UPI ID Deactivate : UPI (ಯುನಿಫೈಡ್ ಪೇಮೆಂಟ್ ಇಂಟರ್‌ಫೇಸ್) ಅಪ್ಲಿಕೇಶನ್‌ಗಳನ್ನು ಬಳಸುವ ಬಳಕೆದಾರರಿಗೆ ಜನವರಿ 1 ಅತ್ಯಂತ ವಿಶೇಷ ದಿನವಾಗಿದೆ. ಒಂದು ವೇಳೆ ನೀವು 1 ವರ್ಷ ಅಥವಾ ಅದಕ್ಕಿಂತ ಹೆಚ್ಚು ಕಾಲ ಆನ್‌ಲೈನ್ ಪಾವತಿಯನ್ನು ಮಾಡದ UPI ಅಪ್ಲಿಕೇಶನ್ ಬಳಕೆದಾರರಾಗಿದ್ದರೆ, ನಿಮ್ಮ ಖಾತೆಯನ್ನು ಹೊಸ ವರ್ಷದಿಂದ ಅಂದರೆ ಇಂದಿನಿಂದ ಮುಚ್ಚಲಾಗುತ್ತದೆ. ಆದುದರಿಂದ ಇಂದಿನಿಂದ ನೀವು UPI ವಹಿವಾಟುಗಳನ್ನು ಮಾಡಲು ಸಾಧ್ಯವಾಗುವುದಿಲ್ಲ.
NPCI ಹೊರಡಿಸಿದ ಸುತ್ತೋಲೆ :
ಒಂದು ವರ್ಷದಿಂದ ಸಕ್ರಿಯವಾಗಿರದ ಎಲ್ಲಾ UPI ಐಡಿಗಳನ್ನು ಡಿಸೆಂಬರ್ 31, 2023 ರಿಂದ ಮುಚ್ಚಲಾಗುವುದು ಎಂದು ಭಾರತೀಯ ರಾಷ್ಟ್ರೀಯ ಪಾವತಿ ನಿಗಮ (NPCI) ಹೇಳಿದೆ. ಈ ಬಗ್ಗೆ NPCI ಸುತ್ತೋಲೆ ಹೊರಡಿಸಿದೆ. ಟಿಪಿಎಪಿ ಮತ್ತು ಪಿಎಸ್‌ಪಿ ಬ್ಯಾಂಕ್‌ಗಳು ಯುಪಿಐ ಐಡಿ ಮತ್ತು ಸಂಬಂಧಿತ ಯುಪಿಐ ಸಂಖ್ಯೆ ಮತ್ತು ಒಂದು ವರ್ಷದ ಅವಧಿಗೆ ಯಾವುದೇ ಹಣಕಾಸು (ಡೆಬಿಟ್ ಅಥವಾ ಕ್ರೆಡಿಟ್) ಅಥವಾ ಹಣಕಾಸೇತರ ವಹಿವಾಟುಗಳನ್ನು ಮಾಡದ ಗ್ರಾಹಕರ ಫೋನ್ ಸಂಖ್ಯೆಯನ್ನು ಗುರುತಿಸುವ ಅಗತ್ಯವಿದೆ ಎಂದು ಮಾರ್ಗಸೂಚಿಯಲ್ಲಿ ಹೇಳಲಾಗಿದೆ. ಒಂದು ಸಲ ಈ ನಂಬರ್ ಗಳನ್ನು ಗುರುತಿಸಿದ ನಂತರ UPI ಐಡಿ ಮತ್ತು UPI ಸಂಖ್ಯೆಗಳನ್ನು ಆಂತರಿಕ ಕ್ರೆಡಿಟ್ ವಹಿವಾಟುಗಳಿಗಾಗಿ ನಿಷ್ಕ್ರಿಯಗೊಳಿಸಲಾಗುತ್ತದೆ. PSP ಯುಪಿಐ ಮ್ಯಾಪರ್‌ನಿಂದ ಸಂಬಂಧಿತ ಫೋನ್ ಸಂಖ್ಯೆಗಳನ್ನು ರದ್ದುಗೊಳಿಸುತ್ತದೆ.
