Year Ender 2023: ಈ ವರ್ಷ ಬಾಕ್ಸ್‌ ಆಫೀಸ್‌ನಲ್ಲಿ ಸೋಲುಂಡ ಕನ್ನಡ ಸಿನಿಮಾಗಳಿವು

Year Ender 2023: ಸ್ಯಾಂಡಲ್‌ವುಡ್‌ ನಲ್ಲಿ ಅನೇಕ ಸಿನಿಮಾಗಳು 2023 ರಲ್ಲಿ ವಿಶ್ವಾದ್ಯಂತ ಹಿಟ್‌ ಪಡೆದಿವೆ. ಆದರೆ ಭಾರೀ ನಿರೀಕ್ಷೆ ಮೂಡಿಸಿದ್ದ ಕೆಲವು ಸಿನಿಮಾಗಳು ಗಲ್ಲಾಪೆಟ್ಟಿಗೆಯಲ್ಲಿ ಮುಗ್ಗಿರಿಸಿದವು. ಈ ವರ್ಷ ಭಾರೀ ನಿರೀಕ್ಷೆ ಮೂಡಿಸಿ ಸೋತ ಟಾಪ್ 10 ಕನ್ನಡ ಸಿನಿಮಾಗಳ ಪಟ್ಟಿ ಇಲ್ಲಿದೆ... 

1) ಕಬ್ಜ: ಆರ್‌. ಚಂದ್ರು ನಿರ್ದೇಶನದ ಯಲ್ ಸ್ಟಾರ್ ಉಪೇಂದ್ರ ಅಭಿನಯದ 'ಕಬ್ಜ' ಸಾಕಷ್ಟು ನಿರೀಕ್ಷೆ ಹುಟ್ಟು ಹಾಕಿತ್ತು. ನಟ ಸುದೀಪ ಸಹ ಈ ಸಿನಿಮಾದಲ್ಲಿ ಅತಿಥಿ ಪಾತ್ರ ಮಾಡಿದ್ದರು. ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ರಿಲೀಸ್ ಆಗಿದ್ದ ಕಬ್ಜ ಸಿನಿಮಾ ಸಿನಿಪ್ರಿಯರ ಮನಗೆಲ್ಲಿಲ್ಲ ಎನ್ನಲಾಗುತ್ತಿದೆ. 

2) ಟೋಬಿ: ರಾಜ್‌ ಬಿ. ಶೆಟ್ಟಿ ಅವರ 'ಟೋಬಿ' ಸಿನಿಮಾ ಸಹ ಈ ವರ್ಷ ಮುಗ್ಗರಿಸಿದೆ. ಈ ಸಿನಿಮಾವನ್ನು ಬಾಸಿಲ್ ನಿರ್ದೇಶನ ಮಾಡಿದ್ದರು. ಪೋಸ್ಟರ್‌, ಟ್ರೈಲರ್‌ನಿಂದ ಸಾಕಷ್ಟು ಗಮನ ಸೆಳೆದಿತ್ತು. ರಾಜ್‌ ಬಿ. ಶೆಟ್ಟಿ ನಟನೆ ಬಗ್ಗೆಯೂ ಮೆಚ್ಚುಗೆ ವ್ಯಕ್ತವಾಗಿತ್ತು. ಆದರೆ ಅಂದುಕೊಂಡ ಮಟ್ಟಿಗೆ ಟೋಬಿ ಹಿಟ್‌ ಕೊಡಲಿಲ್ಲ. 

3) ಬ್ಯಾಡ್‌ ಮ್ಯಾನರ್ಸ್: ದುನಿಯಾ ಸೂರಿ ಅವರ 'ಬ್ಯಾಡ್ ಮ್ಯಾನರ್ಸ್' ಸಿನಿಮಾದಲ್ಲಿ ಅಭಿಷೇಕ್ ಅಂಬರೀಶ್ ನಟಿಸಿದ್ದರು. ಸೂರಿ ಅಭಿಮಾನಿಗಳಿಗೆ ಸಿನಿಮಾ ಇಷ್ಟವಾದರೂ ಸಾಮಾನ್ಯ ಪ್ರೇಕ್ಷಕರ ಮನಗೆಲ್ಲಲಿಲ್ಲ. 

ಇದನ್ನೂ ಓದಿ: ಬಿಗ್‌ ಬಾಸ್‌ನಲ್ಲಿ ಗೆದ್ದು, ಸಂಭ್ರಮಿಸಿದ್ದ ರೈತನ ಮಗ ಪಲ್ಲವಿ ಪ್ರಶಾಂತ್‌ ಬಂಧನ..!? 

4) ಬಾನ ದಾರಿಯಲ್ಲಿ: ಪ್ರೀತಂ ಗುಬ್ಬಿ ನಿರ್ದೇಶಿಸಿದ ಗಣೇಶ್ ನಟಿಸಿದ 'ಬಾನ ದಾರಿಯಲ್ಲಿ' ಸಿನಿಮಾ ಕೂಡ ಈ ವರ್ಷ ಫ್ಲಾಪ್‌ ಪಟ್ಟಿಗೆ ಸೇರಿದೆ. ಈ ಸಿನಿಮಾ ರಿಲೀಸ್‌ ಆದಾಗ ಒಳ್ಳೆ ಓಪನಿಂಗ್ ಪಡೆದುಕೊಂಡಿತು. ಆದರೆ ಗಲ್ಲಾಪೆಟ್ಟಿಗೆಯಲ್ಲಿ ಕಮಾಲ್‌ ಮಾಡಲಿಲ್ಲ.

5) ಗರಡಿ: ಬಿ.ಸಿ ಪಾಟೀಲ್ ನಿರ್ಮಿಸಿ, ನಟಿಸಿದ್ದ ಯೋಗರಾಜ್ ಭಟ್ ನಿರ್ದೇಶನದ 'ಗರಡಿ' ಸಿನಿಮಾ ಸಹ ಸೋಲು ಕಂಡಿದೆ. ಯಶಸ್ ಸೂರ್ಯ, ಸೋನಲ್ ಮಂಥೆರೋ ಚಿತ್ರದಲ್ಲಿ ನಟಿಸಿದ್ದರು. ಆದರೆ ಈ ಸಿನಿಮಾ ಸಹ ಜನರ ಮನಕ್ಕೆ ಹತ್ತಿರವಾಗಲಿಲ್ಲ.

6) ತೋತಾಪುರಿ 2: ಕಳೆದ ವರ್ಷ ತೆರೆಗೆ ಬಂದ 'ತೋತಾಪುರಿ- 1' ಸಿನಿಮಾ ಸೋಲುಂಡಿತ್ತು. ಆದರೂ ವಿಜಯ ಪ್ರಸಾದ್- ಜಗ್ಗೇಶ್ ಕಾಂಬೋ ಇರುವ ಸಿನಿಮಾ 'ತೋತಾಪುರಿ- 2' ಈ ವರ್ಷ ರಿಲೀಸ್‌ ಆಯ್ತು. ಆದರೆ ಬಾಕ್ಸ್‌ ಆಫಿಸ್‌ನಲ್ಲಿ ಸೋಲುಂಡಿತು.

7) ರಾಜಮಾರ್ತಾಂಡ: ಚಿರಂಜೀವಿ ಸರ್ಜಾ ನಟನೆಯ ಕೊನೆಯ ಸಿನಿಮಾ 'ರಾಜಮಾರ್ತಾಂಡ'. ಧ್ರುವ ಸರ್ಜಾ ವಾಯ್ಸ್ ನೀಡಿದ್ದ ಸಿನಿಮಾ. ಆದರೆ ಸಿನಿಮಾ ಗೆಲ್ಲಲಿಲ್ಲ.

ಇದನ್ನೂ ಓದಿ: BBK 10: "ನನಗೆ ತುಕಾಲಿ ಸಂತು ಅಸಹ್ಯವಾಗಿ ಕಾಣಿಸಿದರು": ಬೇಸರ ವ್ಯಕ್ತಪಡಿಸಿದ ವರ್ತೂರ್‌ ಸಂತೋಷ್‌! 

8) ತತ್ಸಮ ತದ್ಭವ: ಈ ಸಿನಿಮಾ ಮೂಲಕವೇ ಮೇಘನಾ ರಾಜ್ ಮತ್ತೆ ನಟನೆಗೆ ಮರಳಿದರು. ಚಿತ್ರದಲ್ಲಿ ಪ್ರಜ್ವಲ್ ದೇವರಾಜ್ ಪೊಲೀಸ್ ಆಫೀಸರ್ ಪಾತ್ರದಲ್ಲಿ ನಟಿಸಿದ್ದರು. ಸಸ್ಪೆನ್ಸ್ ಥ್ರಿಲ್ಲರ್ ಕತೆಯುಳ್ಳ ಈ ಸಿನಿಮಾ ಕೂಡ ಮುಗ್ಗರಿಸಿತು.

9) ಸ್ವಾತಿ ಮುತ್ತಿನ ಮಳೆಹನಿಯೇ: ಇದು ನಟಿ ರಮ್ಯಾ ನಿರ್ಮಾಣದ ಮೊಟ್ಟ ಮೊದಲ ಸಿನಿಮಾ. ರಾಜ್‌. ಬಿ ಶೆಟ್ಟಿ ಕಥೆ, ಚಿತ್ರಕಥೆ ಬರೆದು ನಿರ್ದೇಶಿಸಿ, ನಟಿಸಿದ್ದ ಈ ಸಿನಿಮಾ ಕನ್ನಡದ ಫ್ಲಾಪ್‌ ಸಿನಿಮಾ ಪಟ್ಟಿಗೆ ಸೇರಿತು.

10) ಗೌಳಿ: ಶ್ರೀನಗರ ಕಿಟ್ಟಿ ಬಹಳ ದಿನಗಳ ನಂತರ ನಟಿಸಿದ ಗೌಳಿ ಸಿನಿಮಾ ಕೂಡ ಫ್ಲಾಪ್‌ ಆಗಿದೆ. ಟೀಸರ್, ಟ್ರೈಲರ್‌ನಿಂದ ಸಿಕ್ಕಾಪಟ್ಟೆ ಕ್ರೇಜ್‌ ಕ್ರಿಯೇಟ್‌ ಮಾಡಿತ್ತು. ಆದರೆ ಸಿನಿಮಾ ಬಾಕ್ಸಾಫೀಸ್‌ನಲ್ಲಿ ಎಡವಿತು. 

ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ,  ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು 
Twitter Link - https://bit.ly/3n6d2R8
Facebook Link - https://bit.ly/3Hhqmcj 
Youtube Link - https://www.youtube.com/live/RNn4I7iIaYE?si=3G4W5dh0oCdFnu-T
Instagram Link -  https://bit.ly/3LyfY2l 
Sharechat Link - https://bit.ly/3LCjokI 
Threads Link-  https://www.threads.net/@zeekannadanews 
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.