ಒಡೆದ ಹಿಮ್ಮಡಿಗಳು ಈ ಹೊಟ್ಟೆ ಕಾಯಿಲೆಯ ಸಂಕೇತವಾಗಿರಬಹುದು.. ಇಲ್ಲಿದೆ ಮನೆಮದ್ದು

ನವದೆಹಲಿ: ಹಿಮ್ಮಡಿ ಬಿರುಕುಗಳ (Cracked Heels) ಸಮಸ್ಯೆ ನಿಮ್ಮನ್ನು ಮತ್ತೆ ಮತ್ತೆ ಕಾಡುತ್ತಿದ್ದರೆ ಅದು ಹೊಟ್ಟೆಗೆ ಸಂಬಂಧಿಸಿದ ಕಾಯಿಲೆಯೂ ಆಗಿರಬಹುದು. ಡೆಡ್ ಸ್ಕಿನ್ ತೆಗೆಯದಿರುವುದು, ಪಾದಗಳನ್ನು ಸ್ವಚ್ಛವಾಗಿಟ್ಟುಕೊಳ್ಳದಿರುವುದು ಹಾಗೂ ಅತಿ ಶೀತ ವಾತಾವರಣದಿಂದ ಕಣಕಾಲು ಬಿರುಕು ಬಿಡುವ ಸಮಸ್ಯೆ ಬರಬಹುದು ಆದರೆ ಕೆಲವೊಮ್ಮೆ ಹೊಟ್ಟೆಗೆ (Gut Health) ಸಂಬಂಧಿಸಿದ ಕಾಯಿಲೆಯಿಂದಲೂ ಈ ಸಮಸ್ಯೆ ಬರಬಹುದು.

ಬಿರುಕು ಬಿಟ್ಟ ಹಿಮ್ಮಡಿಗಳ ಸಮಸ್ಯೆಯು ಹೊಟ್ಟೆಯ ಕಾಯಿಲೆಯಿಂದ ಉಂಟಾಗುತ್ತದೆ ಎಂದು ಗುರುತಿಸಲು, ಕೆಲವು ಲಕ್ಷಣಗಳನ್ನು ನೋಡಿ. ನಿಮ್ಮ ಜೀರ್ಣಕ್ರಿಯೆ ಸರಿಯಾಗಿಲ್ಲ ಎಂಬುದನ್ನು ಈ ಲಕ್ಷಣಗಳು ತೋರಿಸುತ್ತವೆ.

ಕರುಳಿನ ಅನಾರೋಗ್ಯದ ಸಂಕೇತ:

ನಾಲಿಗೆ ಹುಣ್ಣು, ಮೊಡವೆ, ಗುಳ್ಳೆಗಳು,  ಹೊಟ್ಟೆ  ಉಬ್ಬುವುದು, ಪ್ರಯಾಣ ಮಾಡುವಾಗ ತಲೆನೋವು, ಈ ಲಕ್ಷಣಗಳು ಜೀರ್ಣಕ್ರಿಯೆಗೆ ಸಂಬಂಧಿಸಿದ ಸಮಸ್ಯೆಗಳನ್ನು ಸೂಚಿಸುತ್ತವೆ. ಅದೇ ಸಮಯದಲ್ಲಿ, ಬಿರುಕು ಬಿಟ್ಟ ಹಿಮ್ಮಡಿಗಳು ನಿಮಗೆ ಹೊಟ್ಟೆಗೆ ಸಂಬಂಧಿಸಿದ ಕೆಲವು ಸಮಸ್ಯೆಗಳಿವೆ ಎಂದು ಹೇಳುತ್ತವೆ. ಇದು ಕರುಳಿನ ಅನಾರೋಗ್ಯದ ಸಂಕೇತವಾಗಿದೆ. ಒಡೆದ ಹಿಮ್ಮಡಿಗಳ ಸಮಸ್ಯೆಯು ಪದೇ ಪದೇ ಸಂಭವಿಸುತ್ತಿದ್ದರೆ, ನಂತರ ವೈದ್ಯರನ್ನು ಸಂಪರ್ಕಿಸಿ.

ಈ ಮನೆಮದ್ದುಗಳನ್ನು ಮಾಡಿ: 

ಒಡೆದ ಹಿಮ್ಮಡಿಗಳ ಸಮಸ್ಯೆ ಸಾಮಾನ್ಯ ಕಾರಣಗಳಿಂದ ಉಂಟಾದರೆ, ಕೆಲವು ಮನೆಮದ್ದುಗಳನ್ನು (Home Remedies) ಸಹ ಮಾಡಬಹುದು. ಇದರಿಂದ ಪ್ರಯೋಜನವಾಗಲಿದೆ.

