ನವದೆಹಲಿ: ಛತ್ತೀಸ್ ಘಡ್ ನ ಸುಕ್ಮಾ ಜಿಲ್ಲೆಯಲ್ಲಿ ಮಾವೋವಾದಿಗಳು ಎಮ್ಪಿವಿ ವಾಹನವನ್ನು ಸ್ಫೋಟಿಸಿದ ಪರಿಣಾಮವಾಗಿ 9 ಮಂದಿ ಸಿಆರ್ಪಿಎಫ್ ಪೊಲೀಸರು ಮೃತಪಟ್ಟಿದ್ದಾರೆ.ಅಲ್ಲದೆ ಇಬ್ಬರು ಗಾಯಗೊಂಡದಿದ್ದಾರೆ ಎಂದು ತಿಳಿದುಬಂದಿದೆ.
ಮಾವೋವಾದಿಗಳು ಸಿಆರ್ಪಿಎಫ್ 212 ನೇ ಬಟಾಲಿಯನ್ ಗುರಿಯಾಗಿಸಿಕೊಂಡು ಈ ದಾಳಿಗೈದಿದ್ದಾರೆ.ಪೊಲೀಸರು ಪ್ರಮುಖವಾಗಿ ಕಿಶ್ತಾರಾಂನ ಅರಣ್ಯ ಪ್ರದೇಶದಲ್ಲಿ ಹೆಚ್ಚಿನ ಪ್ರಾಬಲ್ಯವನ್ನು ಹೊಂದಿದ್ದರು ಎಂದು ಹೇಳಲಾಗಿದೆ. ಪೋಲಿಸ್ ಪಡೆಯ ವಾಹನ ಸಾಗುತ್ತಿರಬೇಕಾದರೆ ನಕ್ಸಲರು ಈ ಕೃತ್ಯಗೈದಿದ್ದಾರೆ ಎಂದು ಹೇಳಲಾಗಿದೆ.
ಈ ಘಟನೆಗೆ ಪ್ರತಿಕ್ರಯಿಸಿರುವ ಪ್ರಧಾನಿ ಮೋದಿ ದಾಳಿಯಲ್ಲಿ ಮೃತರಾದ ಪೋಲೀಸರ ತ್ಯಾಗವನ್ನು ಸ್ಮರಿಸುತ್ತಾ ಸಂತಾಪ ವ್ಯಕ್ತಪಡಿಸಿದ್ದಾರೆ.
