Laxmi Narayana Yoga: ಈ ರಾಶಿಯವರಿಗೆ ಭಾಗ್ಯೋದಯ, ಸಿಗಲಿದೆ ಅಪಾರ ಕೀರ್ತಿ ಯಶಸ್ಸು

ನವದೆಹಲಿ: ಟೋಲ್ ಪಾಯಿಂಟ್‌ಗಳಲ್ಲಿ ಫಾಸ್ಟ್ಯಾಗ್(FASTag) ಅನ್ನು ಕಡ್ಡಾಯಗೊಳಿಸಲಾಗಿದೆ. ಆದರೆ ನೀವು ಕಾರು ಅಥವಾ ಇನ್ನಾವುದೇ ವಾಹನವನ್ನು ಹೊಂದಿದ್ದರೆ ಮತ್ತು ನೀವು ಇನ್ನೂ ಫಾಸ್ಟ್ಯಾಗ್ ತೆಗೆದುಕೊಂಡಿಲ್ಲದಿದ್ದರೆ, ಈ ಸುದ್ದಿ ನಿಮಗಾಗಿ ಆಗಿದೆ. ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರ (ಎನ್‌ಎಚ್‌ಎಐ) ಪ್ರಸ್ತುತ ಉಚಿತ FASTag ನೀಡುತ್ತಿದೆ ಮತ್ತು ಈ ಸೇವೆ ಫೆಬ್ರವರಿ 29 ರವರೆಗೆ ಮಾತ್ರ ಇರುತ್ತದೆ. ಈವರೆಗೆ ದೇಶಾದ್ಯಂತ 1.55 ಕೋಟಿಗೂ ಹೆಚ್ಚು ಫಾಸ್ಟ್ಯಾಗ್‌ಗಳನ್ನು ನೀಡಲಾಗಿದೆ.

ದೇಶದ 527 ಕ್ಕೂ ಹೆಚ್ಚು ರಾಷ್ಟ್ರೀಯ ಹೆದ್ದಾರಿಗಳಲ್ಲಿ ನಿರ್ಮಿಸಲಾದ ಟೋಲ್ ಪ್ಲಾಜಾದಲ್ಲಿ ಕೇಂದ್ರ ಸರ್ಕಾರ ಫಾಸ್ಟಾಗ್‌ನಿಂದ ಟೋಲ್ ತೆಗೆದುಕೊಳ್ಳಲು ಪ್ರಾರಂಭಿಸಿದೆ. ಫಾಸ್ಟ್ಯಾಗ್(FASTag) ತಯಾರಿಸುವಲ್ಲಿ ಎದುರಾದ ತೊಂದರೆಗಳ ಹಿನ್ನೆಲೆಯಲ್ಲಿ, ಫೆಬ್ರವರಿ 29 ರವರೆಗೆ ಫಾಸ್ಟ್ಯಾಗ್ ಅನ್ನು ಉಚಿತವಾಗಿ ನೀಡಲು ಎನ್ಎಚ್ಎಐ ನಿರ್ಧರಿಸಿದೆ. ಮಾರ್ಚ್ 1 ರಿಂದ ನಿಗದಿತ ಶುಲ್ಕದ ನಂತರವೇ ಫಾಸ್ಟ್ಯಾಗ್ ನೀಡಲಾಗುತ್ತದೆ.

ಉಚಿತವಾಗಿ ಸಿಗಲಿದೆ FASTag: ಎಲ್ಲಿ? ಹೇಗೆಂದು ತಿಳಿಯಿರಿ

FASTag ಪಡೆಯಲು ನೀವು ನೀವು ಮಿಫಾಸ್ಟ್ಯಾಗ್ ಅಪ್ಲಿಕೇಶನ್ ಮತ್ತು ಟೋಲ್ ಫ್ರೀ ಸಂಖ್ಯೆ 1033 ಅನ್ನು ಸಂಪರ್ಕಿಸಬಹುದು. ಇಲ್ಲಿ ನೀವು ಫಾಸ್ಟ್ಯಾಗ್ ಬಗ್ಗೆ ಸಂಪೂರ್ಣ ಮಾಹಿತಿಯನ್ನು ಪಡೆಯುತ್ತೀರಿ. ಇದಲ್ಲದೆ, ಹೆಚ್ಚಿನ ಮಾಹಿತಿಗಾಗಿ ನೀವು ಅಧಿಕೃತ ಸೈಟ್ www.ihmcl.com ಗೆ ಭೇಟಿ ನೀಡಬಹುದು.

ಟ್ಯಾಗ್‌ಗಳಿಲ್ಲದ ವಾಹನಗಳಿಂದ 20 ಕೋಟಿ ರೂ. ವಸೂಲಿ:
ಟೋಲ್ ಪ್ಲಾಜಾದಲ್ಲಿ ವೇಗದ ಲೇನ್ ಪ್ರವೇಶಿಸುವ ಟ್ಯಾಗ್ ಇಲ್ಲದೆ 18 ಲಕ್ಷ ವಾಹನಗಳಿಂದ 20 ಕೋಟಿ ರೂ. ವಸೂಲಿ ಮಾಡಿದೆ ಎಂದು ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರ ತಿಳಿಸಿದೆ.

ರಸ್ತೆ ಸಾರಿಗೆ ಸಚಿವಾಲಯವು ಕಳೆದ ವರ್ಷ ಡಿಸೆಂಬರ್‌ನಲ್ಲಿ ಎಲೆಕ್ಟ್ರಾನಿಕ್ ಟೋಲ್ ಸಂಗ್ರಹಕ್ಕಾಗಿ ಫಾಸ್ಟಾಗ್ ಅನ್ನು ಪ್ರಾರಂಭಿಸಿತು. ಟ್ಯಾಗ್ ಇಲ್ಲದೆ ವಾಹನವು ಮೀಸಲಾದ ಲೇನ್‌ಗೆ ಪ್ರವೇಶಿಸಿದರೆ, ಎರಡು ಪಟ್ಟು ಟೋಲ್ ಶುಲ್ಕ ವಿಧಿಸಲಾಗುತ್ತದೆ ಎಂದು ಸಚಿವಾಲಯ ಹೇಳಿದೆ.

ಟ್ಯಾಗ್ ಇಲ್ಲದೆ ಫಾಸ್ಟ್ಯಾಗ್ ಲೇನ್‌ಗೆ ಪ್ರವೇಶಿಸುವ ವಾಹನಗಳಿಂದ ದ್ವಿಗುಣ ಟೋಲ್ ವಿಧಿಸಲಾಗುತ್ತಿದೆ ಎಂದು ಪ್ರಾಧಿಕಾರ ತಿಳಿಸಿದೆ. ಈವರೆಗೆ ದೇಶಾದ್ಯಂತ 18 ಲಕ್ಷ ವಾಹನಗಳು ಟ್ಯಾಗ್ ಇಲ್ಲದೆ ಫಾಸ್ಟ್ಯಾಗ್ ಲೇನ್‌ಗೆ ಪ್ರವೇಶಿಸಲು ಯತ್ನಿಸಿದ್ದು, ಅವರಿಂದ 20 ಕೋಟಿ ರೂ. ಸಂಗ್ರಹಿಸಲಾಗಿದೆ ಎಂದು ಮಾಹಿತಿ ನೀಡಲಾಗಿದೆ.

ಫಾಸ್ಟಾಗ್ ಎಲೆಕ್ಟ್ರಾನಿಕ್ ಟೋಲ್ ಸಂಗ್ರಹದ ತಂತ್ರವಾಗಿದೆ. ಇದು ರೇಡಿಯೋ ಫ್ರೀಕ್ವೆನ್ಸಿ ಐಡೆಂಟಿಫಿಕೇಶನ್ (ಆರ್ಎಫ್ಐಡಿ) ಅನ್ನು ಬಳಸುತ್ತದೆ. ಈ ಟ್ಯಾಗ್ ಅನ್ನು ವಾಹನದ ಮುಂಭಾಗದ ವಿಂಡೋದಲ್ಲಿ (ವಿಂಡ್‌ಸ್ಕ್ರೀನ್) ಇರಿಸಲಾಗಿದೆ. ಕಾರು ಟೋಲ್ ಬ್ಲಾಕ್ ಅನ್ನು ತಲುಪಿದ ತಕ್ಷಣ, ಸಂವೇದಕವು ಫಾಸ್ಟ್ಯಾಗ್ ಅನ್ನು ಟ್ರ್ಯಾಕ್ ಮಾಡುತ್ತದೆ. ಇದರ ನಂತರ, ಆ ಟೋಲ್ ಪ್ಲಾಜಾದ ಮೇಲಿನ ತೆರಿಗೆಯನ್ನು ನಿಮ್ಮ ಫಾಸ್ಟ್ಯಾಗ್ ಖಾತೆಯಿಂದ ಕಡಿತಗೊಳಿಸಲಾಗುತ್ತದೆ.