷ್ಯದ ಪ್ರಕಾರ ಶನಿಯ ರಾಶಿ ಬದಲಾವಣೆಗೆ ಬಹಳ ಪ್ರಾಮುಖ್ಯತೆ ಇದೆ. ಇಂದು ರಾತ್ರಿ 8:02 ಕ್ಕೆ, ಶನಿಯು ಮಕರ ರಾಶಿಯಿಂದ ಕುಂಭ ರಾಶಿಗೆ ಸಂಕ್ರಮಣ ಮಾಡಲಿದ್ದಾನೆ. ಶನಿಯ ರಾಶಿ ಬದಲಾವಣೆಯು ಈ ರಾಶಿಯವರಿಗೆ ವ್ಯಾಪಾರ, ಉದ್ಯೋಗ, ಮದುವೆ, ಪ್ರೀತಿ, ಮಕ್ಕಳು, ಶಿಕ್ಷಣ ಮತ್ತು ಆರೋಗ್ಯದ ವಿಷಯಗಳಲ್ಲಿ ಶುಭ ಫಲಿತಾಂಶಗಳನ್ನು ನೀಡುತ್ತದೆ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
ಮೇಷ ರಾಶಿ : ಶನಿ ಸಂಚಾರವು ಮೇಷ ರಾಶಿಯವರ ಆದಾಯವನ್ನು ಹೆಚ್ಚಿಸುತ್ತದೆ. ಹಣ ಸಂಪಾದನೆಯ ಹೊಸ ಮೂಲ ಸಿಗಲಿದೆ. ಇದ್ದಕ್ಕಿದ್ದಂತೆ, ಅನಿರೀಕ್ಷಿತ ಮೂಲಗಳಿಂದ ಹಣ ಪಡೆಯುತ್ತೀರಿ. ಹಾಕುವ ಎಲ್ಲಾ ಯೋಜನೆಗಳು ಪೂರ್ಣವಾಗುವುದು. ನಿಮ್ಮ ಬಹು ದೊಡ್ಡ ಆಸೆ ಇನ್ನು ಈಡೇರಲಿದೆ. ಶನಿ ಮಹಾತ್ಮನ ಸಂಪೂರ್ಣ ಆಶೀರ್ವಾದ ನಿಮ್ಮ ಮೇಲಿರುವುದು.
ವೃಷಭ ರಾಶಿ : ಶನಿ ರಾಶಿ ಬದಲಾಯಿಸುತ್ತಿದ್ದಂತೆಯೇ ಉದ್ಯೋಗ ಮತ್ತು ವ್ಯವಹಾರ ಎರಡರಲ್ಲೂ ಅದೃಷ್ಟ ಕೈ ಹಿಡಿಯುವುದು. ದೊಡ್ಡ ಮಟ್ಟದ ಯಶಸ್ಸು ಲಭಿಸುವುದು. ಉದ್ಯೋಗದಲ್ಲಿ ಬಡ್ತಿ ಸಿಕ್ಕಿ, ವೇತನ ಹೆಚ್ಚಾಗುವುದು. ವ್ಯಾಪಾರದಲ್ಲಿ ಉತ್ತಮ ಯಶಸ್ಸು ದೊರೆಯಲಿದೆ.
ಮಿಥುನ ರಾಶಿ : ಉದ್ಯೋಗ ಬದಲಾವಣೆಗೆ ಸೂಕ್ತ ಕಾಲ. ಸ್ವಲ್ಪ ಪ್ರಯತ್ನ ಪಟ್ಟರೆ ಸಾಕು ನೀವು ಅಂದು ಕೊಂಡ ಉದ್ಯೋಗ ಸಿಗುವುದು. ಆದಾಯ ಹೆಚ್ಚಲಿದೆ. ವ್ಯಾಪಾರದಲ್ಲಿ ತೆಗೆದುಕೊಳ್ಳುವ ನಿರ್ಧಾರದಿಂದ ಲಾಭ ಕೂಡಾ ಆಗುವುದು. ಸಾಲದಿಂದ ಸಿಗುವುದು ಮುಕ್ತಿ.