ಇದನ್ನೂ ಓದಿ : ಭಾರತದಲ್ಲಿ ಜನವರಿ 1 ರಂದು ಚಿನ್ನದ ಬೆಲೆಯಲ್ಲಿ ಏರಿಕೆ: ನಿಮ್ಮ ನಗರ ದರವನ್ನು ಪರಿಶೀಲಿಸಿ!
NPCI,ಅಂದರೆ ನ್ಯಾಷನಲ್ ಪೇಮೆಂಟ್ ಕಾರ್ಪೊರೇಷನ್ ಆಫ್ ಇಂಡಿಯಾ, ಭಾರತದ ಒಂದು ಲಾಭರಹಿತ ಸಂಸ್ಥೆಯಾಗಿದೆ. PhonePe, Google Pay ಮತ್ತು Paytm ನಂತಹ ಎಲ್ಲಾ UPI ಅಪ್ಲಿಕೇಶನ್‌ಗಳು NPCI ಮಾರ್ಗಸೂಚಿಗಳ ಮೇಲೆ ಕಾರ್ಯನಿರ್ವಹಿಸುತ್ತವೆ.
ಈ ಅಪ್ಲಿಕೇಶನ್‌ಗಳ ಮೂಲಕ ಎಲ್ಲಾ ವಹಿವಾಟುಗಳನ್ನು NPCI ನಿಯಂತ್ರಿಸುತ್ತದೆ. ಯಾವುದೇ ರೀತಿಯ ವಿವಾದದ ಸಂದರ್ಭದಲ್ಲಿ NPCI ಸಹ ಮಧ್ಯಸ್ಥಿಕೆ ವಹಿಸುತ್ತದೆ. UPI ಅಪ್ಲಿಕೇಶನ್‌ಗಳ ಮೂಲಕ ಎಲ್ಲಾ ವಹಿವಾಟುಗಳು ಸುರಕ್ಷಿತ ಮತ್ತು ಪಾರದರ್ಶಕವಾಗಿರುವುದನ್ನು ಇದು ಖಚಿತಪಡಿಸುತ್ತದೆ.
ಇದನ್ನೂ ಓದಿ : ವರ್ಷದ ಆರಂಭದಲ್ಲಿಯೇ ಇಳಿದ ಗ್ಯಾಸ್ ದರ : ಹೊಸ ದರ ಇಂದಿನಿಂದಲೇ ಜಾರಿ
NPCI ನಿಯಮಗಳೇನು? :
NPCI ಪ್ರಕಾರ, ಬಳಕೆದಾರರ ಸುರಕ್ಷತೆಯನ್ನು ಹೆಚ್ಚಿಸುವುದು ಈ ಹಂತದ ಉದ್ದೇಶವಾಗಿದೆ. ಅನೇಕ ಬಾರಿ ಬಳಕೆದಾರರು, ತಮ್ಮ ಹಳೆಯ ಮೊಬೈಲ್ ಸಂಖ್ಯೆಯನ್ನು ಡಿಲಿಂಕ್ ಮಾಡದೆಯೇ ಹೊಸ UPI ಐಡಿಯನ್ನು ರಚಿಸುತ್ತಾರೆ. ಇದು ಹಳೆಯ ಐಡಿಯನ್ನು ಬಳಸಿಕೊಂಡು ಬೇರೆಯವರು ವಂಚನೆ ಮಾಡುವ ಅಪಾಯವನ್ನು ಹೆಚ್ಚಿಸುತ್ತದೆ. 1 ವರ್ಷದವರೆಗೆ ಬಳಸದ ಐಡಿಗಳನ್ನು ಮುಚ್ಚುವ ಮೂಲಕ ಈ ಅಪಾಯವನ್ನು ಕಡಿಮೆ ಮಾಡಲಾಗುವುದು ಎಂದು NPCI ನಂಬುತ್ತದೆ.
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://t.co/lCSPNypK2U
Instagram Link - https://bit.ly/3LyfY2l
Sharechat Link - https://bit.ly/3LCjokI
Threads Link- https://www.threads.net/@zeekannadanews ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ
