1 માર્ચના સમાચાર

1 માર્ચના સમાચાર News

કમરના ઠુમકા લગાવીને મસ્ત સ્ટાઈલમાં આ એક્ટ્રેસે કર્યો ટુવાલ ડાન્સ
Kundali Bhagya
કમરના ઠુમકા લગાવીને મસ્ત સ્ટાઈલમાં આ એક્ટ્રેસે કર્યો ટુવાલ ડાન્સ
કુંડલી ભાગ્ય ફેમ શ્રદ્ધા આર્યાએ હાલમાં જ એક વીડિયો પોસ્ટ કર્યો છે. જેમાં તે પોતાના મિની વેકેશનને કેવી રીતે એન્જોય કરે છે તે બતાવી રહી છે. શ્રદ્ધાએ જે વીડિયો પોસ્ટ કર્યો છે. તેમાં તે હિના પરમારની સામે ટુવાલ ડાન્સ કરતી નજર આવી રહી છે. આ વીડિયો સોશિયલ મીડિયા પર વાયરલ થઈ ચૂક્યો છે.
Mar 1,2020, 17:28 PM IST
મહીસાગરમાં વનવિભાગે જંગલમાં વાઘ હોવાનો દાવો નકાર્યો
tiger
મહીસાગરમાં વનવિભાગે જંગલમાં વાઘ હોવાનો દાવો નકાર્યો
મહીસાગરમાં વનવિભાગે જંગલમાં વાઘ હોવાનો દાવો નકાર્યો છે. મહીસાગરના DFO આર ડી જાડેજાએ આ દાવો કર્યો છે. કારણ કે, જંગલમાં 3 જગ્યાએથી દીપડાના પંજાના નિશાન મળ્યા છે. જંગલમાં 55 કિલોમીટર સુધી DFO એ તપાસ કરી હતી. કંતારથી સંતના જંગલ સુધી તપાસ આદરાઇ હતી. સાંજે 4 જેટલા સ્થળો પર નાઈટ વિઝન કેમેરા લગાવશે.
Mar 1,2020, 16:00 PM IST
રાજકોટમાં તરછોડાયેલી અંબાની મુલાકાત લેવા પહોંચ્યા સીએમ રૂપાણી
vijay rupani
રાજકોટમાં તરછોડાયેલી અંબાની મુલાકાત લેવા પહોંચ્યા સીએમ રૂપાણી
મુખ્યમંત્રી વિજય રૂપાણીએ રાજકોટના ઠેબચડામાંથી ગામની સીમમાંથી મળી આવેલી નવજાત બાળકીની મુલાકાત લીધી. બાળકીના સ્વાસ્થ્ય વિશે મુખ્યમંત્રીએ જાણકારી મેળવી. બાળકીની તમામ સારવારનો ખર્ચ સરકાર ઉઠાવશે. મુખ્યમંત્રીએ બાળકીની સારામાં સારી સારવાર કરાવવાની સૂચના આપી છે. હાલ બાળકીની હાલત સ્થિર છે. ઠેબચડા ગામની સીમમાંથી બે દિવસની બાળકી મળી આવી હતી. હાલ તેનો કબજો કલેક્ટરની ચાઈલ્ડ વેલ્ફેર કમિટીએ સંભાળ્યો છે. તેને ખાનગી હૉસ્પિટલમાં ખસેડવામાં આવી છે. નવજાત બાળકીનું નામ રાજકોટ શહેર પોલીસ કમિશનરે અંબા રાખ્યું છે.
Mar 1,2020, 16:00 PM IST
પાણી ન મળતા કંટાળેલા ખેડૂતે જીરાનો વાવેલો પાક કાઢી નાંખ્યો
banaskantha
પાણી ન મળતા કંટાળેલા ખેડૂતે જીરાનો વાવેલો પાક કાઢી નાંખ્યો
બનાસકાંઠાના ખેડૂત ખુદ પોતાનો પાકનો નાશ કરવા માટે મજબૂર થયા છે. પાકની વાવણી પાછળ કરવામાં આવેલો લાખોનો ખર્ચ ખેડૂતોને ભારે પડી રહ્યો છે. વાવના ચોથાનેસડા ગામમાં ખેડૂતે કંટાળીને પોતાના ખેતરમાં વાવેલો જીરાનો પાક કાઢી નાખ્યો. છેલ્લા 60 દિવસથી ચોથાનેસડા માઈનોર કેનાલમાંથી ખેડૂતોને પાણી નહોતું મળ્યું. જેના કારણ પાક સુકાઈ ગયો. અને આખરે ખેડૂત ગોવિંદસિંહ રાજપૂતે જીરાનો પાક કાઢી નાખ્યો. તેમણે વાવેતર પાછળ કરેલો 2 લાખનો ખર્ચ પાણીમાં ગયો. કેનાલથી જલ્દી પાણી પુરું પાડવામાં આવે તેની માંગ ખેડૂતો કરી રહ્યા છે.
Mar 1,2020, 16:00 PM IST
દારૂબંધીના મુદ્દે ભાજપ અને કોંગ્રેસ આમનેસામને....
liquor party Video viral
દારૂબંધીના મુદ્દે ભાજપ અને કોંગ્રેસ આમનેસામને....
ગઈકાલે કચ્છના મુન્દ્રામાં પ્રસંગમાં દારૂ પીને છાટકા કરતા યુવકોનો વીડિયો વાયરલ થયો છે. આ વીડિયો સામે આવ્યા બાદ રાજકારણ ગરમાયું હતું. દારૂબંધી બાદ કોંગ્રેસ અને ભાજપે શું કહ્યું જાણીએ...
Mar 1,2020, 15:35 PM IST
દારૂબંધીના લીરેલીરા ઉડવા મામલે કોંગ્રેસ પ્રદેશ પ્રમુખ અમિત ચાવડાએ કહ્યું કે....
liquor party Video viral
દારૂબંધીના લીરેલીરા ઉડવા મામલે કોંગ્રેસ પ્રદેશ પ્રમુખ અમિત ચાવડાએ કહ્યું કે....
રાજ્યબંધીમાં દારૂબંધીના લીરેલીરો ઉડવા મામલે કોંગ્રેસ પ્રદેશ પ્રમુખ અમિત ચાવડાએ નિવેદન આપ્યું છે. અમિત ચાવડાએ કહ્યું કે, હપ્તા લેવાના કારણે રાજ્યમાં દારૂની આવક બંધ નથી થઈ રહી. સરકાર માત્ર મોટી મોટી વાતો જ કરે છે. પણ કોઈ પગલાં નથી લેતી. ઉલ્લેખનીય છે કે, અમિત ચાવડાનું નિવેદન ગઈકાલે કચ્છના મુન્દ્રામાંથી દારૂની પાર્ટીના વાયરલ થયેલા વીડિયો બાદ આવ્યો છે.
Mar 1,2020, 15:20 PM IST
ફાસ્ટેગ બંધ થયા બાદ વડોદરા-હાલોલ સ્ટેટ હાઈવે પર ZEE 24 કલાકનું રિયાલિટી ચેક
FASTag
ફાસ્ટેગ બંધ થયા બાદ વડોદરા-હાલોલ સ્ટેટ હાઈવે પર ZEE 24 કલાકનું રિયાલિટી ચેક
આજથી ફાસ્ટ ટેગની ફ્રી સેવા પૂર્ણ થઈ ગઈ છે. જોકે વડોદરા હાલોલ સ્ટેટ હાઈવે પર ફાસ્ટ ટેગનો અમલ નથી શરૂ થયો. વડોદરા-હાલોલ સ્ટેટ હાઈવે પર ZEE 24 કલાકે રિયાલિટી ચેક કરતા આ હકીકત સામે આવી છે. ફાસ્ટટેગની સિસ્ટમ ન હોવાથી ભારે વાહનચાલકોને રોકડથી ટોલ ટેક્સ ચૂકવવો પડી રહ્યો છે. ટ્રકના કાચ પર ફાસ્ટ ટેગ લાગ્યા હોવા છતા પણ ટોલ ટેક્સ ચૂકવવો પડી રહ્યો છે. જેથી બને એટલી જલ્દી ફાસ્ટ ટેગ શરૂ કરવાની માંગ ઉઠી રહી છે. મહત્વનું છે કે, આજથી ફ્રી ફાસ્ટ ટેગની સુવિધા બંધ થઈ ગઈ છે. વાહન ચાલકોએ હવે ફાસ્ટ ટેગ ખરીદવા માટે ચાર્જ ચૂકવવો પડશે.
Mar 1,2020, 15:20 PM IST
વાઘની દહેશત વચ્ચે ઝી 24 કલાકનો ખાસ રિપોર્ટ, 3.5 કિલોમીટર ચાલીને જંગલમાં પહોંચી ટીમ
tiger
વાઘની દહેશત વચ્ચે ઝી 24 કલાકનો ખાસ રિપોર્ટ, 3.5 કિલોમીટર ચાલીને જંગલમાં પહોંચી ટીમ
મહીસાગર જિલ્લાનાં જંગલોમાં વાઘ હોવાના સમાચાર વહેતા થતાં ઝી 24 કલાકની ટીમ મહીસાગરના કંતાર ગામ પહોંચી... જ્યાંથી સાડા ત્રણ કિલોમીટર ચાલી ઝી 24 કલાકની ટીમ જંગલની અંદર પહોંચી... મહિસાગરના વાઘે એક ભૂંડનું મારણ કર્યું હોવાની ચર્ચાએ પણ જોર પકડ્યું છે... હાલ જંગલ વિભાગની ટીમ તપાસ કરી રહી છે... જો કે જૈસોલા પંચાયતના સરપંચ અને વન વિભાગ વાઘ હોવા અંગે ઈનકાર કરી રહ્યું છે... ગામલોકોએ ઝી 24 કલાકને જણાવ્યું કે, રાત્રે વાઘ જેવો અવાજ સંભળાય છે... જંગલમાં ઝાડ પર પંજાનાં નિશાન મળી આવતાં લોકોને આશંકા છે કે જંગલમાં ફરીથી વાઘ પાછો આવી પહોંચ્યો છે. મહીસાગર જિલ્લાના જંગલમાં એક વર્ષ પહેલાં જે જગ્યાએથી વાઘનો મૃતદેહ મળ્યો હતો એ જ જગ્યાએ ફરીથી વાઘના પંજાનાં નિશાન મળી આવતાં સમગ્ર પંથકમાં ફફડાટ વ્યાપી ગયો છે.
Mar 1,2020, 15:15 PM IST
ઝી 24 કલાકના ખાસ પ્રોગ્રામ શક્તિમાં જુઓ અનાર પટેલની સક્સેસ સ્ટોરી...
Anar Patel
ઝી 24 કલાકના ખાસ પ્રોગ્રામ શક્તિમાં જુઓ અનાર પટેલની સક્સેસ સ્ટોરી...
ઝી 24 કલાકના ખાસ પ્રોગ્રામ શક્તિમાં જુઓ ગુજરાતના પૂર્વ મુખ્યમંત્રી આનંદીબેનના પુત્રી, સમાજસેવિકા તથા મહિલા આંત્રપ્રિન્યોર અનાર પટેલ સાથેની ખાસ વાતચીત...
Mar 1,2020, 15:15 PM IST
ચોંકાવનારા સમાચાર : કચ્છમાં માત્ર 7 માદા સારસ બચ્યાં છે
Kutch
ચોંકાવનારા સમાચાર : કચ્છમાં માત્ર 7 માદા સારસ બચ્યાં છે
બિન્ની ઘાસના મેદાનમાં એકસાથે 300 સાંઢાની કતલ બાદ ગુજરાતની જનતાને બીજા ચોંકાવી દેનારા સમાચાર મળ્યા છે. કચ્છમાં માત્ર 7 સારસ માદા પક્ષી અસ્તિત્વમાં છે. કચ્છમાં કુલ સારસ પક્ષીઓની સંખ્યા માત્ર 150 જ બચી છે. કચ્છમાં સારસ પછી સાંઢાના અસ્તિત્વ પર ખતરો મંડરાઈ રહ્યો છે. કચ્છના સાંઢાની પાકિસ્તાનમાં તસ્કરી થઈ રહી છે. તસ્કરી મામલે વન વિભાગ નહિ જાગે તો સાંઢા અને સારસ ખતમ થઈ જશે.