ತುಲಾ ರಾಶಿ : ಶನಿ ಸ್ಥಾನ ಬದಲಾಯಿಸುತ್ತಿದ್ದಂತೆಯೇ ಎರಡೂವರೆ ವರ್ಷದ ಶನಿ ದೆಸೆಯಿಂದ ಮುಕ್ತಿ ಸಿಗುವುದು. ಈ ಮೂಲಕ ಎಲ್ಲಾ ಕಷ್ಟಗಳಿಗೂ ತೆರೆ ಬೀಳುವುದು. ಯಾವುದೇ ಹೊಸ ಕೆಲಸ ಶುರು ಮಾಡಬೇಕು ಎಂದು ಕೊಂಡಿದ್ದರೆ ಇನ್ನು ಮುಂದೆ ಅದೃಷ್ಟ ನಿಮ್ಮ ಜೊತೆಯಾಗಲಿದೆ. ವೈವಾಹಿಕ ಜೀವನ ಉತ್ತಮವಾಗಿರಲಿದೆ. ಬಯಸಿದ ಸಂಗಾತಿಯೊಂದಿಗೆ ಮದುವೆಯಾಗಬಹುದು. ವೃತ್ತಿ ಜೀವನದಲ್ಲಿ ಯಶಸ್ಸು ಸಿಗಲಿದೆ. ಆದರೆ ವಿದ್ಯಾರ್ಥಿಗಳು ಮಾತ್ರ ಸ್ವಲ್ಪ ಜಾಗರೂಕರಾಗಿರಬೇಕು.
ಧನು ರಾಶಿ : ಶನಿ ಕುಂಭ ರಾಶಿ ಪ್ರವೇಶದೊಂದಿಗೆ ಸಾಡೇಸಾತಿಯಿಂದ ಬಿಡುಗಡೆ ಸಿಗುವುದು. ಇಲ್ಲಿವರೆಗೆ ಅನುಭವಿಸಿದ ನೋವು- ನಷ್ಟ ಕಷ್ಟ ಎಲ್ಲವೂ ಕೊನೆಯಾಗುವುದು. ಇನ್ನೇನಿದ್ದರೂ ನಿಮ್ಮ ಜೀವನದಲ್ಲಿ ಲಾಭ, ಸಂತೋಷ. ಕಳೆದುಕೊಂಡಿದ್ದ ಆಸ್ತಿ, ಗೌರವ ಎಲ್ಲವೂ ಮರಳಿ ಬರುವುದು. ಸೇವೆಯಲ್ಲಿರುವವರು ವಿಶೇಷ ಯಶಸ್ಸನ್ನು ಪಡೆಯುತ್ತಾರೆ.
ಮಕರ ರಾಶಿ : ಶನಿ ಸಂಕ್ರಮಣವು ನಿಮ್ಮ ಅನೇಕ ಸಮಸ್ಯೆಗಳನ್ನು ಕೊನೆಗೊಳಿಸುತ್ತದೆ. ಆರ್ಥಿಕ ಸ್ಥಿತಿ ಉತ್ತಮವಾಗಿರುತ್ತದೆ. ಕಠಿಣ ಪರಿಶ್ರಮದ ಉತ್ತಮ ಫಲಿತಾಂಶ ಸಿಗುವುದು. ಇನ್ನು ಮುಂದೆ ಹಣವನ್ನು ಉಳಿಸುವುದು ಸಾಧ್ಯವಾಗುತ್ತದೆ.
ಕುಂಭ ರಾಶಿ : ಉದ್ಯೋಗದಲ್ಲಿ ಪ್ರಗತಿ ಕಂಡುಬರುವುದು. ವ್ಯಕ್ತಿತ್ವದಲ್ಲಿ ಸುಧಾರಣೆ ಕಂಡುಬರಲಿದೆ. ನಿಮ್ಮ ಪ್ರಭಾವ ಹೆಚ್ಚಾಗುತ್ತದೆ. ಅಂದು ಕೊಂಡ ಕೆಲಸ ಸಾಂಘವಾಗಿ ನೆರವೇರುತ್ತದೆ. ಮಾಡುವ ಕೆಲಸಕ್ಕೆ ಕುಟುಂಬ ಸದಸ್ಯರ ಬೆಂಬಲ ಸಿಗಲಿದೆ. (ಸೂಚನೆ : ಇಲ್ಲಿ ನೀಡಲಾದ ಲೇಖನವು ಸಾಮಾನ್ಯ ನಂಬಿಕೆಗಳು ಮತ್ತು ಮಾಹಿತಿಯನ್ನು ಆಧರಿಸಿದೆ. ZEE NEWS ಅದನ್ನು ಖಚಿತಪಡಿಸುವುದಿಲ್ಲ.)
