સુરત લોકસભા ચૂંટણી પરિણામ 2019: ભાજપના દર્શના જરદોશ જંગી બહુમતથી વિજયી

અમદાવાદ: લોકસભા ચૂંટણી પરિણામ આવતાની સાથે જ ગુજરાતમાં કમળ ખીલ્યું છે. ગુજરાતની તમામ 26 સીટો પર ભારતીય જનતા પાર્ટીના ઉમેદવારો વિજયી થયા છે. ત્યારે સુરત લોકસભા બેઠક પર દર્શનાબેન જરદોશ 795651 વોટથી વિજયી થઇને ફરી એકવાર સુરતમાં કમળને ખીલાવા માટે મહત્વનો ભાગ ભજવ્યો છે. જ્યારે કોંગ્રેસ દ્વારા પાટીદાર ફેક્ટરનો ઉપયોગ કરવા માટે અશોક પટેલને ટીકિટ આપવામાં આવી હતી. પરંતુ સુરત બેઠક પર કોંગ્રેસના ઉમેદવારને માત્ર 247421 વોટ જ મળ્યા હતા.

લોકસભા ચૂંટણી 2019 પરિણામ: વડોદરામાં રંજનબેન સામે ટક્યું નહીં કોંગ્રેસ

સુરતની બેઠક પરથી ભાજપ દ્વારા સાંસદને રીપીટ કરવામાં આવ્યા હતા. 2014માં પણ સુરતની બેઠક પર દર્શનાબેન જરદોશ જંગી બહુમતથી વિજયી થયા હતા. પાર્ટીએ તેમનામાં વિશ્વાસ મુકીને આ વખતે ફરીથી ટિકિટ આપી હતી. જ્યારે કોંગ્રેસ દ્વારા આશોક પટેલને ટીકિટ આપવામાં આવી હતી. ફરી એકવાર કોંગ્રેસ સુરત પર મહિલા ઉમેદવારને ટિકિટ આપવાનો ભાજપનો નિર્ણય સાચો રહ્યો અને દર્શનાબેન વિજયી થયા છે.