Mar 1,2020, 13:45 PM IST
ભરૂચ શહેરની વચ્ચોવચ ખુલ્લેઆમ વેચાતો વીડિયો થયો વાયરલ
ભરૂચ
ભરૂચ શહેરની વચ્ચોવચ ખુલ્લેઆમ વેચાતો વીડિયો થયો વાયરલ
ભરૂચમાં ફરી એકવાર દારૂબંધીના ઉડ્યા લીરેલીરા ઉડ્યા છે. શહેરની વચ્ચે ખુલ્લેઆમ વેચાતો દારૂનો વીડિયો વાયરલ થયો છે. વીડિયો શહેરના ઈન્દિરાનગર વિસ્તારનો હોવાનું અનુમાન છે. 24 કલાકના ગાળામાં કચ્છ અને સુરતમાં પણ દારૂબંધીના લીરેલીરા ઉડાવતા વીડિયો સામે આવ્યા હતા. ગઈકાલે કચ્છમાં દારૂની રેલમછેલ ઉડતી હોવાનો વીડિયો વાયરલ થયો હતો. તો સુરતમાં 29 લીપ યર પાર્ટીમાં દારૂની મહેફિલ માણતા 52 નબીરાઓ ઝડપાયા હતા. એક બાદ એક થતા દારૂના વાયરલ વીડિયોએ પોલીસ વિભાગની કામગીરી પર અનેક સવાલ ઉઠાવ્યા છે.
Mar 1,2020, 13:45 PM IST
કુપોષિત બાળકોને બચાવવા માટે રાજ્યમાં શરૂ કરાયું નવુ અભિયાન
malnutrition
કુપોષિત બાળકોને બચાવવા માટે રાજ્યમાં શરૂ કરાયું નવુ અભિયાન
કુપોષણ આપણા માટે મોટી ચેલેન્જ છે. આ નિવેદન આપ્યું છે મુખ્યમંત્રી વિજય રૂપાણીએ.... ગુજરાત કુપોષણ અભિયાન કાર્યક્રમમાં ઉપસ્થિત રહેલા મુખ્યમંત્રી વિજય રૂપાણીએ જણાવ્યું કે, રાજ્ય સરકારે કુપોષણ સામે લડવા પાલક-વાલી કાર્યક્રમનું આયોજન કર્યું છે. જે અંતર્ગત 145 વાલીઓ કુપોષિત બાળકોને દત્તક લઈને કુપોષિત બાળકોના પાલક વાલીઓ બન્યા છે. સીએમએ પોતાના મતવિસ્તારના કુપોષિત બાળકોના પાલક વાલીઓ સાથે સંવાદ કર્યો હતો. તેમણે જણાવ્યું કે, ગુજરાત હવે ઉત્તમથી સર્વોત્તમ તરફ આગળ વધી રહ્યું છે. બે વર્ષ સુધી ગુજરાત પોષણ અભિયાન ચલાવવામાં આવશે તેમ તેમણે જણાવ્યું. ઉલ્લેખનીય છે કે, સીએમ રૂપાણીના મતવિસ્તાર વિધાનસભા બેઠક 69માં 145 બાળકો કુપોષિત છે. જે પૈકી 15 બાળકો પોષિત બન્યા છે.
Mar 1,2020, 13:45 PM IST
દારૂ પર પ્રતિબંધ છે, તો દારૂને પ્રોત્સાહન આપતા ગીતો પર કેમ નહિ?
liquor party Video viral
દારૂ પર પ્રતિબંધ છે, તો દારૂને પ્રોત્સાહન આપતા ગીતો પર કેમ નહિ?
