Congress: સોનિયા ગાંધીએ બોલાવી કોંગ્રેસના રાજ્ય પ્રભારીઓ અને પ્રદેશ અધ્યક્ષોની બેઠક, આ મુદ્દે થશે ચર્ચા

નવી દિલ્હીઃ કોંગ્રેસના અંતરિમ અધ્યક્ષ સોનિયા ગાંધીએ પાર્ટીના નેતાઓની બેઠક બોલાવી છે. તેમણે 24 જૂને પાર્ટીના મહાસચિવો, રાજ્યના પ્રભારીઓ અને પ્રદેશ અધ્યક્ષોની બેઠક બોલાવી છે. આ બેઠક વીડિયો કોન્ફરન્સ દ્વારા થશે. કોંગ્રેસ સૂત્રોનું કહેવું છે કે આ બેઠકમાં હાલની રાજકીય સ્થિતિ પર ચર્ચા થશે. પરંતુ તે સ્પષ્ટ નથી કે આ બેઠકમાં ક્યા મુદ્દાને લઈને વાત થશે. માનવામાં આવી રહ્યું છે કે આ બેઠકમાં બાલની રાજકીય સ્થિતિને લઈને કેટલાક પ્રસ્તાવ પાસ કરવામાં આવી શકે છે. આ સિવાય કોંગ્રેસમાં જારી આંતરિક વિવાદને લઈને પણ વાત થઈ શકે છે. 

મહત્વનું છે કે કોંગ્રેસની આ બેઠક એવા સમયે થઈ રહી છે, જ્યારે કોઈ વરિષ્ઠ નેતાઓએ બળવાનું રૂપ અપનાવ્યું છે. આ સિવાય રાજસ્થાન અને પંજાબ જેવા રાજ્યોમાં આંતરીક વિવાદ ચાલી રહ્યો છે. પંજાબમાં કેપ્ટન અમરિંદર સિંહ અને નવજોત સિંહ સિદ્ધૂ એકબીજાની વિરુદ્ધ આવી ગયા છે. આ સિવાય રાજસ્થાનની વાત કરીએ તો સચિન પાયલટ જૂથના ધારાસભ્યોએ મોર્ચો ખોલી રાખ્યો છે, તો બીએસપીથી આવેલા 6 ધારાસભ્યો અને 13 અપક્ષ ધારાસભ્યો પણ સત્તામાં ભાગીદારી માંગી રહ્યાં છે. તેના કારણે લીડરશિપ પણ મુશ્કેલીમાં છે અને હાલમાં કોઈ હલ દેખાતો જોવા મળી રહ્યો નથી. 

Congress Interim President Sonia Gandhi has called a meeting of AICC General Secretaries, State Incharges and PCC Presidents on 24 June through video conferencing to discuss the current political situation

(file pic) pic.twitter.com/IJhneB21H3

— ANI (@ANI) June 21, 2021

સૂત્રોએ જણાવ્યું કે કોરોના સંક્રમણને લઈને કોંગ્રેસ દ્વારા શરૂ કરવામાં આવી રહેલા સર્વેને લઈને ચર્ચા કરવામાં આવશે. આ સિવાય અન્ય રાજકીય સ્થિતિને લઈને ચર્ચા કરવામાં આવશે જેમાં આગામી સમયમાં યોજાનારી વિધાનસભાની ચૂંટણી પણ સામેલ છે. વીડિયો કોન્ફરન્સ દ્વારા યોજાનારી આ બેઠક 24 જૂને સવારે 10 કલાકે શરૂ થશે. 

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube