Aeroplane Rules: ವಿಮಾನ ಪ್ರಯಾಣ ಮಾಡುವ ಸಂದರ್ಭದಲ್ಲಿ ನಿಮ್ಮ ಮೊಬೈಲ್ ಫೋನ್’ನ್ನು ಏರೋಪ್ಲೇನ್ ಮೋಡ್ ಗೆ ಹಾಕಬೇಕೆಂದು ಗಗನಸಖಿಯರು ಮೊದಲೇ ಸೂಚನೆ ನೀಡುತ್ತಾರೆ. ಒಂದು ವೇಳೆ ಹಾರಾಟದ ಸಮಯದಲ್ಲಿ ಫೋನ್ ಅನ್ನು ಏರೋಪ್ಲೇನ್ ಮೋಡ್‌ನಲ್ಲಿ ಇರಿಸದಿದ್ದರೆ ಏನಾಗುತ್ತದೆ ಎಂದು ನಿಮಗೆ ತಿಳಿದಿದೆಯೇ? ಇಲ್ಲಿದೆ ಈ ವಿಚಾರಕ್ಕೆ ಸಂಬಂಧಿಸಿದ ಮಾಹಿತಿ.
ಇದನ್ನೂ ಓದಿ: Pushpa 2 ಹೊಸ ಪೋಸ್ಟರ್ ರಿಲೀಸ್‌.. ಅಲ್ಲು ಅರ್ಜುನ್ ಲುಕ್ ಕಂಡು ಹೀಗಂದ್ರು ಕ್ರಿಕೆಟಿಗ ವಾರ್ನರ್!
ನಿಮ್ಮ ಫೋನ್ ಬಹುಶಃ ಕೆಲವು ಪೈಲಟ್’ಗಳು ಮತ್ತು ಏರ್ ಟ್ರಾಫಿಕ್ ಕಂಟ್ರೋಲರ್‌’ಗಳಿಗೆ ಕಿರಿಕಿರಿ ಉಂಟುಮಾಡುತ್ತದೆ. ಮೊಬೈಲ್ ಸಿಗ್ನಲ್ ಮತ್ತು ಏರ್ ಟ್ರಾಫಿಕ್ ಕಂಟ್ರೋಲ್ ಸಂಪರ್ಕದಿಂದ ಕೆಟ್ಟ ಶಬ್ದವೂ ಕೇಳಿಸಿಕೊಳ್ಳುತ್ತದೆ ಎಂದು ಹೇಳಲಾಗುತ್ತದೆ.
ವಿಮಾನ ಹಾರಾಟದ ಸಂದರ್ಭದಲ್ಲಿ ಮೊಬೈಲ್ ಫೋನ್ ಆನ್ ಇದ್ದರೆ, ಆಡಿಯೊ ಸಿಸ್ಟಮ್‌ನಿಂದ ಅಹಿತಕರ ಶಬ್ದವು ಕೇಳಿಬರುತ್ತದೆ. ಫೋನ್’ನ ರೇಡಿಯೊ ಹೊರಸೂಸುವಿಕೆಯು 8W ವರೆಗೆ ತುಂಬಾ ಪ್ರಬಲವಾಗಿರುತ್ತದೆ ಎಂದು ಸಂಶೋಧನೆಯೊಂದು ಹೇಳುತ್ತದೆ. ಇದು ಸುರಕ್ಷತೆಗೆ ಸಮಸ್ಯೆಯಾಗದಿರಬಹುದು. ಆದರೆ ಖಚಿತವಾಗಿಯೂ ಕಿರಿಕಿರಿ ಉಂಟುಮಾಡುತ್ತದೆ.
ಕ್ಯಾಬಿನ್‌’ನಲ್ಲಿರುವ ಫೋನ್’ಗಳು ಮತ್ತು ಪೈಲಟ್’ಗಳ ರೇಡಿಯೊ ನಡುವೆ ಸಾಕಷ್ಟು ಕ್ಷೀಣತೆ ಇದೆ. ಇನ್ನು ಸಾಮಾನ್ಯ ಜನರು ಬಳಸುವ ಮೊಬೈಲ್, ವಿಮಾನ ಹಾರಾಟದ ಸಮಯದಲ್ಲಿ ತನಗೆ ಬೇಕಾದ ಸಿಗ್ನಲ್’ನ್ನು ಹುಡುಕುತ್ತದೆ, ಆ ಸಂದರ್ಭದಲ್ಲಿ ಪೈಲಟ್ ಬಳಕೆ ಮಾಡುವ ಫೋನ್ ಅಥವಾ ರೆಡಿಯೋ ಸಿಸ್ಟಮ್’ಗಳಲ್ಲಿ ಕರ್ಕಶ ಶಬ್ದ ಕೇಳಿ ಬರುತ್ತದೆ.
ಇದನ್ನೂ ಓದಿ: Hair Care Tips: ಸತತ ಕೂದಲುದುರುವಿಕೆಯಿಂದ ಕಂಗೆಟ್ಟಿದ್ದೀರಾ? ಕಿತ್ತಳೆಯಲ್ಲಡಗಿದೆ ಶಾಶ್ವತ ಪರಿಹಾರ
ವಿಮಾನ ಪ್ರಯಾಣ ಸಂದರ್ಭದಲ್ಲಿ ಮೊಬೈಲ್ ಫೋನ್’ನ್ನು ಏರೋಪ್ಲೇನ್ ಮೋಡ್’ಗೆ ಹಾಕೋದು ಸಾಮಾನ್ಯ ಸೌಜನ್ಯ ಎನ್ನಬಹುದು. ನಿಮ್ಮ ಫೋನ್ ಅನ್ನು ಏರ್‌ಪ್ಲೇನ್ ಮೋಡ್’ಗೆ ಬದಲಾಯಿಸುವ ಮೂಲಕ ನೀವು ಎಲ್ಲಿಗೆ ಪ್ರಯಾಣಿಸಬೇಕೆಂದುಕೊಂಡಿದ್ದೀರೋ ಅಲ್ಲಿಗೆ ನಿಮ್ಮನ್ನು ತಲುಪಿಸಲು ಜನರಿಗೆ ಕೊಂಚ ಸಹಾಯ ಮಾಡಿದಂತಾಗುತ್ತದೆ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