કચ્છના મુન્દ્રામાં રમાયેલા દારૂરાસનો વીડિયો વાયરલ થયો છે. દારૂ પર પ્રતિબંધ તો પછી દારૂને પ્રોત્સાહન આપતાં ગીતો પર રોક કેમ નહિ? કચ્છના મુન્દ્રામાં હિંદી ફિલ્મ તિંરગાના ગીતને ગુજરાતી ડીજેના તાલે ગવાયું તો રાકેશ બારોટનું એક ગીત દારૂ પીધો પણ ખૂબ ગવાઈ રહ્યું છે. લગ્ન પ્રસંગમાં દારૂ પીધો ગીત દાંડિયા રાસ હોય ત્યાં અને વરઘોડામાં ખૂબ ગવાય છે. દારૂબંધી માટે લાખ પ્રયાસો થાય છે, પરંતુ દારૂ પરનાં ડીજે ગીતો તેને પ્રોત્સાહન આપી રહ્યાં છે. અને એમાંય લગ્નમાં દારૂનાં ગીતો પર નાચવાનો ઘાતક ટ્રેન્ડ જે શરૂ થયો છે તે ખૂબ જ ચોંકાવનારો છે.
Mar 1,2020, 12:20 PM IST
દારૂ રાસ વીડિયો વાયરલ થયા બાદ મુન્દ્રા પોલીસ હરકતમાં આવી, 6 સામે ફરિયાદ નોંધાઈ
liquor party Video viral
દારૂ રાસ વીડિયો વાયરલ થયા બાદ મુન્દ્રા પોલીસ હરકતમાં આવી, 6 સામે ફરિયાદ નોંધાઈ
મુન્દ્રામાં દારૂ રાસનો વીડિયો આખા ગુજરાતમાં વાયરલ થયો છે. ત્યારે હવે આ વીડિયો વાયરલ થયા બાદ પોલીસ પણ હરકતમાં આવી ગઈ છે. પશ્ચિમ કચ્છ પોલીસે નોંધી 6 લોકો સામે ફરિયાદ નોંધાઈ છે. મુન્દ્રા પોલીસ સ્ટેશનમાં પ્રોહિબિશન એક્ટ હેઠળ ફરિયાદ દાખલ કરાઈ છે. પોલીસે દારૂ રાસ રમતા આરોપીઓને શોધવાની તજવીજ હાથ ધરી છે.
Mar 1,2020, 12:15 PM IST
વાઘોડિયા GIDCમાં નમકીનના ગોડાઉનમાં ચોરી કરનારાની હરકત સીસીટીવીમાં કેદ થઈ
વાઘોડિયા GIDC
વાઘોડિયા GIDCમાં નમકીનના ગોડાઉનમાં ચોરી કરનારાની હરકત સીસીટીવીમાં કેદ થઈ
વડોદરાના વાઘોડિયા GIDCના સેન્જા કોમ્પલેક્ષમાં તસ્કરોનો આતંક સામે આવ્યો છે. તસ્કરોએ ગોપાલ નમકીનના ગોડાઉનને નિશાન બનાવ્યું. ગોડાઉનમાંથી 47 હજારની રોકડની ઉઠાંતરી કરી તસ્કરો ફરાર થઈ ગયા. ચોરીની આ ઘટના સીસીટીવીમાં કેદ થઈ છે.જેમાં બે ઈસમો ટેબલના ડ્રોવરમાંથી રોકડની ચોરી કરી જતા નજરે પડી રહ્યા છે. ગોડાઉન મામલિકે પોલીસને જાણ કરતા તપાસ હાથ ધરવામાં આવી છે.
