રાધનપુર હાઇવે પર ગમખ્વાર અકસ્માત; ડમ્પરે -રીક્ષાને અડફેટે લેતા 3ના મોત, 1 ઘાયલ

ઝી ન્યૂઝ/પાટણ: પાટણના રાધનપુરમાં આજે સાંજે એક ગમખ્વાર અકસ્માત સર્જાયો છે. રાધનપુરથી બઘવડ રોડ પર ડમ્પર અને રીક્ષા વચ્ચે અકસ્માત સર્જાયો છે. જેમાં 3 લોકોના કમકમાટીભર્યા મોત નિપજ્યા હોવાની માહિતી રહી છે. અકસ્માતને પગલે ઘટના સ્થળે લોકોના ટોળે ટોળા ઉમટ્યા હતા. ઘાયલોને 108 મારફતે રાધનપુર રેફરલમાં ખસેડવામાં આવ્યા છે.

આ ઘટના વિશે મળતી માહિતી પ્રમાણે પાટણના રાધનપુરથી બઘવડ રોડ પર એક ડમ્પરે રીક્ષાને અડફેટે લીધી હતી, જેમાં ડમ્પરે રીક્ષાને કચડતા 3 લોકોના કમકમાટીભર્યા મોત થયાની ઘટના સામે આવી છે. આ અકસ્માતમાં એક વ્યક્તિ ઈજાગ્રસ્ત થયો છે. રાધનપુર -ભાભર રોડ પર અક્સમાત સર્જાતા ભારે ટ્રાફિક જામ થયો હતો . 

ઘાયલને 108 મારફતે હોસ્પિટલ ખસેડાયા હતા. ગંભીર અકસ્માત સર્જાતા આપ્સ્સાના લોકો કૂતુહલવશ ઘટના સ્થળે  ઉમટયા હતા.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube