13 માર્ચના સમાચાર

13 માર્ચના સમાચાર News

‘તારીખ કેમ નથી આપતા, મને કેમ બેસાડી રાખો છો?’ કહીને આરોપીએ કર્યું જજનું અપમાન
morbi
‘તારીખ કેમ નથી આપતા, મને કેમ બેસાડી રાખો છો?’ કહીને આરોપીએ કર્યું જજનું અપમાન
મોરબીની ચીફ જયુ. મેજિસ્ટ્રેટની કોર્ટમાં ગઈકાલે કોર્ટની કાર્યવાહી ચાલી રહી હતી. ત્યારે મુદતે હાજર રહેલા આરોપીને પોતાના વકીલ મારફતે અદાલત સમક્ષ રજૂઆત માટે ઉપસ્થિત રહેવા જજે કહ્યું હતું. ત્યારે ઉશ્કેરાઈ ગયેલા આરોપીએ કોર્ટમાં ઉભા થઇને જજની સાથે અભદ્ર વર્તન કરીને અશોભનીય કહેવાય તેવા શબ્દોનો પ્રયાગો કર્યો હતો. આટલું જ નહિ, આરોપીએ કોર્ટમાં વકીલનો કાંઠલો પકડીને તેને જાનથી મારી નાંખવાની ધમકી પણ આપી હતી. જે બનાવના વિરોધમાં આજે મોરબી જિલ્લા બાર એસો.ના સભ્યો કોર્ટ કાર્યવાહીથી દુર રહ્યા છે. તેમજ આ આરોપી વકીલ તરીકે મોરબી બાર એસોસિયેશનના કોઈ સભ્ય નહિ રોકી શકે તેવો ઠરાવ કરવામાં આવ્યો છે.
Mar 13,2020, 15:59 PM IST
ભાજપ-કોંગ્રેસના ઉમેદવારોએ રાજ્યસભા ચૂંટણી માટે ભર્યા ફોર્મ, પણ ભાજપ વિજય મુહૂર્ત ચૂક
Rajyasabha election
ભાજપ-કોંગ્રેસના ઉમેદવારોએ રાજ્યસભા ચૂંટણી માટે ભર્યા ફોર્મ, પણ ભાજપ વિજય મુહૂર્ત ચૂક
ભાજપના ત્રણ ઉમેદવારોએ ફોર્મ ભરતાં રાજ્યસભાની ચૂંટણી (rajyasabha Election) નો જંગ રોમાંચક બન્યો છે. ભાજપના ત્રણેય ઉમેદવારો નરહરિ અમીન, રમીલાબેન બારા અને અભય ભારદ્વાજે ફોર્મ ભર્યા બાદ પોતાના જીતવાની આશા વ્યક્ત કરી હતી. આ પ્રસંગે મુખ્યમંત્રી વિજય રૂપાણી, નાયબ મુખ્યમંત્રી નીતિન પટેલ તથા પ્રદેશ પ્રમુખ જીતુ વાઘાણી ઉપસ્થિત રહ્યા હતા. તો બીજી તરફ, ભરતસિંહ સોલંકી અને શક્તિસિંહ ગોહિલે પણ રાજ્યસભાના ઉમેદવાર તરીકેનું ફોર્મ ભર્યું હતું. ભરતસિંહે દાવો કર્યો હતો કે, કોંગ્રેસના બંને ઉમેદવાર જીતશે. જોડતોડની રાજનીતિનો વિજય નહિ થાય.  
Mar 13,2020, 15:29 PM IST
બંગાળને હરાવીને સૌરાષ્ટ્રનો શાનદાર વિજય, Ranji Trophy જીતી ઈતિહાસ સર્જ્યો
Ranji trophy
બંગાળને હરાવીને સૌરાષ્ટ્રનો શાનદાર વિજય, Ranji Trophy જીતી ઈતિહાસ સર્જ્યો
રણજી ટ્રોફી (ranji trophy) ફાઇનલમાં સૌરાષ્ટ્રની ટીમનો પ્રથમ વખત વિજય થયો છે. બંગાળ અને સૌરાષ્ટ્ર (#SAUvsBEN) વચ્ચે ફાઇનલ મેચમાં સૌરાષ્ટ્રએ શાનદાર જીત મેળવી છે. પ્રથમ ઇનિંગમાં સૌરાષ્ટ્રની ટીમે 10 વિકેટ ગુમાવી 425 રન બનાવ્યા હતા. જેની સામે બંગાળની ટીમે 10 વિકેટ ગુમાવી 381 રન કર્યા હતા. પ્રથમ ઇનિંગમાં અર્પિત વસાવડાની સદી અને ચેતેશ્વર પૂજારા સહિત 3 ખેલાડીઓની અર્ધ સદીથી સૌરાષ્ટ્ર (saurastra) ને જીત મળી છે. તો ફાસ્ટ બોલર જયદેવ ઉનડકટની કેપ્ટનશિપ અંતર્ગત  સૌરાષ્ટ્રની ટીમે આ જીત મેળવી હતી. ઉલ્લેખનીય છે કે, છેલ્લા 8 વર્ષમાં સૌરાષ્ટ્રની ટીમ ચાર વખત ફાઇનલ સુધી પહોંચી હતી. સતત ત્રણવાર ફાઇનલમાં હાર બાદ આજે સૌરાષ્ટ્રની ટીમ ચોથી ફાઇનલ મેચમાં શાનદાર જીત મેળવી શકી હતી. 
Mar 13,2020, 15:03 PM IST
શિક્ષણધામ MSUમાં કોમર્સ ફેકલ્ટીના પરિણામ મુદ્દે થઈ છુટ્ટા હાથની મારામારી
Vadodara
શિક્ષણધામ MSUમાં કોમર્સ ફેકલ્ટીના પરિણામ મુદ્દે થઈ છુટ્ટા હાથની મારામારી
વડોદરાની એમ. એસ. યુનિવર્સિટીની હેડ ઓફિસ પર સતત બીજા દિવસે વિદ્યાર્થીઓ અને યુનિવર્સિટીના વિજિલન્સના જવાનો વચ્ચે છુટ્ટા હાથની મારામારી થતાં હડકંપ મચી જવા પામ્યો છે. કોમર્સ ફેકલ્ટીના વિદ્યાર્થીઓનું પરિણામ 70 દિવસ બાદ પણ ન આવતા વિદ્યાર્થીઓ રોષે ભરાયાં છે. 
Mar 13,2020, 14:34 PM IST
ક્યારેક 5 રૂપિયા માટે ખેતમજૂરી કરતા હતા, આજે આ મહિલા છે અમેરિકન કંપનીની CEO
jyothi reddy
ક્યારેક 5 રૂપિયા માટે ખેતમજૂરી કરતા હતા, આજે આ મહિલા છે અમેરિકન કંપનીની CEO
કહેવાય છે કે, જો તમારા ઈરાદા પાક્કા અને નેક હોય તો સફળતા ઝક મારીને પાછળ આવે છે. આવુ જ કંઈક સાબિત કર્યું છે જ્યોતિ રેડ્ડીએ. ખેતરમાં મજૂરીથી લઈને તેમણે મર્સિડીઝ બેન્ઝ સુધી સફર કેવી રીતે પાર પાડી તેના પર તો એક ફિલ્મ બને તેવી છે. આજે તે લાખો લોકોની મિસાલ બની ચૂકી છે. આજે તે કી સોફ્ટવેર સોલ્યુશનની સીઈઓ બની ગયા છે. 
Mar 13,2020, 13:53 PM IST
જેટકોની ટીમે લાખ પ્રયાસો કર્યા, છતાં હાઈન્ટેશન લાઈન પર ચઢેલા આઠ વાનર સળગીને મર્યાં
netrang
જેટકોની ટીમે લાખ પ્રયાસો કર્યા, છતાં હાઈન્ટેશન લાઈન પર ચઢેલા આઠ વાનર સળગીને મર્યાં
નેત્રંગના મોટામાલપોર ગામે અત્યંત આઘાતજનક બનાવ બન્યો હતો. હાઈન્ટેન્શન લાઈન પર વાનરોનું ટોળું ચઢી જતા એકસાથે આઠ જેટલા વાનરો મોતને ઘાટ ઉતર્યા હતા. હાઈન્ટેન્શન ટાવરની નીચે વાનરોના મૃતદેહ મળી આવતા અરેરાટી ફેલાઈ ગઈ હતી. તો સાથે જ પ્રાણીપ્રેમીઓમાં પણ દુખની લાગણી ફેલાઈ ગઈ હતી. 
Mar 13,2020, 12:14 PM IST
સુરત : બાથરૂમમાં જવાનું કહીને આરોપીએ તીક્ષ્ણ હથિયારથી પોતાને ઈજા પહોંચાડી
surat
સુરત : બાથરૂમમાં જવાનું કહીને આરોપીએ તીક્ષ્ણ હથિયારથી પોતાને ઈજા પહોંચાડી
:સુરત ના વરાછા પોલીસ મથકમાં આરોપીએ આપઘાતનો પ્રયાસ કરતા પોલીસ દોડતી થઈ ગઈ છે. બાથરૂમ જવાનું કહી આરોપીએ ગળાના ભાગે કોઈક કારણોસર તીક્ષ્ણ સાધન વડે ગંભીર ઇજા પહોંચાડી હતી. જ્યાં બાદમાં આરોપીને તાત્કાલિક સારવાર અર્થે પોલીસ સ્મીમેર હોસ્પિટલ લઈ આવી હતી. હાલ આરોપીની હાલત સુધારા પર હોવાનું જાણવા મળ્યું છે. વરાછા પોલીસ મથકમાં આરોપીના આપઘાતનો પ્રયાસ થતા પોલીસના ઉચ્ચ અધિકારીઓ દોડતા થઈ ગયા હતા.
Mar 13,2020, 11:49 AM IST
છીછીછી..... ટોયલેટમાં ધોવાયું ફ્રેન્ચ ફ્રાઈઝનું ફ્રાયર, ગુજરાતનો છે આ વીડિયો
Viral Video
છીછીછી..... ટોયલેટમાં ધોવાયું ફ્રેન્ચ ફ્રાઈઝનું ફ્રાયર, ગુજરાતનો છે આ વીડિયો
રેસ્ટોરન્ટ્સ અને હોટલના સંચાલકો ગ્રાહકોના હેલ્થ સાથે કેવા કેવા ચેડા કરે છે તેવા પુરાવા છાશવારે મળતા રહે છે. પૂરતા રૂપિયા ચૂકવ્યા છતાં લોકોને હેલ્ધી ફૂડ પિરસાતું નથી. ત્યારે હવે વધુ એક ચોંકાવનારો વીડિયો સામે આવ્યો છે. વલસાડના ખાનગી મલ્ટીપ્લેક્સ સિનેમાનો વીડિયો વાયરલ થયો છે. જે ખરેખર ચોંકાવનારો છે. ફ્રેન્ચ ફ્રાઈઝનું ફ્રાયર ટોયલેટમાં ધોવાતું હોવાનો વીડિયો વાઇરલ થયો છે. ખાવાની વસ્તુ જેમાં બનતી હોય એ સૌથી વધુ અનહાઇજેનિક જગ્યા પર ધોવાઈ રહી છે. ત્યારે આ વીડિયો વલસાડ રાજહંસ સિનેમાનો હોવાની પુષ્ટિ થઈ છે. 
Mar 13,2020, 10:54 AM IST
ફોર્મ ભરતા પહેલા નરહરિ અમીનનો કોંગ્રેસને ટોણો, ‘તમારો આંતરિક મતભેદ ભાજપને જીતાડશે...