Mar 1,2020, 12:05 PM IST
અમદાવાદ રિવરફ્રન્ટ પર યોજાઈ પિંકાથોન, એક્ટર મિલીન્દ સોમાન રહ્યા હાજર
Ahmedabad
અમદાવાદ રિવરફ્રન્ટ પર યોજાઈ પિંકાથોન, એક્ટર મિલીન્દ સોમાન રહ્યા હાજર
અમદાવાદમાં આજે પિંકાથોનનું આયોજન કરાયું હતું. રિવરફ્રન્ટ પર મહિલાઓના સ્વાસ્થ્યની જાગૃતિ માટે મેરેથોનનું આયોજન કરાયું હતું. જેમાં મોટા પ્રમાણમાં અમદાવાદની મહિલાઓ અને યુવતીઓએ ભાગ લીધો હતો. અમદાવાદમાં છેલ્લા 4 વર્ષથી મહિલાઓમાં કેન્સર પ્રત્યે જાગૃતિ અને તેમના વહેલા ઉપચારની જાગૃતિ માટે પિંકાથોનનું આયોજન કરાય છે. પિંકાથોનના આયોજનમાં બોલિવુડના પ્રખ્યાત અભિનેતા અને એથલિટ મિલિન્દ સોમણ ઉપસ્થિત રહ્યા હતા. તેમણે પિંકાથોન બાદ કેન્સરગ્રસ્ત મહિલાઓ માટે વાળ દાન કરવા માટે મહિલાઓને મેસેજ આપ્યો હતો. એટલું જ નહિ, સ્ટેજ પર મહિલાઓને પોતાના વાળ કાપીને કેન્સરગ્રસ્ત મહિલાઓને દાન કરવા માટે પ્રેર્યા હતા. પિંકાથોનના આયોજનમાં અનેક મહિલાઓએ પોતાના વાળ કપાવીને કેન્સરગ્રસ્ત મહિલાઓને દાન કર્યા હતા. તો અભિનેતા મિલિન્દ સોમણે નિર્ભયાના દોષીઓને લઇને પણ પ્રતિક્રિયા આપતા કહ્યું કે, મહિલાઓ સાથે કેવી રીતે વર્તન કરવું તે સમાજને શીખવવું પડશે....
Mar 1,2020, 12:00 PM IST
ગુજરાતને નથી ભૂલ્યા ડોનાલ્ડ ટ્રમ્પ, અમેરિકા જઈને યાદ કરી આ બાબત
Trump India Visit
ગુજરાતને નથી ભૂલ્યા ડોનાલ્ડ ટ્રમ્પ, અમેરિકા જઈને યાદ કરી આ બાબત
24 તારીખે અમેરિકાના રાષ્ટ્રપ્રમુખ ડોનાલ્ડ ટ્રમ્પ ગુજરાતના પ્રવાસે આવી પહોંચ્યા હતા. અમેરિકન રાષ્ટ્રપતિ ડોનાલ્ડ ટ્રમ્પ હજુ સુધી આ ત્રણ કલાકની ગુજરાતની મુલાકાત ભૂલી શક્યા નથી. અમેરિકામાં યોજાયેલી ચૂંટણી સભામાં ટ્રમ્પે મોટેરા સ્ટેડિયમને યાદ કર્યું હતું. તેઓએ નમસ્તે ટ્રંપ કાર્યક્રમમાં આવેલી ભીડ અંગે સંબોધનમાં વાત કરી હતી. ગુજરાતમાં મળેલા લોકોના પ્રેમથી ટ્રમ્પ ભારે અભિભૂત થયા હતા.
Mar 1,2020, 11:15 AM IST
વાઘ હોવાના સમાચાર વહેતા થયા બાદ સ્થાનિક લોકોએ કહ્યું, ‘હા... રાત્રે અવાજ તો સંભળાય છે...’
tiger
વાઘ હોવાના સમાચાર વહેતા થયા બાદ સ્થાનિક લોકોએ કહ્યું, ‘હા... રાત્રે અવાજ તો સંભળાય છે...’
મહીસાગર જિલ્લાનાં જંગલોમાં વાઘ હોવાના સમાચાર વહેતા થતાં જ વન વિભાગની ટીમ જંગલોમાં પહોંચી છે. ઝી 24 કલાક મહીસાગરના કંતાર ગામ પહોંચી, જ્યાં ગામલોકો સાથે ખાસ વાત કરી. ગામલોકોએ જણાવ્યું કે, રાત્રે વાઘ જેવો અવાજ સંભળાય છે. જંગલમાં ઝાડ પર પંજાનાં નિશાન મળી આવતાં લોકોને આશંકા છે કે જંગલમાં ફરીથી વાઘ પાછો આવી પહોંચ્યો છે. વારંવાર પશુઓનું મારણ કર્યા હોવાનું પણ સામે આવ્યું છે. મહીસાગર જિલ્લાના જંગલમાં એક વર્ષ પહેલાં જે જગ્યાએથી વાઘનો મૃતદેહ મળ્યો હતો, એ જ જગ્યાએ ફરીથી વાઘના પંજાનાં નિશાન મળી આવતાં સમગ્ર પંથકમાં ફફડાટ વ્યાપી ગયો છે. વન વિભાગ કંતારનાં જંગલોમાં વાઘ આવ્યો હોવાની વાતની તપાસ કરી રહ્યો છે અને સમગ્ર પંથકમાં ચોકસાઈ વધારી દીધી છે. શું ગુજરાતનાં જંગલોમાં વાઘ રહે છે? આ સવાલનો જવાબ જાણવા માટે આખું ગુજરાત ફરી એકવાર ઉત્સુક છે.
Mar 1,2020, 11:10 AM IST
અર્જુન મોઢવાડિયાએ રાજ્યસભાની ચૂંટણીને લઈને કરી મોટી સ્પષ્ટતા
Rajyasabha election
અર્જુન મોઢવાડિયાએ રાજ્યસભાની ચૂંટણીને લઈને કરી મોટી સ્પષ્ટતા
રાજ્યસભાની ચૂંટણીમાં પોતે ઉમેદવાર ન હોવાની કોંગ્રેસના દિગ્ગજ નેતા અર્જુન મોઢવાડિયાએ સ્પષ્ટતા કરી છે. સ્પષ્ટતા કરીને તેઓએ કહ્યું તે. હું રાજ્યસભાની બેઠકનો ઉમેદવાર નથી અને અમે રાજ્યસભાની બે બેઠકો પર જીત મેળવીશું. રાજ્યસભાની ચૂંટણી પહેલા કોંગ્રેસના સિનિયર નેતાએ આ ટ્વિટ કરીને ચર્ચા જગાવી છે. અર્જુન મોઢવાડિયાએ કહ્યું કે, કોંગ્રેસના ઉમેદવારોમાં સંપૂર્ણ એકતા છે. હું કોંગ્રેસનો અદનો કાર્યકર છું. અમે રાજ્યસભાની 2 બેઠકો જીતીશું, પણ હું રાજ્યસભાની બેઠકનો ઉમેદવાર નથી.
Mar 1,2020, 11:00 AM IST
જુઓ કયા કલાકારના ગીત પર મુન્દ્રાના યુવકોએ દારૂનો રાસ રચ્યો હતો....
liquor party Video viral
જુઓ કયા કલાકારના ગીત પર મુન્દ્રાના યુવકોએ દારૂનો રાસ રચ્યો હતો....
ગઈકાલે મુન્દ્રામાં દારૂના રચાયેલા રાસનો વીડિયો આખા ગુજરાતે જોયો. દેશમાં ગુજરાતની દારૂબંધીના લીરેલીરાં ઉડી ગયા છે. ત્યારે વાત કરીએ એ ગીતની, જેના પર આ યુવકો દારૂ પીને છાટકા કરે છે અને દારૂરાસ રમી રહ્યાં છે. દારૂ પર પ્રતિબંધ તો ગુજરાતમાં છે, પરંતુ દારૂ પર બનેલા ગુજરાતી ગીતો તો આવા પ્રસંગોમાં બહુ જ ફેમસ છે. દારૂના ગીતો પર નાચવાનો ઘાતક ટ્રેન્ડ ગુજરાતમાં શરૂ થયો છે. ત્યારે આવા જ કેટલાક ગીતો પર કરીએ એક નજર. મુન્દ્રામાં વાયરલ વીડિયોમાં જુઓ કયા ગીત પર યુવકો દારૂ પીને છાટકા થયા છે.
Mar 1,2020, 10:05 AM IST

Trending news