ಸದಾ ಸೋಷಿಯಲ್ ಮಿಡಿಯಾದಲ್ಲಿ ಆಕ್ಟಿವ್ ಆಗಿರುವ ನಿರ್ದೇಶಕ ರಾಮ್ ಗೋಪಾಲ್ ವರ್ಮಾ (RGV tweet on Pushpa Trailer) , ಒಂದಿಲ್ಲೊಂದು ರೀತಿಯಲ್ಲಿ ಸುದ್ದಿಯಲ್ಲಿರುತ್ತಾರೆ. ಇದೀಗ ತೆಲುಗು ಸ್ಟಾರ್ ನಟರಿಗೆ ಸವಾಲೆಸೆಯುವ ಮೂಲಕ ಅವರ ಅಭಿಮಾನಿಗಳ ಕೆಂಗಣ್ಣಿಗೆ ಗುರಿಯಾಗಿದ್ದಾರೆ.
'ಪುಷ್ಪ' (Pushpa) ಚಿತ್ರದ ಟ್ರೈಲರ್ ರಿಲೀಸ್ ಆಗಿದ್ದು, ಅಭಿಮಾನಿಗಳ ನಿರೀಕ್ಷೆ ಹೆಚ್ಚಿಸಿದೆ. ಅಲ್ಲು ಅರ್ಜುನ್ (Allu Arjun) ಅವರ ಬಹುನಿರೀಕ್ಷಿತ ಚಿತ್ರ 'ಪುಷ್ಪ: ದಿ ರೈಸ್' (Pushpa: The Rise) ಚಿತ್ರದ ಒಂದೊಂದು ಅಪ್ಡೇಟ್‌ಗಳು ಮಿಲಿಯನ್ಸ್‌ಗಟ್ಟಲೆ ವೀವ್ಸ್‌ ಪಡೆಯುತ್ತಿವೆ.
ಮೈತ್ರಿ ಮೂವೀ ಮೇಕರ್ಸ್ ಸಂಸ್ಥೆ (Mythri Movie Makers) ಈ ಚಿತ್ರವನ್ನು ಅದ್ದೂರಿಯಾಗಿ ನಿರ್ಮಾಣ ಮಾಡುತ್ತಿದ್ದು, ಅಲ್ಲು ಅರ್ಜುನ್ ರಕ್ತ ಚಂದನ ಕಳ್ಳಸಾಗಾಣಿಕೆ ಮಾಡುವ ಲಾರಿ ಚಾಲಕನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಚಿತ್ರದಲ್ಲಿ ಅಲ್ಲೂ ಅಭಿನಯಕ್ಕೆ ಹೇಗಿರಬಹುದು ಎಂಬುದಕ್ಕೆ ಟ್ರೈಲರ್ ಸಾಕ್ಷಿಯಾಗಿದೆ.
ಇದನ್ನೂ ಓದಿ: Vicky Kaushalಗಿಂತಲೂ ಸಿರಿವಂತೆ Katrina Kaif, ಯಾರ ಬಳಿ ಎಷ್ಟು ಸಂಪತ್ತು?
ಚಿತ್ರದಲ್ಲಿ ನ್ಯಾಷನಲ್ ಕ್ರಷ್‌ ರಶ್ಮಿಕಾ ಮಂದಣ್ಣ (Rashmika Mandanna) ಶ್ರೀವಲ್ಲಿಯಾಗಿ ನಟಿಸಿದ್ದಾರೆ. ಈ ಸಿನಿಮಾದ ಮೇಕಿಂಗ್(Making)ಗೆ ಸಿನಿಮಾರಂಗದ ಗಣ್ಯಾತಿಗಣ್ಯರೇ ಫಿದಾ ಆಗಿದ್ದಾರೆ. ಟ್ರೈಲರ್ ನೋಡಿದ ಸ್ಟಾರ್ಗಳು ಕೂಡ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ.
ಈ ಮಧ್ಯೆ ಸದಾ ವಿವಾದಕ್ಕೀಡಾಗುವ ನಿರ್ದೇಶಕ ರಾಮ್ ಗೋಪಾಲ್ ವರ್ಮಾ (RGV) ಅವರ ಟ್ವೀಟರ್ ಪೋಸ್ಟ್ವೊಂದು ಇದೀಗ ಸಾಕಷ್ಟು ಚರ್ಚೆಗೆ ಗ್ರಾಸವಾಗಿದೆ.
"ನೈಜ ಪಾತ್ರದಲ್ಲಿ ನಟಿಸಲು ಭಯಪಡದ ಏಕೈಕ ಸೂಪರ್ ಸ್ಟಾರ್ ಅಲ್ಲು ಅರ್ಜುನ್. ನಾನು ಪವನ್ ಕಲ್ಯಾಣ್, ಮಹೇಶ್ ಬಾಬು, ಚಿರಂಜೀವಿ, ರಜನಿಕಾಂತ್ ಮತ್ತು ಇತರ ಎಲ್ಲಾ ನಟರಿಗೆ ಸವಾಲು ಮಾಡುತ್ತೇನೆ. ಪುಷ್ಪ ಹೂ ಅಲ್ಲ..ಇದು ಬೆಂಕಿ (PUSHPA is not FLOWER ..it’s FIRE)" ಎಂದು ಟ್ವೀಟ್ ಮಾಡಿದ್ದಾರೆ.
. @alluarjun is the only SUPER STAR who is unafraid of just playing a REALISTIC character and I dare @PawanKalyan @urstrulyMahesh @KChiruTweets @rajinikanth and all other extras to do it ..PUSHPA is not FLOWER ..it’s FIRE https://t.co/bLIdlsG89Y
— Ram Gopal Varma (@RGVzoomin) December 6, 2021
ಅವರ ಪೋಸ್ಟ್ ನೋಡಿ ಸ್ಟಾರ್ ನಟರ ಅಭಿಮಾನಿಗಳು ಅಸಮಾಧಾನಗೊಂಡಿದ್ದಾರೆ. ಹಲವಾರು ನೆಟ್ಟಿಗರು ಮೊದ್ಲು ಪೋಸ್ಟ್ ಡಿಲೀಟ್ ಮಾಡಿ ಎಂದು ಒತ್ತಾಯಿಸುತ್ತಿದ್ದಾರೆ.