ಎಣ್ಣೆಯಿಂದ ಮಸಾಜ್:

ಎಣ್ಣೆಯಿಂದ ಮಸಾಜ್ (Oil Massage) ಮಾಡುವುದರಿಂದ ಈ ಸಮಸ್ಯೆಗೆ ಪರಿಹಾರ ಸಿಗುತ್ತದೆ. ಇದು ಪಾದಗಳಿಗೆ ತೇವಾಂಶವನ್ನು ನೀಡುತ್ತದೆ.

ಗ್ಲಿಸರಿನ್ ಮತ್ತು ರೋಸ್ ವಾಟರ್ ಹಚ್ಚಿ:

ಗ್ಲಿಸರಿನ್ (Glycerin) ಕೂಡ ಉತ್ತಮ ಮಾಯಿಶ್ಚರೈಸರ್ ಆಗಿದೆ. ಇದು ಬಿರುಕು ಬಿಟ್ಟ ಹಿಮ್ಮಡಿಗಳನ್ನು ಗುಣಪಡಿಸುತ್ತದೆ. ಒಂದು ಚಮಚ ಗ್ಲಿಸರಿನ್ ತೆಗೆದುಕೊಂಡು ಅದರಲ್ಲಿ ಎರಡು ಚಮಚ ರೋಸ್ ವಾಟರ್ ಮಿಶ್ರಣ ಮಾಡಿ. ಇದಕ್ಕೆ ಒಂದು ಚಮಚ ನಿಂಬೆ ರಸವನ್ನು ಕೂಡ ಸೇರಿಸಿ. ಮಲಗುವ ಮುನ್ನ ಈ ಮಿಶ್ರಣದಿಂದ ಮಸಾಜ್ ಮಾಡಿ ಮತ್ತು ಅದು ಒಣಗಿದಾಗ ಸಾಕ್ಸ್ ಧರಿಸಿ. ಇದರಿಂದ ಪ್ರಯೋಜನವಾಗಲಿದೆ.

ಅಕ್ಕಿ ಹಿಟ್ಟು:

ಒಂದು ಚಮಚ ಅಕ್ಕಿ ಹಿಟ್ಟು (Rice flour) , ಎರಡು ಚಮಚ ಜೇನುತುಪ್ಪ (Honey) ಮತ್ತು ಒಂದು ಚಮಚ ನಿಂಬೆ ರಸವನ್ನು (lemon) ಮಿಶ್ರಣ ಮಾಡಿ. ಈ ಪೇಸ್ಟ್‌ನಿಂದ ಕಣಕಾಲುಗಳನ್ನು ಸ್ಕ್ರಬ್ ಮಾಡಿ. 15 ನಿಮಿಷಗಳ ಕಾಲ ಉಗುರುಬೆಚ್ಚಗಿನ ನೀರಿನಲ್ಲಿ ಪಾದಗಳನ್ನು ಇಟ್ಟುಕೊಳ್ಳುವುದು ಸಹ ಪ್ರಯೋಜನವನ್ನು ನೀಡುತ್ತದೆ. ಇದು ಡೆಡ್ ಸ್ಕಿನ್ ತೆಗೆದುಹಾಕಲು ಮಾಡಲು ಸಹಾಯ ಮಾಡುತ್ತದೆ.

ಇದನ್ನೂ ಓದಿ: Health tips : ಉತ್ತಮ ಆರೋಗ್ಯಕ್ಕಾಗಿ ಈ ಹತ್ತು ಆಹಾರಗಳನ್ನು ಇಂದೇ ಡಯೆಟ್ ನಲ್ಲಿ ಸೇರಿಸಿಕೊಳ್ಳಿ

(Disclaimer:ಇಲ್ಲಿ ನೀಡಲಾದ ಮಾಹಿತಿಯು ಊಹಾಪೋಹ ಮತ್ತು ಸಾಮಾನ್ಯ ಮಾಹಿತಿಯನ್ನು ಆಧರಿಸಿದೆ. ಅದನ್ನು ಅಳವಡಿಸಿಕೊಳ್ಳುವ ಮೊದಲು, ಖಂಡಿತವಾಗಿಯೂ ವೈದ್ಯಕೀಯ ಸಲಹೆಯನ್ನು ತೆಗೆದುಕೊಳ್ಳಿ. ZEE NEWS ಇದನ್ನು ಖಚಿತಪಡಿಸುವುದಿಲ್ಲ.)