Haiti Earthquake: હૈતીના દરિયાકાંઠે 7.2 ની તીવ્રતાનો ભૂકંપ, ભારે વિનાશની આશંકા

Haiti Earthquake: શનિવારે હૈતીના દરિયાકાંઠાના વિસ્તારોમાં 7.2 ની તીવ્રતાનો ભૂકંપ અનુભવાયો હતો. યુએસ જિયોલોજિકલ સર્વે અનુસાર, ભૂકંપનું કેન્દ્ર ઉત્તરપૂર્વમાં 12 કિલોમીટર દૂર સેન્ટ લુઇસ ડુ સુદમાં હતું. પોર્ટ ઓફ પ્રિન્સના લોકોને ભૂકંપના આંચકા અનુભવાયા અને તેઓ ભયભીત થઈને રસ્તા પર આવ્યા. પોર્ટ ઓફ પ્રિન્સમાં રહેતી 34 વર્ષીય નાઓમી વર્નિસે જણાવ્યું હતું કે ભૂકંપ એટલો જોરદાર હતો કે હું જાગી ગઇ અને જોયું કે પલંગ પણ ધ્રુજતો હતો.

નાઓમીએ કહ્યું- હું ભૂકંપને કારણે જાગી ગઇ અને જૂતા પહેર્યા વગર મારા ઘરની બહાર દોડી આવી. મેં 2010 નો મોટો ભૂકંપ જોયો છે, તેથી મારી પાસે ભાગવા સિવાય કોઈ વિકલ્પ નહોતો. પાછળથી મને યાદ આવ્યું કે મારા બે બાળકો અને મારી માતા ઘરની અંદર હતા. મારા પડોશીઓ ઘરની અંદર ગયા અને તેમને બહાર લાવ્યા. અમે શેરી તરફ દોડ્યા.

આ પણ વાંચો:- તાલિબાને કહ્યું- અફઘાનમાં 'દૂતાવાસ-રાજદ્વારીઓને કોઈ ખતરો નથી, ભારત માટે કહી આ વાત

ઉલ્લેખનીય છે કે, હૈતીએ ભૂતકાળમાં ગંભીર ભૂકંપ અને તોફાનોનો પણ સામનો કર્યો છે. 2018 માં હૈતીમાં 5.9 ની તીવ્રતાનો ભૂકંપ આવ્યો હતો, જેમાં એક ડઝનથી વધુ લોકો માર્યા ગયા હતા, જ્યારે 2010 માં 7.1 ની તીવ્રતાના ભૂકંપમાં લગભગ ત્રણ લાખ લોકો માર્યા ગયા હતા અને દેશની રાજધાનીમાં મોટા પ્રમાણમાં વિનાશ થયો હતો. નેશનલ હરિકેન સેન્ટર મુજબ, ચક્રવાતી તોફાન ગ્રેસ સોમવારે મોડી રાત્રે અથવા મંગળવારે સવારે હૈતી પહોંચશે.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube