Actress: ಬಿ ಗ್ರೇಡ್ ಸಿನಿಮಾ, ಬಿಗ್ ಬಾಸ್ ನಲ್ಲಿ 1 ಕೋಟಿ ಸಂಭಾವನೆ.. 16ನೇ ವಯಸ್ಸಿಗೇ ಕಾಸ್ಟಿಂಗ್‌ ಕೌಚ್‌ ಅನಿಭವಿಸಿದ ನಟಿ!!‌

Rashmi Desai net worth: ಒಂದು ಕಾಲದಲ್ಲಿ ಬಡತನದಲ್ಲಿ ದಿನಗಳನ್ನು ಕಳೆದ ನಟಿ ಈಗ ಟಿವಿ ಉದ್ಯಮವನ್ನು ಆಳುತ್ತಿದ್ದಾರೆ. ಚಿತ್ರರಂಗದಲ್ಲಿ ಸೆಲೆಬ್ರಿಟಿ ಆಗಬೇಕು ಎಂಬ ಕನಸಿನೊಂದಿಗೆ ಅನೇಕ ಕಲಾವಿದರು ಮುಂಬೈಗೆ ಬರುತ್ತಾರೆ. ಅನೇಕ ನಿರಾಕರಣೆಗಳನ್ನು ಅರಗಿಸಿಕೊಂಡು, ಕಷ್ಟಪಟ್ಟು ಕೆಲಸ ಮಾಡಿದ ನಂತರ, ಬಣ್ಣದ ಜಗತ್ತಿನಲ್ಲಿ ತಮ್ಮ ಗುರುತನ್ನು ಸೃಷ್ಟಿಸಿಕೊಂಡಿದ್ದಾರೆ. ಅಂತಹ ಒಬ್ಬ ನಟಿಯೇ ರಶ್ಮಿ ದೇಸಾಯಿ. ನಟಿ ರಶ್ಮಿ ದೇಸಾಯಿ 14 ನೇ ವಯಸ್ಸಿನಲ್ಲಿ ಕಾಸ್ಟಿಂಗ್ ಕೌಚ್‌ಗೆ ಬಲಿಯಾದ ನಟಿ ಈಕೆ. ಬಿ ಗ್ರೇಡ್ ಚಲನಚಿತ್ರಗಳಲ್ಲಿ ಕೆಲಸ ಮಾಡಿದ ನಟಿ ಈಗ ಅತಿ ಹೆಚ್ಚು ಸಂಭಾವನೆ ಪಡೆಯುವಷ್ಟರ ಮಟ್ಟಿಗೆ ಸಾಧನೆ ಮಾಡಿದ್ದಾರೆ. 

ಯಾವುದೇ ಹಿನ್ನೆಲೆಯಿಲ್ಲದೆ ತನ್ನ ಸ್ವಂತ ಪ್ರಯತ್ನ ಮತ್ತು ಕಠಿಣ ಪರಿಶ್ರಮದಿಂದ ಕಿರುತೆರೆಯ ಜನಪ್ರಿಯವಾದರವರು. ಇಂದು ಯಶಸ್ಸಿನ ಉತ್ತುಂಗದಲ್ಲಿರುವ ನಟಿಯ ಪಯಣ ಇಂಡಸ್ಟ್ರಿಗೆ ಬಂದ ಹೊಸತರಲ್ಲಿ ಅಷ್ಟು ಸುಲಭವಾಗಿರಲಿಲ್ಲ. ಒಂದು ಕಾಲದಲ್ಲಿ ಬಿ ದರ್ಜೆಯ ಚಿತ್ರಗಳಲ್ಲಿ ಕೆಲಸ ಮಾಡಿದ ನಟಿ ಇಂದು ಟಿವಿ ಉದ್ಯಮದಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆಯುವ ನಟಿಯರಲ್ಲಿ ಒಬ್ಬರು. ಚಿಕ್ಕ ವಯಸ್ಸಿನಲ್ಲಿಯೇ ನಟಿಸಲು ಪ್ರಾರಂಭಿಸಿದರು. ಇಂಡಸ್ಟ್ರಿಯಲ್ಲಿ ಕೆಲಸ ಗಿಟ್ಟಿಸಿಕೊಳ್ಳಲು ಆಕೆ ಅನೇಕ ಹಿನ್ನಡೆಗಳನ್ನು ಸಹಿಸಿಕೊಂಡರು. ಒಂದು ಕಾಲದಲ್ಲಿ ಬಡತನದಲ್ಲಿ ದಿನ ಕಳೆದಿದ್ದ ನಟಿ ಈಗ ಐಷಾರಾಮಿ ಜೀವನ ನಡೆಸುತ್ತಿದ್ದಾರೆ.