Rajyasabha election
ફોર્મ ભરતા પહેલા નરહરિ અમીનનો કોંગ્રેસને ટોણો, ‘તમારો આંતરિક મતભેદ ભાજપને જીતાડશે...
રાજ્યસભાની ચૂંટણી (rajyasabha Election) માટે ફોર્મ ભરવાનો છેલ્લો દિવસ છે. ત્યારે ભાજપ અને કોંગ્રેસના ઉમેદવારો ફોર્મ ભરશે. ભાજપમાંથી અભય ભારદ્વાજ, રમીલાબેન બારા અને નરહરિ અમીન ફોર્મ ભરશે, તો કોંગ્રેસમાંથી શક્તિસિંહ ગોહિલ, ભરતસિંહ સોલંકી ફોર્મ ભરશે. રાજ્યસભાના જંગમાં ભાજપના ત્રીજા ઉમેદવાર નરહરિ અમીને (narhari amin) પોતાની જીતનો વિશ્વાસ વ્યક્ત કર્યો હતો. તેમણે કહ્યું હતું કે, ભાજપના ત્રણેય ઉમેદવારની જીત થશે, અને કોંગ્રેસના મિત્રો પણ મને મત આપશે. તથા કોંગ્રેસની નારાજગીનો અમને લાભ મળશે. 
Mar 13,2020, 10:31 AM IST
વડોદરામાં 40 હજારની મેદની વચ્ચે પીએમ મોદી સભા સંબોધશે, આવો છે આખો કાર્યક્રમ
statue of unity
વડોદરામાં 40 હજારની મેદની વચ્ચે પીએમ મોદી સભા સંબોધશે, આવો છે આખો કાર્યક્રમ
સ્ટેચ્યુ ઓફ યુનિટી (statue of unity) પાસે પ્રવાસીઓ માટે એક નવું નજરાણુંનો ઉમેરો કરવામાં આવ્યો છે. પ્રવાસીઓ માટે ખાસ ક્રુઝ નદીમાં મૂકાઈ છે. 21 માર્ચના રોજ પીએમ નરેન્દ્ર મોદી (narendra modi) આ ક્રુઝનું લોકર્પણ કરશે. ત્યારે આ સાથે જ વડાપ્રધાન મોદી વડોદરામાં એક જનસભાને સંબોધવાના છે. વડોદરાના નવલખી મેદાનમાં 40 હજારની મેદની વચ્ચે પીએમ મોદી સભાને સંબોધશે. આ કાર્યક્રમ નમસ્તે ટ્રમ્પના કાર્યક્રમની જેમ ભવ્ય હશે. 
Mar 13,2020, 9:52 AM IST
ભયંકર વાયરલ થયું આ પાકિસ્તાની ગીત, જેની શરૂઆતમાં લેવાય છે હિન્દુસ્તાનનું નામ
Pakistani Song
ભયંકર વાયરલ થયું આ પાકિસ્તાની ગીત, જેની શરૂઆતમાં લેવાય છે હિન્દુસ્તાનનું નામ
પાકિસ્તાની સુપરસ્ટાર માહિરા ખાન (Mahira Khan) નું એક ગીત હાલ સોશિયલ મીડિયા પર તેજીથી વાયરલ થઈ રહ્યું છે. જેમાં દુલ્હનના અવતારમાં જોવા મળી રહી છે. હકીકતમાં, આ ગીત આંતરરાષ્ટ્રીય મહિલા દિવસ (International Women’s Day 2020) ના પ્રસંગે રિલીઝ કરવામાં આવ્યું હતું. જેમાં જેન્ડર ઈક્વાલિટીને બહુ જ સાદગીથી સમજાવવામાં આવી છે, 8 માર્ચના રોજ રિલીઝ થયેલું આ પાકિસ્તાની ગીત (Pakistani Song) ભારતીયોને પણ બહુ જ પસંદ આવી રહ્યું છે. આ જ કારણ છે કે ભારતીયો પણ આ ગીતને શેર કરવાથી રોકી શક્યા નથી. ફેસબુકથી લઈને ટ્વિટર, ઈન્સ્ટાગ્રામ સુધી આ ગીતની ધૂમ મચી છે. 
Mar 13,2020, 9:33 AM IST
સોનાથી લદાયેલા દાગીના સાથે હોળીએ ગરબે ઘૂમી મહેર સમાજની મહિલાઓ...
Holi
સોનાથી લદાયેલા દાગીના સાથે હોળીએ ગરબે ઘૂમી મહેર સમાજની મહિલાઓ...
હોળી-ધૂળેટીને ગુજરાત અને ખાસ કરી સૌરાષ્ટ્રમાં 'હુતાસણી'ના નામે પણ ઓળખવામાં આવે છે. હોળી (Holi) ના બીજા દિવસ ધુળેટીને 'પડવો' કહેવામાં આવે છે. પોરબંદર (Porbandar) જિલ્લા સહિત અમુક વિસ્તારોમાં હોળી પછીનાં બે કે ત્રણ દિવસ આ તહેવાર ઉજવાય છે, જેને 'બીજો પડવો' અને 'ત્રીજો પડવો' કહેવામાં આવે છે. પોરબંદર જિલ્લાના પણ ઘણા ગામડાઓમાં ત્રણ પડવા મહેર સમાજ દ્વારા પરંપરાગત બહેનોના રાસડા તેમજ ભાઈઓ મણીયારો (maniyaro) રાસ રમે છે. પોરબંદર જિલ્લાના બખરલા ગામે પણ વર્ષોથી હોળી-ધૂળનીના પર્વ પર પારંપરિક પોષાકમા સજ્જ થઇને રાસ રમવાની પ્રથા જાળવી રાખી છે.
Mar 13,2020, 8:50 AM IST
રોમાંચક બની રહેલી રાજ્યસભાની ચૂંટણીમાં ભાજપે ત્રીજા ઉમેદવારની કરી જાહેરાત
Rajyasabha election
રોમાંચક બની રહેલી રાજ્યસભાની ચૂંટણીમાં ભાજપે ત્રીજા ઉમેદવારની કરી જાહેરાત
ગુજરાતમાં રાજ્યસભાની ચૂંટણી (rajyasabha Election) હવે ભારે રોમાંચક બની રહેવાની છે. રાજ્યસભા ચૂંટણીમાં ભાજપે ત્રીજા ઉમેદવારનું નામ જાહેર કર્યું છે. ત્રીજા ઉમેદવાર તરીકે નરહરિ  અમીન (narhari amin) ના નામની જાહેરાત કરાઈ છે. આમ, ભાજપે રાજ્યસભાની ચૂંટણી માટે ત્રણ ઉમેદવારના નામો જાહેર કરી દીધા છે. ભાજપે અગાઉ સત્તાવાર રીતે 2 ઉમેદવારના નામ જાહેર કર્યા હતા. બાદમાં કોગ્રેસના ઉમેદવાર જાહેર થયા બાદ ત્રીજા ઉમેદવારને મેદાનમાં ઉતાર્યા હતા. ત્યારે રાજ્યસભાની ચૂંટણીમાં આજે ફોર્મ ભરવાનો છેલ્લો દિવસ છે. ભાજપના ત્રણેય ઉમેદવાર અભય ભારદ્વાજ, રમીલાબેન બારા અને નરહરી અમીન ફોર્મ ભરશે. તો કોંગ્રેસ તરફથી ભરતસિંહ સોલંકી અને શક્તિસિંહ ગોહિલ ઉમેદવારી નોંધાવશે. બંને પાર્ટીના ઉમેદવારો વિજય મૂહુર્તમાં ફોર્મ ભરશે. નોંધીનીય છે કે, આજે ઉમેદવારી ફોર્મ ભરવાનો છેલ્લો દિવસ છે, અને 26 માર્ચે રાજ્યસભાની ચૂંટણી છે.
Mar 13,2020, 8:25 AM IST

Trending news