ಬಿರಿಯಾನಿಯನ್ನೂ ಹಿಂದಿಕ್ಕಿದ ಮಸಾಲಾ ದೋಸೆ.. ಫುಡ್ ಡೆಲಿವರಿ ಆ್ಯಪ್​ಗಳಲ್ಲಿ ಇದೇ 'ಬೆಸ್ಟ್​ ಸೆಲರ್'

ಬೆಂಗಳೂರು: 2021 ರಲ್ಲಿ ಭಾರತದಾದ್ಯಂತ ಫುಡ್ ಡೆಲಿವರಿ ಆ್ಯಪ್​ಗಳಲ್ಲಿ (food delivery apps) ಬಿರಿಯಾನಿ ಅತಿ ಹೆಚ್ಚು ಆರ್ಡರ್ ಮಾಡಿದ ಭಕ್ಷ್ಯವಾಗಿದೆ. ಆದರೆ ಬೆಂಗಳೂರಿನಲ್ಲಿ ಮಸಾಲಾ ದೋಸೆ (Masala Dose) ಬಿರಿಯಾನಿಯನ್ನೂ ಹಿಂದಿಕ್ಕಿದೆ.

ಝೊಮಾಟೊ (Zomoto) ವಕ್ತಾರರ ಪ್ರಕಾರ, ಮಸಾಲಾ ದೋಸೆ ಮತ್ತು ಚಿಕನ್ ಬಿರಿಯಾನಿ (Chicken Biryani) ಕಳೆದ ವರ್ಷ ಬೆಂಗಳೂರಿನಲ್ಲಿ ಹೆಚ್ಚು ಆರ್ಡರ್ ಮಾಡಿದ ಎರಡು ಭಕ್ಷ್ಯಗಳಾಗಿವೆ. "ನಾವು 12 ಲಕ್ಷಕ್ಕೂ ಹೆಚ್ಚು ಮಸಾಲೆ ದೋಸೆಗಳು ಮತ್ತು ಎಂಟು ಲಕ್ಷ ಚಿಕನ್ ಬಿರಿಯಾನಿಗಳನ್ನು ವಿತರಿಸಿದ್ದೇವೆ" ಎಂದು ಅವರು ಮೆಟ್ರೋಲೈಫ್‌ಗೆ ತಿಳಿಸಿದರು.

ಇದನ್ನೂ ಓದಿ: Twitter account Hack:NDRFನ ಟ್ವಿಟ್ಟರ್ ಖಾತೆ ಹ್ಯಾಕ್, ಕೆಲವೇ ಹೊತ್ತಲ್ಲಿ ರಿಸ್ಟೋರ್

ಸ್ವಿಗ್ಗಿ (Swiggy) ಪ್ರಕಾರ, ಬೆಂಗಳೂರು ನಗರವು ದೋಸೆಗಳನ್ನು ಆರ್ಡರ್ ಮಾಡುವಲ್ಲಿ ಮಾತ್ರವಲ್ಲದೆ, ದೋಸೆ ಬ್ಯಾಟರ್ ಅನ್ನು ಆರ್ಡರ್ ಮಾಡುವಲ್ಲಿಯೂ ದೇಶದ ಅಗ್ರಸ್ಥಾನದಲ್ಲಿದೆ. ಹೈದರಾಬಾದ್ ಮತ್ತು ಮುಂಬೈ ನಂತರ ಬೆಂಗಳೂರು ಹೆಚ್ಚು ಆರೋಗ್ಯ ಪ್ರಜ್ಞೆಯ ನಗರವಾಗಿ ಹೊರಹೊಮ್ಮಿದೆ.

ಸೋಮವಾರ ಮತ್ತು ಗುರುವಾರದಂದು ಜನರು ಆರೋಗ್ಯಕರವಾಗಿ ತಿನ್ನುತ್ತಾರೆ ಮತ್ತು ಆ ದಿನಗಳಲ್ಲಿ ಕೀಟೋ ಆರ್ಡರ್‌ಗಳು ಮತ್ತು ಸಸ್ಯಾಹಾರಿ ಆರ್ಡರ್ ಗಳಲ್ಲಿ ಗಮನಾರ್ಹ ಏರಿಕೆ ಕಂಡುಬಂದಿದೆ ಎಂದು ಸ್ವಿಗ್ಗಿ ವಕ್ತಾರರು ಹೇಳುತ್ತಾರೆ.

2021 ರಲ್ಲಿ, ಡಂಜೊ ಡೈಲಿಯು ತಿಂಡಿಗಳು, ಬಿಸ್ಕತ್ತುಗಳು, ಪಾನೀಯಗಳು ಮತ್ತು ತಿನ್ನಲು ಸಿದ್ಧ ಉತ್ಪನ್ನಗಳ ಬೇಡಿಕೆಯಲ್ಲಿ 50-60% ಹೆಚ್ಚಳವನ್ನು ಕಂಡಿತು. ಹಣ್ಣುಗಳು, ತರಕಾರಿಗಳು, ಹಾಲು ಮತ್ತು ಮಾಂಸವು ಏರಿಕೆ ಕಂಡಿದೆ.  ಬೆಂಗಳೂರಿನಲ್ಲಿ ಆಹಾರ ಪೊಟ್ಟಣವನ್ನು ತಲುಪಿಸಲು ಸ್ವಿಗ್ಗಿ ಜೀನಿ 55.5 ಕಿಮೀ ಪ್ರಯಾಣಿಸಿದೆ.

ಬೆಂಗಳೂರಿನ ಟಾಪ್ 5 ಫುಡ್ಸ್:

• ಮಸಾಲಾ ದೋಸೆ
• ಚಿಕನ್ ಬಿರಿಯಾನಿ
• ಪನೀರ್ ಬಟರ್ ಮಸಾಲಾ
• ಘೀ ರೈಸ್ 
• ಗೋಬಿ ಮಂಚೂರಿಯನ್

ಇದನ್ನೂ ಓದಿ: ದಾಳಿಂಬೆಯನ್ನು ಪ್ರತಿದಿನ ಸೇವಿಸಿ, ಈ ಅದ್ಭುತ ಪ್ರಯೋಜನಗಳನ್ನು ಪಡೆಯಿರಿ

ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಕನ್ನಡ ನ್ಯೂಸ್ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.