ಇದನ್ನೂ ಓದಿ: Kannada celebrity: ಪ್ರೇಮಿಗಳ ಪಾತ್ರ ಮಾಡುತ್ತಲೇ ಲವ್‌ ಮ್ಯಾರೇಜ್‌ ಆದ ಸ್ಯಾಂಡಲ್‌ವುಡ್ ಸೆಲೆಬ್ರಿಟಿಗಳು 

ರಶ್ಮಿ ದೇಸಾಯಿ ಚಿಕ್ಕ ವಯಸ್ಸಿನಲ್ಲೇ ಇಂಡಸ್ಟ್ರಿಗೆ ಎಂಟ್ರಿ ಕೊಟ್ಟ ನಟಿ. 2002 ರಲ್ಲಿ 'ಅಸಾಮಿಯಾ' ಚಿತ್ರದ ಮೂಲಕ ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿದರು. ಆದರೆ ಚಿತ್ರದಲ್ಲಿ ಅವರ ಪಾತ್ರ ಚಿಕ್ಕದಾಗಿತ್ತು. ಅವರು ಹೆಚ್ಚು ಜನಪ್ರಿಯತೆಯನ್ನು ಗಳಿಸಲಿಲ್ಲ. 
ನಂತರ, ರಶ್ಮಿ 2006 ರಲ್ಲಿ ಟಿವಿ ಶೋ 'ರಾವಣ' ಮೂಲಕ ಟಿವಿ ಉದ್ಯಮಕ್ಕೆ ಪದಾರ್ಪಣೆ ಮಾಡಿದರು. ಚಲನಚಿತ್ರಗಳು ಮತ್ತು ಟಿವಿ ಧಾರಾವಾಹಿಗಳಲ್ಲದೆ, ರಶ್ಮಿ ದೇಸಾಯಿ ಭೋಜ್‌ಪುರಿ ಚಲನಚಿತ್ರಗಳು ಮತ್ತು ವೆಬ್ ಸರಣಿಗಳಲ್ಲಿಯೂ ಕೆಲಸ ಮಾಡಿದ್ದಾರೆ. ಬಿ ಗ್ರೇಡ್ ಸಿನಿಮಾಗಳಲ್ಲೂ ನಟಿಸಿದ್ದಾರೆ. ಆದರೆ ರಶ್ಮಿ ದೇಸಾಯಿ ಅವರಿಗೆ ನಿಜವಾದ ಮನ್ನಣೆ ಸಿಕ್ಕಿದ್ದು 'ಉತರನ್' ಎಂಬ ಟಿವಿ ಧಾರಾವಾಹಿಯಿಂದ. ಈ ಧಾರಾವಾಹಿಯಲ್ಲಿ ಅವರು 'ತಪಸ್ಯಾ' ಪಾತ್ರವನ್ನು ನಿರ್ವಹಿಸಿದ್ದಾರೆ. ‘ತಪಸ್ಯಾ’ ಆಗುವ ಮೂಲಕ ನಟಿ ಮನೆಮಾತಾಗಿದ್ದರು.

ತನ್ನ ಹೋರಾಟದ ಬಗ್ಗೆ ಮಾತನಾಡಿದ ರಶ್ಮಿ ದೇಸಾಯಿ, ತನ್ನ ತಾಯಿ ಸಿಂಗಲ್ ಪೇರೆಂಟ್ ಎಂದು ಹೇಳಿದರು. ಚಿಕ್ಕವರಿದ್ದಾಗ ಅವರ ಆರ್ಥಿಕ ಸ್ಥಿತಿ ಚೆನ್ನಾಗಿರಲಿಲ್ಲ. ತಾಯಿ ದಿನನಿತ್ಯ ದುಡಿದ ಮೇಲೆ ಅವರ ಮನೆ ನಡೆಯುತ್ತಿತ್ತು. ಎರಡು ಹೊತ್ತಿನ ಊಟಕ್ಕೂ ಹಣವಿರಲಿಲ್ಲ. ಆದ್ದರಿಂದ ನಟಿ 14 ನೇ ವಯಸ್ಸಿನಿಂದ ಕೆಲಸ ಮಾಡಲು ಪ್ರಾರಂಭಿಸಿದರು. ರಶ್ಮಿ ದೇಸಾಯಿ ಚಿಕ್ಕವರಿದ್ದಾಗ ಜನರು ಅಪಶಕುನವನ್ನು ಹೇಳುತ್ತಿದ್ದರು. ಹಾಗಾಗಿ ಒಮ್ಮೆ ವಿಷ ಸೇವಿಸಿದ್ದರಂತೆ. ಆದರೆ ನಂತರ ತಾನು ಮಾಡಿದ್ದು ದೊಡ್ಡ ತಪ್ಪು ಎಂದು ನಂತರ ಅರಿವಾಯಿತಂತೆ ಎಂದು ಹೇಳಿದ್ದಾರೆ ಎನ್ನಲಾಗಿದೆ.
 
ಇದನ್ನೂ ಓದಿ: WATCH: ಶಾರುಖ್ʼಗೆ ಕಿಸ್‌ ಕೊಟ್ಟ ಅಭಿಮಾನಿ... ಹೇಗಿತ್ತು ನೋಡಿ ಕಿಂಗ್‌ ಖಾನ್‌ ರಿಯಾಕ್ಷನ್!‌! 

ಸಂದರ್ಶನವೊಂದರಲ್ಲಿ ಮಾತನಾಡಿರುವ ನಟಿ ರಶ್ಮಿ ದೇಸಾಯಿ, ತಮ್ಮ ಕಾಸ್ಟಿಂಗ್ ಕೌಚ್ ಅನುಭವವನ್ನು ಹಂಚಿಕೊಂಡಿದ್ದಾರೆ. ಆಡಿಷನ್‌ಗೆ ಹೋದಾಗ ಅಲ್ಲಿದ್ದ ವ್ಯಕ್ತಿಯೊಬ್ಬ  ಪಾನೀಯದಲ್ಲಿ ಡ್ರಗ್ಸ್ ಬೆರೆಸಲು ಯತ್ನಿಸಿದ್ದ ಎಂದು ತಿಳಿಸಿದ್ದಾರೆ. ಆ ಸಮಯದಲ್ಲಿ ಆಕೆಗೆ ಕೇವಲ 16 ವರ್ಷ. ವ್ಯಕ್ತಿ ಆಡಿಷನ್‌ಗೆ ಕರೆ ಮಾಡಿ ಆಹ್ವಾನಿಸಿದ್ದರು. ಸ್ಥಳಕ್ಕೆ ಬಂದಾಗ, ಆಡಿಷನ್‌ಗೆ ಯಾರೂ ಇರಲಿಲ್ಲ. ಕ್ಯಾಮೆರಾ ಇರಲಿಲ್ಲ. ಪಾನೀಯದಲ್ಲಿ ಮಾದಕ ದ್ರವ್ಯ ಹಾಕಿ ಪ್ರಜ್ಞಾಹೀನಳಾಗಿಸುವ ಪ್ರಯತ್ನ ನಡೆದಿದೆ. ಆದರೆ ಆ ವ್ಯಕ್ತಿ ಇದರಲ್ಲಿ ಯಶಸ್ವಿಯಾಗಲಿಲ್ಲ ಎಂದು ಹೇಳಿದ್ದಾರೆ.

ಹಲವಾರು ಅಡೆತಡೆಗಳನ್ನು ದಾಟಿದ ನಂತರ, ರಶ್ಮಿ ದೇಸಾಯಿ ಚಿತ್ರರಂಗದಲ್ಲಿ ದೊಡ್ಡ ಸಾಧನೆ ಮಾಡಿದರು. ಒಂದಾನೊಂದು ಕಾಲದಲ್ಲಿ ಎರಡು ಹೊತ್ತಿನ ಊಟಕ್ಕೂ ಪರದಾಡುತ್ತಿದ್ದ ಈ ನಟಿ ಇಂದು ಕೋಟಿ ಕೋಟಿ ಆಸ್ತಿಯ ಒಡತಿಯಾಗಿದ್ದಾರೆ. ರಶ್ಮಿ ದೇಸಾಯಿ ಟಿವಿ ಉದ್ಯಮದಲ್ಲಿ ಜನಪ್ರಿಯ ಹೆಸರು. ಜೊತೆಗೆ ಕಿರುತೆರೆಯಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆಯುವ ನಟಿಯರಲ್ಲಿ ಒಬ್ಬರು. ಬಿಗ್ ಬಾಸ್ 13 ರಲ್ಲಿ ರಶ್ಮಿ ದೇಸಾಯಿ ಕೂಡ ಭಾರೀ ಜನಪ್ರಿಯತೆಯನ್ನು ಗಳಿಸಿದರು. ವರದಿಗಳ ಪ್ರಕಾರ, ಅವರು ಬಿಗ್ ಬಾಸ್ 13 ರಲ್ಲಿ ಒಂದು ಕೋಟಿಗೂ ಹೆಚ್ಚು ಸಂಭಾವನೆ ವಿಧಿಸಿದ್ದಾರೆ. ಇದಲ್ಲದೆ ರಶ್ಮಿ ದೇಸಾಯಿ ಖತ್ರೋನ್ ಕೆ ಕಿಲಾಡಿ 6 ರಲ್ಲಿ ಸ್ಪರ್ಧಿಯಾಗಿ ಜನಪ್ರಿಯರಾಗಿದ್ದರು. 

ರಶ್ಮಿ ದೇಸಾಯಿ ಅವರ ಬಳಿ ಕೋಟಿಗಟ್ಟಲೆ ಆಸ್ತಿ ಇದೆ. 5 ಫ್ಲಾಟ್‌ಗಳನ್ನು ಹೊಂದಿದ್ದಾರೆ. ಇದಲ್ಲದೇ ಐಷಾರಾಮಿ ಕಾರುಗಳನ್ನು ಅವರು ಹೊಂದಿದ್ದಾರೆ. ವರದಿಗಳ ಪ್ರಕಾರ, ರಶ್ಮಿ ದೇಸಾಯಿ ಅವರ ನಿವ್ವಳ ಮೌಲ್ಯ 10.12 ಕೋಟಿ ರೂ. ಎನ್ನಲಾಗಿದೆ. 

ಇದನ್ನೂ ಓದಿ: Prakash Raj : 'ಫೋಟೋ' ಪ್ರೆಸೆಂಟ್ ಮಾಡ್ತಿದ್ದಾರೆ ಪ್ರಕಾಶ್ ರಾಜ್...ಉತ್ಸವ್ ಗೋನವಾರ ಕನಸಿಗೆ ಜೊತೆಯಾದ ಬಹುಭಾಷಾ ಕಲಾವಿದ

ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ,  ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು 
Twitter Link - https://bit.ly/3n6d2R8
Facebook Link - https://bit.ly/3Hhqmcj 
Youtube Link - https://www.youtube.com/live/RNn4I7iIaYE?si=3G4W5dh0oCdFnu-T
Instagram Link -  https://bit.ly/3LyfY2l 
Sharechat Link - https://bit.ly/3LCjokI 
Threads Link-  https://www.threads.net/@zeekannadanews 
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.